JAKARIYA 7
7
Jvqtw gab la Aya Mwwpanam mam Goqnam
1Darius lvpw atwb vnyw-nywpy go swwiyik ho, At Swg gomcwrv Jakariyanvn haanum, pool kiyag aal loopy ho, hoqhv Pwra poolv. 2Sija Betel nyiilungv Sarejar la Regem-meleknvn hoo At Swn mwwsw kodwb bulug nyiilungam benyoq-nyinyoq mvdwb kanamnum, 3nyiit At Swg dvparg nyub tulu ngamla nyiqry benbo tulungam begamv, “Ngo nyix-riil pool barng haamab dootayin yv, ngo vnyw vigo nyidul dook namhvb?”
4Hoo nyiit At Swg gomcwrv ngam haanum: 5“Gvda nyiilungam la nyub tulungam beto, pool bargngam la kvnnam vnyw kvn gob hwdlo nulv dvr reel hoo nyix-riinamv, nulv ngoqgab dery-reen mvi yv? 6Hoo hwdlo nulv dvi-twwikam, nulv at atgab dvma-twwma dvn yv? 7Hwdlo Jerusalemho nyiingv dooi kukho hoo nyet-nyeram swwi kukho, Jerusalem mam bopam tulungv doqyumnum, hoo nyooko nyookam nyiingv dooyum kunum, soq gomcwr tulu sam At Swg otuqho nyiqry benbo tulungv pui baqma nvm yv?”
8Hoo At Swg gomcwrv Jakariyanvn haanum hoo begamv, 9“Soq sib nyiit At Sw bedo, jvqtw pwwngam hwwto, anyangam la aya mwwpanam mam akwn-akwn kaakin minsto, 10xwwmy-hopinam, nyoodo nyiingam, ho jwwgw boam nyijab-nyiyiq maabv, hoo nulug hanglo akwn-akwn ceekol alman boam bon nyidwb mwwmabv.” 11Hvbmabde bulv tagab dvb haqpaqnum hoo tamil doonum hoo bulug nyurungam tuuxanum ho bulv tapa kumanam. 12Bulv bulug hang aiyin hvb ator dvb mvnam hvb nyima nyiloqkam bulv pvvbam tapa banpv hoo nyiit At Swg gomcwr tulungam mwwg yal lvgab otuqg nyiqry benbo tulug lvgab kanamnum. Hoqgab nyiit At Swg vcjaqb haaxaqnamv haaknum. 13Nyiit At Sw bedo, “Ngo goqnum, hoo bulv tagab ma, ho bulv goqnum, hoo ngo takam ma,” 14“hoo bulug cengka maanam nyob asaqg pengko lo bulam ngo cwkeq-lemeq dooi lvgab cwrsaq-twqb mvnum. Hoqgab bulug gvda apaq kunamv yuupaq paku, hoqgab hoqho nyi akkam wko-wpeq kumanum, hoo albo gvdangam dooxa-xaaram dvb mvknum.”
Currently Selected:
JAKARIYA 7: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.
