Luka Zu̱r mban
Zu̱r mban
Ɗya Luka nu̱ ɗyinan bu̱laki Lagarkati nang. Bu̱la lagarkati nang ye Tiyofilus. Nduk taman bu̱la lagarkati nang mbu̱ ghai Roma chele AD 59-63 ndu̱ chele AD 70-80. Luka ɗya da chele ɓu̱ pudeku gwanggu̱m rapndang ɓa, yang me ghai ɓaran Yakhuda ɓa. Luka ɗya likite nu̱ kuzhi yang wa zu̱n tun khang ɗyine Yesu nu̱ tlu̱nar nu̱ shiki. Lagarkatang wa wut nu̱ ɗyine Yesu ke nu̱ ɗanar ɓu̱ Israila ndu̱ larji guma da. Luka nggasan ndu̱ labar khar ɓu̱ Yesu kom tu̱ lauɗa ndu̱ labar jiiri ɓaran ma yir mbu̱ viɗi, wa shi ɓalar tu̱k ɗyine khar ɓu̱ Yokhana nu̱ baftisme (1:5-25, 57-80) kom ndu̱ ɓar ɓu̱ nu̱ ru̱ktiku ɓu̱ Magham she Maryam (1:26-38). Kom ndu̱ ɓar ɓu̱ nu̱ khutlo ku sarchi nu̱ khaki Yesu (2:8-20) ndu̱ yir ɓu̱ Yesu kaari she Zakka (19:1-10). Lagarkatang wa wut nu̱ ɗyine Yesu wa damta ndu̱ nduki nu̱ke damtaranku, nang ke ɗyi nu̱ saki tu̱ shi ɓalar khang ɗyine nar zhiyaye nu̱ yaapar solarku nu̱ shiki ye nduki. Luka wa bu̱la lagarkati nggur tu̱k nu̱ke ka qa ki za, Tlu̱nar ɓu̱ Pudeku.
Nggu̱ti ɗyin mban
Nu̱ Ru̱kti ɓu̱ Magham wa zu̱ labar khar ɓu̱ Yokhana nu̱ Baptisme ndu̱ ɓu̱ Yesu1:1-80
Khar ɓu̱ Yesu ndu̱ ji ɓaran mbu̱ woi1:5–2:52
Daasar njivang3:1–4:13
Yokhana wa shi baptisme ye nduki kap ndu̱ Yesu3:1-20
Dlu̱dlarsi ɓu̱ Yesu (Zhikankirku)3:21-37
Sheɗan wa buu Yesu mbu̱ gaari3:21–4:13
Yesu wa zu̱ labar mbarkandi tu̱ shi ɗye lazhamku mbu̱ Galili4:14–9:50
Yesu wa shi waazu ndu̱ ɗye lazhamku ji Galili ma yir Urshalima9:51–19:27
Ɗyi ku nu̱ shiki Urshalima: Wa kuma Yesu tu̱ kaatlinda19:28–23:56
Yesu wa ji mbe mu̱ti tu̱ gaɓ varan nu̱ viɗi24:1-53
Currently Selected:
Luka Zu̱r mban: ttrNT
Highlight
Share
Copy
Want to have your highlights saved across all your devices? Sign up or sign in
Nigeria Bible Translation Trust in cooperation with Wycliffe Bible Translators, Inc.
© Wycliffe Bible Translators, Inc. and
© The Nigeria Bible Translation Trust 2016