MAIKA 6
6
At Sw Nyimur boam Beenam
1Tato, hoggv At Sw bedwn:
Gorabto, nulug bvrwqkam puutu tulug agaho sorka ta,
hoo yorn tulungam nulug yalam tapa mvto.
2Tato, puutu nulv, At Swg nyimur boam beenam mam,
hoo swcw gwwlam kuiyum xaqb doogbo nulv,
hoggab At Sw mwwg nyiilungam ceekol nyimur boam beepa kun,
hoo mwv Israel lvgab hentwr hem tayin.
3Ngoqg nyi tulunga, hoggv ngo nulam nyipa kun?
Hoggub ngo nulam mwwdwq dwqm pakun? Ngam birwqto!
4Hoggab Ijipt gvda hoqgv ngo nulam boolinum
hoo nyerab swwk bo dvpar hoqgv nulam pvlywnum,
hoo nulug dookub ngo Mojes,
Aron hoo Miriyamnvn kanamnum.
5Ngoqg nyi tulunga, mwwpa to, hoggv Moabg lvpw at Balak vm mvvnum,
hoo hoggv Beyor gv ko Baalam mwam birwqnum,
hoo hoggv Sittim hoqgv Gilgal nagub nyiknum,
ho nulv At Swg ywwlin dvb bon nyinam mam cengyi nvpv.”
Hoggv At Sw Nvvnw Dvn?
6“Ngo At Swg agaho hoqgv bval haatayin,
hoo ao toloq doonbo Pwnbog agaho ngo atv dumpo pvxwl tai nvi yv?
Boyuqnam aky lvgab,
vnyw nywg akambo svv ko lvgab ngo haatayin yv?
7At Sw lwwyw-lwwyw yaap tvmwr lvgab,
lwwyw camg kuty pobu lvgab hemp tai nvi yv?
Ngoqg nyixaq gab ngoqg dwrbuqconam mam,
ngoqg yvjwg nyic gab ngoqg gv aaxiam jitayin yv?”
8Nyi tulunga, hoggv aldvn, mwv nulam betam pakun;
hoo hoggv At Sw nulam nyim nwwdwn
hv hvbnyiloqkam jvqtwb nyinam mam, la aby anyanam mam,
hoo nulug Pwnbo lvgab yanwl wmin gvnam mam?
Nyic-nyiyag Twrnam
9At Swg yalv bopam mam cwrcwr sogoq do-
hoo soq si mwwlaql noqg eminam bos dvb nyido:
“Dvvcwg yalam tato hoo mwam hiyv xuqlin kunum!
10Nyic-nyiag dvpar ho nyicig gumn tulungam,
hoo pwwma dvb xiyikam beenam mam ngo mwwpa maab nyitayin yv?
11Nyic lvgab xiwq-xitol xika bo nyi akam,
hoo surub xika layil igin geegwb baqnboam ngo nyiidar nyiv hvl apaq bvi yv?
12Nulug nyetbo nyiilungv kwr-kor rooxo duku;
nulug lvgab doonbo tulungv vm mvvdo,
hoo bulug gam lyolv surjaqb bedo.
13Hoqgab ngo nulam vcjaqb jwwdwn,
nulug nyic nyigam gab nulam vp-cwkw dvb mvpan.
14Nulv dvstanv, hvbmabde xumtram,
hoo nulug uraho kano nootayin;
nulv mvpaq tayin, hvbmabde pvvcuml apram,
hoo hoggv nulv pvvcum pan ham ngo lyoqr orioqkam jipaqtayin.
15Nulv vly liis tayin, hvbmabde vly naaram;
nulv olib kutiam puqs tayin, hvbmabde nulv atv kuty lvgab neelapram;
nulv roo aaxiam puqs tayin, hvbmabde hoq alangam twwpa ram.
16Hoggab nulv Omrig pvvb tulungam,
hoo Ahabwg dvpar hoqg bonam nyinam tulungam pvvl ap paku;
hoo nulv bulug tomswr-hony ko ho wpaq paku,
ho ngo nulam vp-cwkw dvb, hoo nulug lvgab doonbo tulungam xiixum dvb mvkam yinpv;
hoqgab ngoqg nyi tulug bej-beparnam mam nulv cwql swwtayin.”
Currently Selected:
MAIKA 6: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.
