Ye^le^mi 3
3
I^saa^laa^en Maiv Ziepc Zuoqv
1“Se gorngv maaih laanh mienh leih guangc ninh nyei auv,
ninh nyei auv leih nqoi aengx mingh zoux ganh laanh mienh nyei auv,
loz-nqox aengx nzuonx mingh lorz ninh fai?
Wuov norm deic-bung maiv zeiz laih hlopv camv nyei fai?
Mv baac meih zoux hnangv maaic buonv-sin nyei m'sieqv dorn,
hienx hnamv meih wuov deix mienh camv,
meih corc nzuonx daaih lorz yie fai?”
Naaiv se Ziouv gorngv nyei waac.
2“Cau hmien mangc hlang, njang nyei dorngx maah!
Maaih haaix norm dorngx maiv maaih mienh caux meih bueix jiex?
Meih zueiz jienv jauv-hlen zuov mienh daaih hnamv meih,
hnangv Aalapc Mienh yiem deic-bung-huaang.
Meih zoux orqv haic, maaic sin nyei sic
bun deic-bung maaih uix buangv nzengc.
3Weic naaiv mbiungc zuqc dingh mi'aqv,
cun-gen mbiungc yaac maiv duih,
mv baac meih maaih hmien#3:3 Hipv^lu waac gorngv biorngh. hnangv maaic buonv-sin nyei m'sieqv dorn
yaac ngaengc jienv maiv laengz nyaiv.
4A'jang meih heuc yie maiv zeiz? Meih gorngv,
‘Yie nyei die aah! Yiem yie lunx nyei ziangh hoc
meih caux yie zoux doic.
5Ninh oix yietc liuz qiex jiez yie fai?
Oix nouz yie taux setv mueiz?’
Mangc maah! Meih gorngv liuz aqv,
mv baac meih haih zoux duqv
haaix nyungc orqv sic, meih yaac zoux mi'aqv.”
Heuc Ngaengc Doz Nyei I^saa^laa^en Mienh Goiv Hnyouv Nzuonx
6Yiem Yo^si^yaa Hungh gunv nyei ziangh hoc Ziouv gorngv mbuox yie, “Meih buatc ninh zoux nyei fai? Ngaengc doz nyei I^saa^laa^en faaux norm-norm mbong-hlang yaac yiem diuh diuh ndiangx-nyiemz ga'ndiev hienx.#3:6 Naaiv beiv ninh mbuo zaangc nyiec nyei zienh. 7Yie yaac hnamv daaih, ‘Ninh zoux liuz naaiv deix yietc zungv sic ninh ziouc nzuonx daaih lorz yie.’ Mv baac ninh maiv nzuonx. Ninh maiv ziepc zuoqv nyei nziez, Yu^ndaa, buatc nyei. 8Ninh buatc laaix ngaengc doz nyei I^saa^laa^en zoux yietc zungv hienx nyei sic, yie bun leih cai sou ninh yaac zunc ninh mingh. Mv baac ninh maiv ziepc zuoqv nyei nziez, Yu^ndaa, maiv gamh nziex. Ninh yaac mingh zoux hnangv maaic buonv-sin nyei m'sieqv dorn. 9Weic I^saa^laa^en naaiv deix maaic buonv-sin nyei jauv se heng nyei sic, ninh ziouc bun deic-bung maaih uix, aengx baaix#3:9 Hipv^lu waac gorngv hienx, mv baac beiv taux ninh mbuo longc naaiv deix la'bieiv caux ndiangx zoux zienh baaix. la'bieiv caux ndiangx. 10Maiv gunv naaiv deix yietc zungv sic, ninh maiv ziepc zuoqv nyei nziez, Yu^ndaa, maiv longc nzengc hnyouv nzuonx daaih lorz yie. Kungx zoux jaav nyei eix leiz hnangv.” Naaiv se Ziouv gorngv nyei waac.
11 Ziouv aengx gorngv mbuox yie, “Ngaengc doz nyei I^saa^laa^en biux mengh ninh maiv ndongc maiv ziepc zuoqv nyei Yu^ndaa dorngc zuiz. 12Mingh maah! Hungx jienv baqv bung maengx zunh naaiv deix waac. Oix zuqc gorngv,
“Ziouv gorngv,
‘Ngaengc doz nyei I^saa^laa^en aah! Nzuonx daaih maah!
Yie maiv nouz jienv mangc meih,
weic zuqc yie korv-lienh mienh.’ Ziouv hnangv naaiv gorngv.
“+‘Yie maiv yietc liuz qiex jiez.
13Kungx oix zuqc nyiemc meih zoux dorngc nyei zuiz,
se meih ngaengc Ziouv, meih nyei Tin-Hungh.
Meih yiem diuh diuh ndiangx-nyiemz
sueih eix zorqv ganh bun ganh fingx nyei zienh.#3:13 Naaiv deix dorngx beiv hienx nyei jauv.
Meih yaac maiv muangx yie nyei qiex.’+”
Ziouv hnangv naaiv gorngv.
14 Ziouv gorngv, “Ngaengc doz nyei naamh nyouz aah! Nzuonx daaih maah! Weic zuqc yie zoux meih mbuo nyei ziouv.#3:14 Fai nqox. Yie oix yiem yietc norm zingh ginv yietc laanh, aengx yiem yietc fingx ginv i laanh, yaac dorh meih mbuo taux Si^on. 15Yie yaac oix bun horpc yie nyei hnyouv nyei goux yungh mienh, dongh haih longc wuonh zaang caux bieqc hnyouv nyei jauv goux meih mbuo.” 16Ziouv gorngv, “Meih mbuo yiem deic-bung hiaangx camv jienv faaux wuov deix hnoi-nyieqc, mienh maiv aengx gorngv, ‘Ziouv nyei Laengz Ngaengc Waac Faang.’ Naaiv nyungc jauv maiv yiem hnyouv, maiv jangx, maiv hnamv taux yaac maiv aengx siang-zoux norm aqv. 17Wuov deix ziangh hoc mienh oix heuc Ye^lu^saa^lem benx Ziouv nyei weic. Maanc guoqv mienh oix gapv zunv daaih yiem Ye^lu^saa^lem, Ziouv nyei nza'hmien. Ninh mbuo ziouc maiv aengx ngaengc jienv ei ninh mbuo ganh orqv nyei hnyouv zoux. 18Taux wuov deix hnoi-nyieqc Yu^ndaa nyei zeiv-fun caux I^saa^laa^en nyei zeiv-fun oix gapv jienv, ziouc yiem baqv bung maengx nyei deic-bung daaih taux yie ceix bun benx meih mbuo nyei ong-taaix nzipc nyei buonc deic-bung.
I^saa^laa^en Mienh Nyiemc Zuiz
19“Yie hnamv daaih,
“+‘Yie oix liepc meih yiem yie nyei naamh nyouz mbu'ndongx,
yaac bun norm kuh yiem nyei deic-bung meih.
Se yiem zuangx guoqv mbu'ndongx bun meih nzipc gauh nzueic jiex nyei buonc.’
Yie yaac hnamv daaih meih oix heuc yie, ‘Aa die,’+”
yaac maiv leih nqoi,#3:19 Faan zaqc gorngv maiv huin mingh. guangc yie.
20I^saa^laa^en nyei zeiv-fun aah!
Zien sic, maiv ziepc zuoqv nyei auv hnangv haaix nor guangc ninh nyei nqox,
meih mbuo yaac hnangv wuov nor maiv ziepc zuoqv nyei zoux bun yie.”
Naaiv se Ziouv gorngv nyei waac.
21Yiem hlang, njang nyei dorngx haiz mienh nyei qiex,
benx I^saa^laa^en nyei naamh nyouz nyiemv aengx heuc jienv tov nyei qiex,
weic zuqc ninh mbuo yangh pien leih zien jauv,
la'kuqv Ziouv, ninh mbuo nyei Tin-Hungh.
22“Meih mbuo ngaengc doz nyei naamh nyouz aah! Nzuonx daaih maah!
Yie oix zorc meih mbuo ngaengc doz nyei jauv longx daaih.”
“Mangc maah! Yie mbuo daaih lorz meih
weic zuqc meih se Ziouv, yie mbuo nyei Tin-Hungh.
23Zien nyei, yiem fiuv-mbong domh mbong saanx nyei jauv
kungx nduov mienh hnangv.
Zien nyei, Ziouv, yie mbuo nyei Tin-Hungh,
se I^saa^laa^en nyei njoux en.
24Mv baac yiem yie mbuo lunx nyei ziangh hoc taux ih zanc
naaiv deix nyaiv haic nyei ga'naaiv
naqv nzengc yie mbuo nyei ong-taaix laauh luic duqv daaih nyei,
se ninh mbuo nyei ba'gi yungh guanh, yungh guanh, ninh mbuo nyei ngongh guanh,
caux ninh mbuo nyei dorn sieqv.
25Yie mbuo oix zuqc longc zuqc nyaiv nyei jauv dorngx coux bueix,
yaac longc yie mbuo baaic hmien nyei jauv homc.
Weic zuqc yiem yie mbuo lunx nyei ziangh hoc taux ih zanc
yie mbuo caux yie mbuo nyei ong-taaix baamz zuiz
dorngc Ziouv, yie mbuo nyei Tin-Hungh.
Yie mbuo yaac maiv muangx Ziouv,
yie mbuo nyei Tin-Hungh nyei waac.”#3:25 Hipv^lu waac gorngv qiex.
Currently Selected:
Ye^le^mi 3: IuMiNR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
