Ɛfɛshɔ Kāoŋ nu pa thɔ nnu
Kāoŋ nu pa thɔ nnu
Pɔɔ nāʼaŋ ŋwaʼaŋlɨ yei, nthɔ mfɨ̄ʼɨ pi kàʼa ŋa Minnwi fāʼo nthɛ ŋguoŋ pa yaoŋ ŋa a puoŋ ŋkuoŋ shhɛ pugu pa po nɛ. A nōoŋ moŋ ŋwaʼaŋlɨ yei ŋa ŋguoŋ yaoŋ ghao shi njaʼo pi mbhɔ Jishɔ Krishto.
Moŋ fǔoŋ krao ŋwaʼaŋlɨ yei, Pɔɔ chrā pi ŋkuoŋ pɔ nu taʼa yi ntɔgɔ pi ŋkuoŋ chhu nu ŋkwaŋ nɔ haʼaŋ Minnwi Tǎa chuʼɔ ŋgwa pi nɛ, ŋkwaŋ nɔ haʼaŋ a līʼɛ phɨ yugu ndɔ mfuʼu vugu moŋ phɨ yugu ntɔgɔ pi mbhɔ Muuŋ vi, mbɔ Jishɔ Krishto. A pɨnɨ nuʼuŋ mfɨ̄ʼɨ ŋkwaŋ nɔ haʼaŋ kàʼa Minnwi shi ŋguʼɔ ndɔ̄gɔ lɨʼɨ ghao ntɔgɔ pi mbhɔ Jijwɛ Minnwi.
Pɔɔ māʼaŋ fɨʼɨ ni ntou pa yaoŋ nɔ nōoŋ nu ŋa ŋguoŋ puoŋ Minnwi ghao taʼa yi ntɔgɔ pi moŋ pɔ taʼa yi pugu pa Jishɔ Krishto. A nāʼaŋ ŋa chɔshi pɔ nɔ noŋ, Jishɔ Krishto pɔ thɔ yi, ŋa chɔshi nda, Krishto pɔ muuŋ nchíʼa nchini nda ghɔ, ŋa chɔshi pɔ pi miŋgwɛ, Krishto po ndaoŋ vi.
Pɔɔ lūgwi nōoŋ moŋ ŋwaʼaŋlɨ yei ŋa nthɛ khwǎ ŋa Krishto fāʼo mbɨŋ ghaŋ piŋ nɛ, pugu pa chɔmbhi yi ŋa a fɛ nthɛ vugu nɛ, ni līʼɛ nu phɨ ŋa a chwīe pugu fāʼo nɛ, ni fɨʼɨ pwapuŋ ŋa a nōoŋ ni pugu nɛ, a pie ŋa ghaŋ piŋ mīʼaŋ mbha nnu pɨphɨ yugu nchhɔ chɔmbhi taoŋtaoŋ.
Currently Selected:
Ɛfɛshɔ Kāoŋ nu pa thɔ nnu: bmo
Highlight
Share
Copy
Want to have your highlights saved across all your devices? Sign up or sign in
© 2019 Wycliffe Bible Translators, Inc.