LUK 3

Jon Baptistg Bekinam

(Mt 3:1-12; Mk 1:1-8; Jn 1:19-28)

1Lvpw at mwlwngam koi yaab Tiberiyas lvpw at gob vnyw camleq nywnyi gob swwikukam Pontiyas Pilat Juhudi gvdag, laat saabwb nyinum. Herod Galilig gora atwb nyinum, ho mwwg bor Pilip Iturayeg gvda gvla Trakonitis hoo lvpw atwb swwnum, ho Lisaniyas Abilene gv lvpw atwb nyinum. 2Hoo Annas la Kaiyapas bunyiv nyub but abwb swwdul doodho deexa-rara lvpaho Pwnbog agamv Jakariyag ho nyega Jonwg dookub haanum. 3Hoqgab Jon Jordon pobu dwaq tvqpwb wl benum, “Nulug nyic-nyiangam apaq tukul baptijum naatwk hvl mwv bekinnum hoqgv Pwnbov nulug nyic nyiangam axia jitayin.” 4Nyiqry kaanbo Aijaya mwwg potalo xeqpwl apnam hvbkalam.

“Diixa-raraho turung twqb nyi ak sogoq goqdu do,

At Swg lamtangam mwx-mvaql;

mwwg wkwb lamta lo ak dindab ruudingl ruup yaato!

5Gvda pakam mwlwngam haapa dvb mvtayin,

hoo puutu yorn mwlwngam mwrgeql haapa dvb mvto,

lamta pvgw boam padin yaato,

hoo lamta wrboam wngam dvb mvp yaato.

6Nyi tulu mwlwngv Pwnbog ywwt ywwnam mam kaapa tayin!”

7Hoqho Jon galo baptijum naatab lengn bo nyi tulungam mwv benum, “Tvbwg nyob tulu, kokwngam Pwnbog hang lengdynam hoqgv nulv keleqdvb mvdwb nulam hiyv bekinnum? 8Nulug nyic nyia hoqgv nulv wleq pakun hvl kaakin dvb nyisloq nyil kaakin to. Hvbmabde Abraham moloq ngulug abv hvl nulv nulug pengko ho berab maab, Pwnbov soq wlw tulu sam naal Abraham ko hosiqb mvkin dvn hvl ngo nulam bedwn. 9Svvn lwkw hv vxam tvp pakun; aaxy alwb xeema bo svvn nwwcw nwtam patabl wmmwb hurlwq dukub.”

10Nyi tulungv mwam toxnum, “Hvnyiloqkam hognvkv ngulv nyitayin?” 11Mwv birwqnum, “Hiyv lajaqkam lvlwq rumnyig doogbo akv lvlwq rumkin gokam doomabo akam rumgwn jil koog dvb nyidwn, hoo hiyvg ho dvnam doogdvn hvvkam hoq hvbkalam nyito.” 12Kokw so gvda nyooga kokar bo nyi ata go baptijum naatab haabnv mwam toxnum, “Tomswr bov, Ngulv hognvkam nyitayin.?” 13“Nulug kodynam mam laabo yaab nulv komab” hvl mwv bulam benum. 14Sipai ata gokam mwam toxnum, “Ngulam hog hvlayu? Ngulv kam hognvkam yu nyitayin?”

Mwv bulam benum, “Vm akaqb bel hiyv galoqkam twngk naareq maabv, ho hiyv nvkam unab yolu swcin bemab, nam joonam twngk lvgab xumtwl dooto.” 15Kokw so nyi tulu si vigo hingw gwwrabnum, hoo bulv Jonwg pagoqkam lomrab nyiadwb mwwnum soq nyi si lokam Ywwnbo ak hvvpa de. 16Hoqgab Jon bulam benum, “Ngo nulam iss lvgab baptijum jidwn, hvbmabde ngam koi yaanbo ak hoodul doodo. Ngo mwwg luxuqkam pilin dvb kam simp yaama dvn. Mwv nulam dvrwqbo yal lvgab la wm lvgab baptijum jitayin. 17Mwv mwwg lvgab am xabxaq nanv doogdvn hoo mwv am amsuqngam xabxaq tvl mwwg noosulo wtw ammam ap gvdwn, hvbmabde mwv omsuqngam nywywngam miqmabo wmlo parxia dvn.” 18Hoq hvb nyitwk hvl Jon vijaqg nyi tulungam Tugu Puiyam tomswr banv yvnum. 19Hvbmabde Herod lvpw atnvn atwg bor nywxwngam Herodianvn nyem naal nyic nyia vijaqg nyidwk hvl Jon benum. 20Mwv Jonnvn pvtwq tumnv nyic aolo nyic yaadag nyinum.

Jisug Baptijum Naanam

(Mt 3:13-17; Mk 1:9-11)

21Nyi mwlwngam baptijum jixo kokw so Jisu nvkam baptijum jinum. Mwv Xuml dooyikho ao gvda toloqg yabgam ciqkonum. 22Hoqgv dvrwqbo yalv, pwk yobur hvb nyitwl mwwg gv aohv hopwl doonum. Ho ao gvda toloqkv agam yal ak dulnum, “No ngoqg atwg anyanam Ko Tuupv ngo noqg lvgab hangv hindjaqb xumdwn.”

Jisu Kristog Nwd

(Mt 1:1-17)

23Jisu mwwg bonam nyirab yuk ho mwv vnyw cammum gob nyiknum. Nyi tulungv begamv mwv Josapg kov, Josap Helig kov, 24Heli Mattat gv kov, Lebi gv kov, Melki gv kov, Jannai gv kov, Josap gv kov, 25Josap Mattatiyas gv kov, Amos gv kov, Nahum gv kov, Esli gv kov, Naggai gv kov, 26Maat gv kov, Matatiyas gv kov, Semayin gv kov, Josek gv kov, Joda gv kov, 27Joanan gv kov, Resa gv kov, Jerubbabel gv kov, Siltiyal gv kov, Neri gv kov, 28Melki gv kov, Addi gv kov, Kosam gv kov, Elmadam gv kov, Ir gv kov, 29Josua gv kov, Eliejer gv kov, Jorim gv kov, Mattat gv kov, Lebi gv kov, 30Simeon gv kov, Juda gv kov, Josap gv kov, Jonam gv kov, Eliyakim gv kov, 31Meliya gv kov, Menna gv kov, Mattata gv kov, Natan gv kov, Debid gv kov, 32Jesse gv kov, Obed gv kov, Boaj gv kov, Salomon gv kov, Nahson gv kov, 33Amminadab gv kov, Admin gv kov, Arni gv kov, Hejron gv kov, Perej gv kov, Juda gv kov, 34Jakub gv kov, Aisak gv kov, Abraham gv kov, Tera gv kov, Nahor gv kov, 35Serug gv kov, Riyu gv kov, Peleg gv kov, Eber gv kov, Sela gv kov, 36Kainan gv kov, Arpasad gv kov, Sem gv kov, Noa gv kov, Lamek gv kov, 37Metusela gv kov, Inok gv kov, Jared gv kov, Mahalalel gv kov, Kainan gv kov, 38Inos gv kov, Set gv kov, Adam gv kov, hoo Adam Pwnbog kov.

Currently Selected:

LUK 3: NYISBSI

Highlight

Copy