John 2
2
Tekenihaton teioteriȣasonterakȣen tsini hoiaton Roiatatokenti San.
1ASEN nonta onakenke taiontennioten Cana Galile nonȣe, etho iȣeskȣe ne Iesos ronistenha.
2Ȣahonȣaonkaron oni nehne ne Iesos oni ne raotiokȣa.
3Nok ȣahontnekokten notsitsia, nok ne Iesos ronistenha ȣahaȣenhase: iah teshotinekaien nʼotsitsia.
4Nok ne Iesos tontahaȣennaȣeron, ȣahenron: nahoten kati nii ahetiatsteristakȣake tsi sathonȣisenha? areko tehio tsi kaȣistaeks nii akaȣenk.
5Ronistenha ionsaiakaȣenhase ne kannhatseraokon: eh naseȣaier tsi ok oni niiot tsi hentsiseȣannhane.
6Iaiak nikatsetake otara etho katsetotonkȣe, neh ronststane tsini hotirennhaonne ne Sitaeronon neh nonȣe nikahaȣis tsini ȣentanoron toka asenson nikanakȣake niiotieni.
7Ȣahenron kati ne Iesos: seȣanekanann kehiken katsetoton onekanos; nok akȣa ȣahatinane.
8Ethone sahenron: seȣanekarako onen, nok hetsiseȣanatonnira ne rostsȣenkaraniionte. Nok iahonȣanatonhase.
9Ne kati nonen sahatkense ne rostsȣenkaraniionte nonekanos otsitsia iotonhon (iah ki tanon tehoterientarakȣe kah nontaȣe, kenh kaien ne kannhatsera ne rotinekaten ronaterientaratsion nehneh) ȣahaȣenhase ne roniakon.
10Nok ȣahenron: Neh ens niare taiontierente ȣahenekira ne kanekiio; nok akȣa skenenha entkaiothiiate nonen eso iakohnekiren; nok nise sekon neh nisateȣeienton ne kanekiio.
11Nehne tontierente ioriȣanerakȣat tsinahaiere ne Iesos Cana-Galile nonȣe, nok ȣehne ȣaronni ne raoiatanerakȣatsera, nok taonȣetakȣe ne raotiokȣa.
12Ethone onen Kapharnaumke niiahare ronhne ne ronistenha rontatekenhokonha, oni ne raotiokȣa, iah ki tanon tiiehoniskohon.
13Aseken onen thoha iakaheȣe tsini honentanoronse ne Sitaeronon konȣanatonkȣa Shotonnhestston, Jerusalem niionsare ne Iesos.
14Iaharaȣe, Ononsatokentike ȣasakoken ronatenaskȣatkeronton, tionnhonskȣaron, teiotinakarontonha, orite etho oni ronatekkȣaratseroton ne tehontatȣistaȣis.
15Ok aseriie tahatkȣironniate, nok akȣekon sasakotekȣate nʼOnonsatokentike oni ne rahotitsenenhokon; ȣathatȣistokȣatanion nok ȣahatekkȣaratserakarhathoseron.
16Nok ȣasakaȣenhase nʼOrite ronatenaskȣatkerontakȣe, ehren seȣahaȣit kehiken ne kenh nonȣe, tosa iontkerontakȣa seȣatatenonsonniaton ne Rakeniha raononsa.
17Ethone ne raotiokȣa sahonneiarane tsiniȣaton tsi kaiaton: Sanonsa aokȣeniat onkiatakari,
18Tahontati ne Sitaeronon ȣahonniron: oh nahoten enhiakȣatokatakȣe tsi sakȣeniatseraien neh nasiere?
19Iesos tontasakoȣennaȣeron ȣahenron: saseȣanonsarisi ne kenh Ononsatokenti, nok asen nenȣata enskenonsisa.
20Tontahonniron ne Sitaeronon: Kaieri niioserasen nok iaiak niiekanonsison ne kenh kanonsote, nok nise asen ok nenȣata ensesenonsisa.
21Nehse neneh rentonhakȣe tsinenhioiataȣen ne raoieronta.
22Nese ȣaonni nonen sonsahatonnhete, sahonneiarane ne raotiokȣa tsinahoten raȣen; taonnetakȣe tsini kaiaton, oni tsinithotati ne Iesos.
23Tsinikariȣes Jerusalem ihres, kentiokoȣanen taonȣetakȣe, netsi iontkathos ioriȣanerakȣatenions tsini haierhakȣe.
24Iah ki tanon ne Iesos akȣa tetesakaȣetakȣenne aseken akȣekon niiesakoienteriskȣe.
25Nok oni tsi iah teresakskȣe onka nonkȣe ahonȣariȣaniratse: aseken akȣekon raienteri tsini iakaȣeriasotens nonkȣe.
Currently Selected:
John 2: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
