HAGGAI Betamconam
Betamconam
Vnyw 538 B.C ho hwdlo nyumwb booknum Juhudi nyiilungv Bebilon hoqgv Jerusalem otuqb hoot-hoolul hookur yukho, bulv dvrwqbo namlongam mvdar dvb nyirabnum hvbmabde bulv nyebia jaqb nyingo peel apaq kunum. Nyiqry benbo Haggai la Jakariya bunyig hwrcw dvb bon nyigam gab, 516 vnyw ho vtwr-anya ho bulv bonam nyinya kunum. Haggai vcjaqb nyiilungam yolu ruqnum “kwlwq-kvlaqbo nam ho doos tvl” hvbmabde Pwnbog nammv yaqpia-yaqya tvl doog gam gab (1:4). Mwv bulam beo coonum, bulv aljaqb nyika sudo, bulug gumnv nywywngam pwma dvn, hoggab mwwg dvrwqbo namlongam apaq-aiyaq ko-gab At Sw bulug lvgab al mwwpa maanum (Kaato Lebi 26:2-20). Mwv bulam mwwkur tvk hvl goqnum hoo bulug ab tulug Pwnbo lvgab bulug pvvb mwrnam mam nitib mvdar tvk hvl benum. Mwv bulam mwwgw dvb benum Pwnbov mwwg pagoq gab mwwg nyiilungam la mwlw nyob nyiilungam niqtuq nyilin nvdwn. Dvrwqbo namlongam mvdarnam si Pwnbov mwwg nyi tulug pengko ho hookurl doomin gvnam mam kvvyw-kaac dvb kaatamnum.
Ura bol doonbo gvmp:
I. Otuqcob Pui: Dvrwqbo Namlongam Mvdar Mvdwb Goqnam (1:1-11)
II. Jerubbabel la Nyiilungv Birwqnam (1:12-15)
III. Lwnyi Dvb Pui: Dvrwqbo Namlongam Yuunam lvgab Bwwr Mvnam (2:1-9)
IV. Luum Dvb Pui: Kacbo Nyiilungam Nyedar Darxaqnam hoo Lvqcnam (2:10-19)
V. Lwpy Dvb Pui: Jerubbabelnvn Dingrnam (2:20-23)
Currently Selected:
HAGGAI Betamconam: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.