BEGGAR 23
23
Sarag Sinam hoo Svma Liinam
1Sara vnyw 127 gob swwnum; Soq vnyw tulu si Sarag swwl doonamv. 2Hoo Sara Kiriat-arba (hoqhv Hebron) Kanaanwg gvdaho siknum, hoo Abraham Sara gab nyix-riiknv mwn gab xabnum. 3Hoo Abraham mwwg sima taab wnv Hittait nyi tulungam benum, 4“Nulug pengko ho ngo nyiogy haanbo nyoodo nyiingv; nulug pengko hoqgv ngam svma liik nyook loq ak gumnwb jitbv, ho ngoqg kvvciqho ngoqg svma sam ngam liim tvbv.” 5Hittait nyi tulungv Abrahamnvn birwqnum, 6“Ngoqg bir at, ngulam tato; no ngulug pengko so Pwnbog lvpw ko tuup akv. Noqg svmangam ngulug nyubu tulu hoqgv noqg kvvlwqnam uraho liito. Ngulug soqgv noqg svmangam akjijaqkam mwwg nyubuho nam liim ram hvl parl apbo dooma.” 7Abraham gorab banv Hittait gvdag nyiilungam paql xumnum. 8Hoo mwv bulam benum, “Ngoqg svma sam ngoqg kvvciq hoqgv ngam liim dvb nulv mwwd nyiloqkam, ngam tatbv hoo Johar gv ko tuup Epronnvn kotbv, 9ho mwv ngam Makpela lwwpwq kam jikam yin pv, hogloq ham mwv doogdvn; hoqhv mwwg rongo vtwrho doodwn. Hoqg koram ngam nulug agaho bumpwb mwam jim dvb betbv, ho ham ngo svma liikum ko nyook gumn gob pvvtayin. 10Sija Epron Hittai nyi tulug pengko ho doodunam, hoo Hittait nyi Epron Abrahamnvn Hittait nyi tulug tapa dvb, mwwg bopamg toggoqho haanbo mwlwngv tapa dvb birwqnum, 11“Hvbma, ngoq bir at, ngam tato: Ngo rongongam nam jigyin, hoo hoqho doonbo lwwpwqkam nam jitayin. Ngoqg nyiilug ko tuup tulug kaaga so ngo ham nam jigyin. Noqg svmangam liito.” 12Ho Abraham gvdag nyiilug agaho paql xumnum. 13Hoo mwv Epronnvn gvdag nyiilungv tapa dvb benum, “Hvbmabde no mwwd nyiloqkam, ngam tato: Ngo rongog koram jigyin. Sam ngoqg soqgv loorwq tvb, ho ngoqg svmangam tolo ngo liitan.” 14Epron Abrahamnvn birwqnum, 15“Ngoqg bir at, ngam tato: gvda soqg korv rup sikil lwwpy gob nyidwn, Noqg la ngoqg pengko so hog bes dooma? Noqg svmangam liito.” 16Abraham Epronwg benam mam tanum, hoo Abraham Epronnvn Hittait nyi tulug tapa dvb korv rup sikil lwwpy gob nyidwn hvnam mam xilin jinum. Hoq apo ho kwm-kor mvnbo pengko lo xinam jaq hvb xilin jinum.
17Ho Makpelaho doonbo Epronwg rongongv, dou-cagag Mamre ho doonum. Rongo lvgab lwwpwq doon boam hoo rongo ho svvn daqnbo mwlwngam, ho hoq gvda dwaqkam 18Abrahamnvn gumn doog mvdkub Hittait nyi tulug, ho mwwg bopamg toggoqb haanbo mwlwg kaagaho gvqlwq jiknum. 19Soq kokw so, Makpelag rongog lwwpwq dou-cagag Mamre (hoqhv Hebron) Kanaanwg gvdaho, Abraham mwwg nywxw Saranvn svma liiknum. 20Hoqho doonbo rongongam la lwwpwqkam Hittait nyi tulungv Abrahamnvn svma liikum ko nyook gumn gob jiknum.
Currently Selected:
BEGGAR 23: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.
