Sơnròp Gơlik Gơs 5

Jơi bơtiàn Adam bơh Set tus Nôe

(I Yal Yau 1:1-4)

1 # Sơnròp 1:27-28. Do la sră cih sơnđan jơi bơtiàn Adam dê. Tòm tŭ Yàng Tom Trồ crơng gơs jơi kòn mơnus gen Kơnràñ lơh jơi kòn mơnus in be rùp Yàng Tom Trồ. 2#Mat 19:4; Mak 10:6.Kơnràñ crơng gơs cau klau mơ cau ùr, ai lơngai lơngò bol khai in, mơ tòm tŭ neh crơng gơs gen sơnđan la kòn mơnus. 3Mơ tai, Adam neh tơl dô rhiang pe jơt nam deh dô nă kòn klau be rùp khai dê, sơnđan la Set. 4Tơnơ̆ mơ tŭ Adam tơnggơs Set rau, gam kis phàm rhiang nam tơnggơs kòn klau kòn ùr. 5Behơ̆ Adam kis sin rhiang pe jơt nam gen chơt.

6Set neh tơl dô rhiang pram nam tơnggơs Enôs. 7Tơnơ̆ mơ tŭ Set tơnggơs Enôs rau, khai gam kis phàm rhiang poh nam, tơnggơs kòn klau kòn ùr. 8Behơ̆ Set kis sin rhiang jơt bàr nam, gen chơt.

9Enôs neh tơl sin jơt nam tơnggơs Kenan. 10Tơnơ̆ mơ tŭ Enôs tơnggơs Kenan rau, khai gam kis phàm rhiang jơt pram nam, tơnggơs kòn klau kòn ùr. 11Behơ̆ Enôs kis sin rhiang pram nam, gen chơt.

12Kenan neh tơl poh jơt nam tơnggơs Mahalalel. 13Tơnơ̆ mơ tŭ Kenan tơnggơs Mahalalel rau, khai gam kis phàm rhiang poan jơt nam, tơnggơs kòn klau kòn ùr. 14Behơ̆ Kenan kis sin rhiang jơt nam gen chơt.

15Mahalalel neh tơl prau jơt pram nam, tơnggơs Jeret. 16Tơnơ̆ mơ tŭ Mahalalel tơnggơs Jeret, khai gam kis phàm rhiang pe jơt nam, tơnggơs kòn klau kòn ùr. 17Behơ̆ Mahalalel kis phàm rhiang sin jơt pram nam gen chơt.

18Jeret neh tơl dô rhiang prau jơt bàr nam, tơnggơs Enôk. 19Tơnơ̆ tŭ Jeret tơnggơs Enôk rau, khai gam kis phàm rhiang nam, tơnggơs kòn klau kòn ùr. 20Behơ̆ Jeret kis sin rhiang prau jơt bàr nam gen chơt. 21Enôk neh tơl prau jơt pram nam, tơnggơs Metusela. 22Tơnơ̆ mơ tŭ Enôk tơnggơs Metusela rau, khai lòt bal mơ Yàng Tom Trồ tòm pe rhiang nam, tơnggơs kòn klau kòn ùr. 23Behơ̆ Enôk kis pe rhiang prau jơt pram nam. 24#Heb 11:5; Jud 1:14.Enôk lòt bal mơ Yàng Tom Trồ gen roh thit tài bơh Yàng Tom Trồ cèng khai.

25Metusela neh tơl dô rhiang phàm jơt poh nam, tơnggơs Lemek. 26Tơnơ̆ mơ tŭ Metusela tơnggơs Lemek rau, khai gam kis poh rhiang phàm jơt bàr nam, tơnggơs kòn klau kòn ùr. 27Behơ̆ Metusela kis sin rhiang prau jơt sin nam, gen chơt.

28Lemek neh tơl dô rhiang phàm jơt bàr nam, tơnggơs dô nă kòn klau. 29Khai tơmoh sơnđan la Nôe#5:29 Nôe: Tòm jơnau Hebrơ, jơnau do gơs sap đơs tòm toh be jơnau gơs gơtha la “bơta hừh nùs”, “bơta pơndòm pơniang”. mơ đơs lah: “Cau do rơp pơndòm pơniang nùs bol he tài bơh broă bòl glar mơ tê bol he pal lơh tài bơh ù Yàng Jehôwa neh srat sơntơm.” 30Tơnơ̆ mơ tŭ Lemek tơnggơs Nôe rau, gen khai gam kis pram rhiang sin jơt pram nam, tơnggơs kòn klau kòn ùr. 31Behơ̆ Lemek kis poh rhiang poh jơt poh nam gen chơt.

32Mơ Nôe neh tơl pram rhiang nam, tơnggơs Sem, Cam mơ Japhet.

Currently Selected:

Sơnròp Gơlik Gơs 5: KPM2018

Highlight

Copy