Mariko Enyanjula
Enyanjula
Amaŋuliro Amalaŋi aga Yesu Kurisito ngʼolu Mariko gagaŋandiiha, ganyonyola hu bulamu wa Yesu Kurisito. Hino njʼehitabo, mu bitabo ebine ebiroma hu Maŋuliro Amalaŋi, ehi beheerera ohuŋandiiha oluvanyuma lwʼohusaaliwa hwa Kurisito. Ebitabo ebine ebyo, nje Matayo ni Mariko ni Luka ko ni Yowaane. Hino njʼehitabo ehihira obuupi mu ebitabo ebine ebyo. Era Mariko gahiŋandiiha ŋagati wʼemyaha enkaaga nʼetaanu ko nʼesanvu. Abahugu mu byʼEbbayibbuli baloma baati Mariko gaŋandiiha naali e Rooma ohugobosa mu abafugiirira Kurisito, amaani.
Mariko oyo bamulanganga esiina erindi baati Yowaane era gaali meeri ya Pawulo ni Banabbasi aye omuhago gwawe nga gufaahomo olu gabadulumaho ni baali ni bali mu lugendo (Bik 13:13). Oluvanyuma Mariko gatiina ni Banabbasi (Bik 15:37-39). Era Mariko oyo gaali meeri ya Peetero yeesi (1 Peet 5:13). Engeri Mariko sigaali mulala hu beegi ba Yesu, abahugu mu byʼEbbayibbuli baloma baati mbo gaŋandiiha bingi ohuŋwa hu Peetero. Mariko ata esira hu buŋeeresa ko nʼesomesa ya Yesu mu biseera ebyʼekomerero.
Ebiri mu hitabo hino mu buupi
1. Mariko ganjula Amaŋuliro Amalaŋi (1:1-13)
2. Obuŋeeresa wa Yesu mu twale lyʼe Galilaaya (1:14–8:21)
3. Olugendo lwa Yesu nʼaŋwa e Galilaaya ohutiina mu hibuga Yerusaalemu (8:22–10:52)
4. Obulamu wa Yesu hu hyalo nʼebi gahola e Yerusaalemu nʼohufa ko nʼohulamuha huhwe (11:1–16:8)
Currently Selected:
Mariko Enyanjula: NUJ
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.