MAIKA 5
5
Pvvb Bwwl Doog boam Betlehamho Dwrbuqdynam
1Sija nulug nyemaq acammam pwbw dvb mvto,
nyem ko nyemaq acam ma;
ngulam ceekol naareq dvb mvg yuku;
ho bulv Israelwg hvvky nyuqm mam yoqdwr lvgab jwwdo.
2Hvbmabde, Betleham Ipratanga,
no Judag nyob pengko hoqgv mwlwngam anyo yaanbo nyobv,
noqg hoqgv Israelam pvvb bwwl doogbo
akam ngoqgab dwrbuqlin tayin, soq haata bo si kol,
oyug ab apa tulug aal hoqgv ku.
3Hoqgab mwv hoq mood nagub bulam jipaqtayin
hwdlo mwn cin-cil ko bwwnam xaqb;
ho mwwg vbw-bor tuugin
Israel nyi tulug dookub wkur tayin.
4Hoo mwwg Pwnbo At Swg yuunam emin hoqgv,
mwv At Swg ator hoqgv mwwg sviya acam mam daql rvky tayin.
Hoo bulv swrsol dootayin, hoggab sija mwv swcw nvg ywwtwr nagub
koibo gob nyitayin.
5Hoo mwv bulug swrsob nyitayin.
Hwdlo Assiriya nyiilungv ngulug gvda urab haai yikho
hoo ngulug lvpw atwg dookam lvc dwqa yin,
ho ngulv mwam kvn rvkybo lvgab daqrabl
hoo piin lvpw atwg nyega ko lvgab ceeko tayin;
6bulv Assiriya gvdangam hoo,
Nimrodwg gvda hoqg haaga tulungam lyoqr orioq lvgab rvky tayin;
hoo hwdlo mwv ngulug gvda uraso haaikam hoo ngulug gvda vrr ho lvc lwqa yin mwv ngulam Assiriya nyi tulu hoqgv naalin tayin.
Boumnam Akam Ywwlin Tayin
7Ho Jakubg dvpar ho boumnamv
nyiilug pengko ho
At Sw hoqgv gums hvb nyitayin,
nwmw aoho nyodo hoiyaqnam hvb nyitayin,
hoq akv nyi ak gab oyu maadwn ho nyia ko tulu gab kaaya ram.
8Hoo Jakubg dvpar ho boumnamv nyob asaq pengko ho dootayin,
nyiilug pengko ho yvtayin,
sony nyot akv nyorog svdin pengko ho yvnam hvb,
sony nyot nyopa ak sviya acam gv pengko ho yvnam hvb,
hoqhv hwdlo wdu yin ham samtinl hoo vmwq yumgub pumwq dvn,
hoo akjijaqkam ywwlin bo dookma.
9Nulug alaqkv laqrabl nulug ceebio tulug aoho mviya tayin,
hoo nulug nyemaq mwlwngam mvpaq tayin.
10Hoo hoq aalam, At Sw bibwqdo,
ngo nulug svpur tulungam, nulug pengko hoqgv mvpaq tayin hoo nulug ceriot tulungam twrtayin;
11hoo nulug gvda hoqg bopam tulungam mvpaq tayin,
hoo nulug ator cwwgw nan mwlwngam joopaq lotayin;
12hoo nulug gvda hoqg nyioky nyub tulungam mvpaq tayin,
hoo nulam nvtaqnam mam nyiqry kaal betambo dookram;
13hoo nulug guss mvnam tulungam,
hoo nulug pengko ho daapo diinam tulungam ngo mvpaq tayin,
hoo nulug alaq pwnam tulungam nulv dumpo pvxwl xumk ram;
14hoo nulug Asera guss tulungam ngo nulug pengko hoqgv busuq xaatayin,
hoo nulug bopam tulungam twrtayin.
15Hoo haaxaqnam mam la hang lingtwrnam mam tvjw maanbo nyob aoho ngo ree daqtayin.
Currently Selected:
MAIKA 5: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.
