Mark 6
6
Iaiak-haton Teioteriȣasonterakȣen Tsinihoiaton Roiatatokenti Mark.
1Iesos sahatenti neh nonȣe, tsi thanakere niionsare, ronȣanonteratie ne rahotiokȣa.
2Nok tsi ȣahaȣentatokentane tahatasaȣen ȣasakorihonnien, ȣasakotati tsi ionterennaientakȣa; kentiokoȣanen ne iakothonte tsi rothare, iakohnerakȣaskȣe oni iontonhakȣe: kah onte nithoriȣenha tsinihariȣaienteris? Tsi oni niȣattokhatseriio tsi rattokha tsi oni niionerakȣatenion ne rahoȣeienna?
3Iah kenh naha neh teken ne rasȣenkaraketas, Onȣari roienha, Sak, Sose, Jude tanon Simon rontatekenha? Iah oni kenhnaha teiethiienteri ne rotennosenha? Akȣa ki ok tihontateriȣaientatennihakȣe ne raonha raiatatake.
4Nok tanon tahenron ne Iesos: Akȣa se naha ne Rotokense rahonakeraserakon ok ronȣakenronni, raȣatsirake, ieiohe oni nakȣa rahononskon.
5Iah othenon tehoieronnistston ne ioriȣanerakȣat neh nonȣe, tokara ok sane nonsasakotsiente ne iakononȣaktani neok tsi ȣatesakonisnonsaerhase.
6Nok ronerakȣaskȣe tsini honatennoȣentastskon; etho ok kati aktatiesonha tsi ionatakȣenraron sakorihonniennihatieskȣe, oni sakotatiskȣe.
7Ethone oni iasakononke ne tekeniiaȣenre nihati, nok teionkȣetakehatie tsi iasakotori, oni ȣasakokȣeniatseron ne kontinikonraksen kontiiatatake.
8Neok enskat ȣasakoriȣatatse ne tosa othenon iahatiha tsini iohahes, neok ne rahonatennists; tosa ahatiiarenhaȣisek, kanatarok, oȣista aontake ne rahotinatatserakon.
9Neok ne rahonata ahatihaȣi, tosa tekeni tahonatseronniakȣaientake.
10Ȣasakaȣenhase oni: kaki ok nonȣe nenhietsiia taȣeiaten, tsiok hentsiseȣatentionhe neh nonȣe tontaseȣaiakenn.
11Nok nonka kiok iah tatenhietsiiarhotonnire, iah oni taietsiiataonsatate, saseȣarasitokef nonen tentiseȣatenti neh ȣatenientenstakon tsi enhionteriȣaketate. Oriȣiio tsi kȣarori tsi tikenha tsi nensakoteȣeiennatsaniten ne Sodom-ronon oni Gomor-ronon tsiniiot neh nonȣe nihatinakere nonen tentesakoiatoretana.
12Ok kati etho iahontasaȣen iaonteȣennoten aonsaiontatreȣate.
13Sasakohnatekȣatanion nʼotkon iakonatienni, sasakotsientanion oni ne iakohnonȣaktanionni.
14Kare onen nʼOnontiio Herod ȣahosennaronke ne Iesos, aseken rosennoȣannhaonhatie, ȣahenron kati: tohiken Saȣatis sakonekȣahestakȣe shotonnheton, nese ȣaonni rokȣeniatseraien ne karonhiakekha.
15Otiake iontonhakȣe: Elie ȣahi; nok sekon otiake iontonhakȣe: Rotokense, ok ne ens teshiatieron ne Rotokense.
16Sahoȣennaronke kati ethone ȣahenron, neh thohiken Saȣatis ne ȣakatannhaon ronȣaniariakon, onen shotonnheton.
17Aseken rahonha Herod rotennhaon tsi ronȣaiena nʼe Saȣatis nok ronȣannhoton, ne tsi ok neneh raonhafa sota teniak tennine Herodias konȣaiastskȣe.
18Ne kati tsi raȣennihakȣe nʼHerod ne Saȣatis: iah tetkariȣaieri ne tsiatatekenkenha ronekȣe aonsahsatateniakten.
19Nese ȣahonni nʼHorodias tehahonnharikhonskȣe, neok oni aoskanektsera nahonȣario, nok iah tiieȣatonskȣe.
20Aseken nʼHerod rotsaniskȣe ne Saȣatis, roterientare se tsi tronkȣetaieri oni Roiatatokenti, rokonnienstakȣe; iotkate oni tsi roriȣaienniskȣe nok roȣennarakȣakȣe akȣaʼsʼoni raonȣesata nahoȣennaronkhake.
21Kare onen iakaheȣe tsiniieskaes tsinihonakeraton ne Herod, ȣasakotenniothase ne rahosennahokon.
22Eh ontaȣeiate ne Herodias akoienha nok ȣatkanonniakȣe, akȣa eso tsi tahonikonriione ne Herod oni nʼenskatne ronatekkȣahere, ȣarenhase ne kaiatase: Takeriȣanontons tsinitesaskaneks nok akȣekon entkonhion.
23Akȣa ȣahariȣanirate tsi ȣahenron; Akȣekon enkonhion tsinikon tsi ok oni nahoton onskeriȣanontonse, ok onte oni nasennon tsini ȣakonȣentsia.
24Sakaiakenne, onistenha ionsaioriȣanontonse, nahoten ȣakenron enkeriȣanonton? Tontakenron nonistenha: Saȣatis raonontsi seriȣanonton.
25Skatakhe ionsontaȣeiate tsi thenteron ne ronontiio, ȣahorori tsi nahoten ȣaskaneks, ȣakenron: ne keriȣanontons nʼaskon akȣa oni oksaok akeratne aontakaratie ne Saȣatis raonontsi.
26Ȣahonikonranonȣake nʼOnontiio, nok iah tehokȣenion nahaȣennontion ne tsi kentiokoȣanen ronȣathonte tsi nithotati.
27Saiatat ne rahonnhatsera iahotori, ȣahorihon nahontahahaȣi ne Saȣatis raonontsi.
28Eh ȣarete, nok tsi iontatennhotonkȣa iahoniariake akeratne taharen, iaharon ne kaiatase, nok ne kaiatase onistenha ionsaiaon.
29Iahatiriȣaronke ne Saȣatis raotiokȣa, eh ȣahonnete ȣahonȣaiatata.
30Onen etho sahonneȣe tsi renteron ne Iesos, ne ratikȣekonne, Akȣekon Saonȣarori tsi nahatiieranion tsi oni nahoten ȣasakotirihonnien.
31Sahenron: ostonha niare teȣatotarho tsi nonȣe iah tetionkȣene, nok ostonha aheseȣatorishen; aseken akȣekon iah tehotinak totaskȣe ne tahonstskaon tsini iotiokȣatsanit iontkennisahaskȣe.
32Kaonȣakon kati iahontita, nok isih niiore niiahonne.
33Nok tanon tsi ȣaonttoke tsi sahontenti, kentiokoȣanen oni nahonȣaienterene; akȣekon ok kati ȣationratate atsiaktatie, rononha ratihente; eh kati tkentiokote tsi iahonrarho.
34Sontahatitako ne Iesos ȣahakahenhion tsini kentiokoȣanen etho iakotkennison; ȣasakotenre, neh tsi eh niiakoiataȣenhon tsi niiot ne teiotinakarontonha ne iah teiotiien nasakohnonna, nok eso are etho nonȣe nasakorihonnien tsi ȣasakotati.
35Onen siiokarahane nonkȣati, ȣahonȣateranentakten ne raotiokȣa, ȣahonniron: Onen iokara, tanon tsi iah othenon taietsenri ne kentho.
36Aonsaseiatori kati, aonsaontenti nok iaonsahatininon niieks tsi tionatakȣenraron, aseken iah othenon tehonatennatseraien.
37Tontahenron: ise ki ȣahi aietsinonte: tontahonniron; Sekon ne kaieri teȣenniaȣe kȣenis aiakȣanataraninonte iah ki akȣekon taiakotane?
38Tontahenron: toh nikon seȣanataraien? Seȣatkens, nok nonen Saontkense, ȣahonniron: ȣisk, tanon tekentsiake nikentsiasa.
39Ethone kati onen ȣasakonnhane nasakotirori nakȣekon Ononhonrake aiontien, aionnitiokȣakȣenraron oni.
40Eh kati niiot tsi ȣaontien, skatson teȣenniaȣe, ȣiskson oni niionkȣetassenhatie.
41Ethone ne Iesos ȣatrakȣe ne ȣisk nikanatarake tanon ne tekentsiake, ȣahaterennaienhase, ȣathanatariakon, iasakaon ne raotiokȣa, nok nerononha iaonsasakonon nonkȣeokon, akȣekon oni ne tekentsiake ȣahatiiakkon oni neneh.
42Akȣekon ȣationstskaon akȣa oni ȣahakotane.
43Nok tekeni iaȣenre niȣaterake ȣakanane tsinikon ȣahotatenre ne kanatarok, ostonha oni neneh ȣahotatenre ne kentsionk.
44Neh nahoten ne ȣisk niȣenniaȣehetserasen niionkȣetake ne rotiskenrakete ȣathonstskaon.
45Akȣa neok Sonteȣeiennentane, oksaok ionsasakotori ne raotiokȣa tonsahatiiaiake Betsahida nonkȣatikȣen; nok ne rahonha tonsasakonitiokȣaronkȣate.
46Nok nonen satonsonnitiokȣaronko onontoharake niiahare ȣahaterennaienna.
47Onȣar ok kaniatarhen sihatihonhiontie onen taiokaraȣe, nok ne rahonha rahonhaa oni ehtiioke itres.
48Nok ȣahoni konraientane tsi serenkeneha tihonatentionhatie aseken rotiȣeraraonhatie; nok neh nahoten tsi niiorhenhonhatie eh niiahare onekakesson thire, akȣa oni anio neh nahoten narerheke akeiatoheststen.
49Ȣahonnere neneh tsi ȣaonȣaken aȣenkesson tare, ȣahonkȣatianeronne kati ȣahi, nensok ȣathotihenrete.
50Neh ȣaonni ȣahonateronhienten tsi ratikȣekon ki ȣahonȣaken; nok tanon ne rahonha iasakoȣennarane tahenron: Skennen tikenhak, tosa seȣateronn iise.
51Akȣa neok tonteȣenniioste iahatita oksaok ȣatkaȣeriiake, Onen senha ȣahotinerakȣenhaton.
52Aseken tsiniiot neok iah akȣa tatehotiiatoreton ne kanatarok ahoriȣake sotsi sekon nihoneriasatsiioha.
53Senazaret nonȣe iahatiserenne eh kati nonȣe iahonrarho.
54Ok sishonȣaienterihatie ne ienakere shahatitako.
55Ok kenh tiiahahe ȣateȣateriȣareni tsi ienakere, ok oni khe karatie taiontatiatakareni ne iakohnonȣaktanionnis, etho niieiontatiatenhas tsi nonȣe nenhieriȣaronke enhiahiron eh nonȣe itres.
56Eh kati niiotonhatie tsi niȣa ȣataststekafa, tsi kanataienton, ionatakȣenraron, teienakeraserokenson, kanatakonson oni ok eh nikatensonhatie ne iakohnonȣaktanionni, ronȣanekennis arahona neok oni ne kenniiaieiere raotiataȣitne, nok tsiniiakon ne ieiakoiatoseronskȣe raiatake tsiontonskȣe tsi iakononȣaktani.
Currently Selected:
Mark 6: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
