ᒪrᐠ 7
7
ᒡᕮᙎᐢᒡᕍ ᕦᔭᗰ᙮
1ᑲᐦᗱ ᐊᓀᕞ ᒪᗰᗴᕞᐢᕮ ᑉᕮrᐃᓭᐁᓀ, ᕦᐦᑭᓀ ᐊᑌᐢᖆᐢᓀ ᗱ, ᕮ jᐁruᐢᐊᕃᑦ ᘚ ᑊᗃᕠlᐦᓀ᙮ 2ᑯᐅᕤ ᑭᔭᐃᐣᗰ ᕦᐦᑭᓀ ᔭᐅᕦᕠᐨᓀ ᐊᑊᗃᘚᘕᐅ ᐅᒡᕃᐢᕞᐢ ᐊᕤ ᑲ ᕠᕍ ᕞᑊᗁᐣᕞᑯᐅ, ᐊᔨ ᘔᕠ, ᑭᕍ ᐊᑊᗂᐅ ᐊᕤ ᕞᘔᑊᗁᐣᕞᐠ, ᕦᐦᑭᓀ ᐊᕤ ᕞᐢᐤᐁ ᑯᐅᑊᗃᕠᕊᐣ᙮ 3ᐊᑊᗃᕦᓀ ᑉᕮrᐃᓭᐁᓀ, jᐁᐤᓀ ᗱ ᐊᒡᕫ, ᐅᐣᒡᕊᐣ ᗰ ᕦᑊᗁᕍ ᕞᓇᑊᗃᕠᗱᐅ ᒃᐅᐣ ᐊᐅᐣᕞ, ᐊᕤ ᐊᑊᗃᘚᒡᐢ ᐊᒡᐦᕄ, ᑯᐅᑊᗃᒡᑊᗂᐅᓄᐅ ᔭᐅᒡᔨ ᕮᘛᕤ ᑯᐅᕍ ᐅᕞᐦᗰ ᒣᐁᕠᐅᕞᕮ᙮ 4ᑲᐦᗱ ᓇᑊᗃᕠᐨᕦ ᐊᕦᑊᗀ ᘚ, ᐊᕤ ᓇᒡᓴᐣ ᓄᐅᕤᕠᐦul ᐊᕞ, ᐊᕤ ᐊᐤᐅᐅᐣᘚᘔᐢᓯ᙮ ᑲᐦᗱ ᐅᕄ ᓇᒡᕊᐣ ᐅᕄ ᓂᑭᕠᕍᐃᓀ ᐅ-ᐅᒡᑊᗂᐅᓂ, ᘔ ᓄᐅᕤᗴᕤᐦul ᑲᐦᗱ ᒥᕫ ᕤ ᘔᕤ ᗱ, ᕦᓂᐦᐠᕊᗰ ᐢᐊᘕᐅᓀ ᕦᕦᐅᗴᔨᕬ ᕦᑫᐦᗯᐢᕦᐃ ᗱ᙮ 5ᑲᐦᗱ ᑉᕮrᐃᓭᐁᓀ ᗱ ᔭᕠᖆᐢᓀ ᗱ, ᕦᐅᕩ ᑭᔦᐦᕠ, ᔦᕭᐅ ᑊᗃ ᒪᐤᐅᕠᐣᕠᐨᓀ ᐊᕤ ᓇᑵᐦᗰ ᐃᐣᑎ ᑊᗃ ᕞᐢ ᐊᐅᐣᕞ ᕦᓀ ᕮᕍᑎ ᐅᕠᐨᓀ ᕦᓀ, ᐊᐦᐤᐅᕃ ᐅᒡᕃᐢ ᕞᐢ ᐁᑊᗃᑊᗁᐣᕦ ᐊᕤ ᕦᕬᕍ ᕞᑊᗃᑊᗁᐣᕞᑯᐅ? 6ᐊᕞᔭᕞᒡᕍ, ᑲᐦᗱ ᕤᐤᐁ ᔦᐦᕠ, ᐅᗱ ᓇᑊᗃᐃ ᓇᓭᒡᔨᕊᐣ ᐁᐢᐃᐊᐢ ᓇᑊᗃᓂ ᐅᐣᒡᕊᐣ ᓇᐦᕦᕭᐅ, ᕦᑫᐦᓂᗴᕠᐣᖆᐢ ᐊᑫᕫ, ᐊᔨ ᕦᓀ ᐅᗱ ᐊᐢᐢᐊᑊᗃᕠ ᕦᐊᒃᐊ ᐃᕫ, ᐅᐦ ᑯᐅdᒃᔦ ᕤᐣᕞ ᐢᐊᐅᐦ᙮ 7ᑊᗃᕞ ᐊᐦᐤᐅᕃ ᑯᐅᔭᐅᕦᐢᕞᐨ ᕦᓀᑊᗃ ᐅᑊᗃᕦᕞᗱᐅ ᕦᓀ ᒥᕫ ᗰᐅᗴᕠᕬ᙮ 8ᒡᔨᐣᕦ ᐢᐊᐅ ᓇᑊᗃ ᒡᕮ ᐅᕠᗯ, ᐅᐊᐦᒡᑊᗂᐅᐣ ᕦᓀ ᔭᑊᗁᕦ ᑫᕫ, ᓄᐅᒡᑊᗂᗴᑌᐦulᕄ ᒣᐦᕤᘔᕤ ᘔ ᗱ: ᑲᐦᗱ ᐅᕄ ᓇᒡᕊᐣ ᐊᔨ ᐁᕞ ᑫᐅᑊᗃᐊᐨ᙮ 9ᑲᐦᗱ ᕤᐤᐁ ᔦᐦᕠ, ᐅᗱ ᓇᑊᗃ ᒡᕮ ᒃᐊᑫ ᑵᓇᑊᗃᕄ, ᒪᑊᗃᐦᕦᐃ ᔪ ᐊᐅᐣᕞ ᓇᑊᗃ ᐅᐣᕠ᙮ 10ᐊᕦᓀ ᒧᓭᐢ ᑯᐅᐁᐦᕠᐃ, ᐅᐦᕞ ᓇᒡᕮ ᗱ ᓄᐅ ᗱ ᕦᐅ-ᐅᐣᗴ; ᑯᐅᐦ ᕮᕞᐦᕊᐣ ᐅᕄᓀ ᕦᒡᕮ ᘚ ᕤ ᔪ ᑫᘛᕄᐅᐦ ᐅᕠᐦ ᐊᕞ, ᗴᒃuᕫᕍᐢᓯ: 11ᐊᐦᐤᐅᕃ ᓇᑊᗃᐃ ᐊᕦᐦᕠ ᐊᐅᐣᕞ ᕭᐅᐣᕞᐅ ᐅᕄ ᕦᒡᕮ ᑯᐅᕃ ᕤ ᑯᐅᕃ, cᐅrbᐊᐣ ᐊᔨ, ᐊᔨ ᘔᕠ, ᑲᗰᐊᕬ, ᔭᑊᗁ ᐅᕄ ᓇᑫᐅᐢᕠᐨ ᐃᔪ ᐊᐅᐣᕞ; ᑲᐅ-ᐅᐣᒡᓴᒡᕠ᙮ 12ᑲᐦᗱ ᐊᕤ ᐅᕞᐦᗰ ᒪᗰ ᓂᐅᐣuᓇᐦᓯᒡ ᐅᕄ ᔭᐊᐅᒡᕄ ᕦᒡᕮ ᑯᐅᕃ ᕤ ᑯᐅᕃ; 13ᓇᑊᗃᐃ ᕮᐦᕞ ᘚᐅᓀ ᓇᑊᗃ ᒡᕮ ᒃᐊᑫ ᐊᐤᐊᐦᒡᕍ ᐊᕤᕄ ᑵᐤᐅᕠ ᓇᑊᗃ ᐅᐣᕠ ᐃᕫ, ᑲᓇᐅᐃᐃ: ᑲᐦᗱ ᐊᔨ ᐁᕞ ᓇᒡᕊᐣ ᐅᕄ ᑫᐅᐊᐦᐨ᙮
14ᑯᐅᕤ ᗱ ᐃᕞ ᕦᓀ ᑲᐤᐅᕠ ᘚ, ᕤᐤᐁᕍ ᔦᐦᕠ, ᐊᓇᐦᕞ ᓱᒃᐊᐦᘕᐅ ᓇᑊᗃᓂ ᑲᐦᗱ ᐊᕦᐦᒡᓴᐠ: 15ᐊᕤᕄ ᐊᔨ ᕦᓀ ᒪᒡᓴᐣ ᐠᕬᘚ ᕦᕞᒃuᒡ ᐊᔨ ᒪᒃᐃ ᕠ ᐊᗰ ᗴᐦᕦᔪᕃᐊᐢᓯ: ᐊᐦᐤᐅᕃ ᔦᘚ ᕮᔭᕞᕮᐃ ᐊᔨ ᐊᕄ ᕦᓀ ᗴᐦᕞ ᐊᔨᕬᐦᗰ᙮ 16ᐅᕄᓀ ᒪᘔᐠᕫ ᐅᕄᕦᓀ ᐃᐃᕠ ᐅᕤᒡᓴᑭᐢᓯ, ᐃᐣᑲᐃ ᐅᕤᒡᓴᐠ᙮ 17ᑯᐅᕤ ᕦᓀ ᐅᗱ ᕞᐢᕮ ᓂᕤ ᐠᐤᐊ, ᐠᐤᐁᓇᑊᗃᗴ ᔭᐅᕦᕠᐨᓀ ᕦᐅᐣᕩ ᔦᐦᕠᕊᐣ ᐦᕃᐅᐣᕞ ᐊᑵᐦᗰ ᐅᗴᕠᕬ᙮ 18ᑲᐦᗱ ᕤᐤᐁ ᔦᐦᕠ, ᑯᐅᑲ ᓇᑊᗃᘚ ᕤᐣᕤᐁ ᐊᐅᐣᕞ? ᐊᕤ ᑵᓇᐦᕠᕫᕍ, ᐊᐦᒡᕮᒃᐃ ᐅᕄ ᘛᐦᘚ ᐅᘚ ᐠᐤᐁᒡᓴᒡᕠ ᕦᓀ, ᐊᕤ ᗴᐦᕞ ᐊᔨᕄ ᐁyᐅᐣᕞ; 19ᐊᕤ ᒪdᒃᔦ ᘚ ᐃᕫ ᐊᕮᑯᐅᕞᐦ, ᐊᐦᐤᐅᕃ ᒪᐸᒡ ᘚ, ᑲᐦᗱ ᕮᘔᒡ ᐅᗱ ᓱᑲᐦ ᓂᓂᐣᐠᔨᐁᐦ ᐃᕞ ᐁᒡᓴᐣ? 20ᑲᐦᗱ ᕤᐤᐁ ᐁᐦᕠ, ᐊᔨ ᕦᓀ ᒡᓴᐣ ᘚ ᕮᑌᐦᒡᓴᒡᕠ, ᐊᔨᕍ ᘔᐦᕞ ᐊᔨᕬᐦᗱᐅᐣᕞ ᕦᓀ᙮ 21ᑯᐅdᒃᔦ ᕦ ᐅᘚ ᕦᓀ, ᐃᓀ ᘚ ᕦᕞᐢᕞᐠ ᐅᕞ ᐃᐣᑎ ᒣᘛᕄᕬ, ᓱᗴᗴᐃ ᗱ, ᓇᐠᕭᗰᕞᕄ ᗱ, ᒡᕍᐦᗴᒃᐊᑊᗃᐃ ᗱ, 22ᐊᒡᓴᐣᓀ ᐊᗱᓀᐃᐦ ᗱ, ᒪᗴᗰᐣᒡᔨ ᗱ, ᐃᐣᑎᘛᕄᕬ ᗱ, ᐅᗴᗰᕠ ᗱ, ᓇᐅᓇ-ᐃ ᐃᐣdᔦᘛᕄᕬ ᗱ, ᐊᕦᐃ ᒣᘛᕄᕬ ᗱ, ᐊᕦᗱ ᗱᓀᐦᕄᕠ ᗱ, ᐊᗴᗴᕦᗴᐃ ᗱ, ᘔᐅᗴᔭᑊᗁ ᗱ᙮ 23ᐊᓀᕞ ᐅᕄ ᒣᘛᕄᕬ ᐠᐤᐁᒡᓴᒡ ᕦᓀ ᒡᓴᐣ ᘚ, ᐊᐦᐤᐅᕃ ᕦᓀ ᘔᐦᕞ ᐊᔨᕍ᙮
24ᐊᔨᕠ ᐅᘚ ᓂᐃᔭ, ᑲᐦᗱ ᒡᕮᓇᕞᐢᕮ ᒡyrᐁ ᔪ ᓯᑐᐣ ᔪ, ᑲᐦᗱ ᓂᕤ ᐠᐤᐊ ᐅᕦᓇᑊᗃᗴ, ᑲᐦᗱ ᑯᐅᓄᐅ ᐊᕤᕄᓀ ᐊᕦᐤᐅ-ᐅᕠ ᑯᐅᕠᕊᐣ: ᐊᐦᐤᐅᕃ ᐊᕤ ᓇᓇ-ᐃ ᐃᔪ ᐊᐅᐣᕞᕊᐣ᙮ 25ᐁᐦᕍᐃᕠ ᘛᗀ ᒪᕤᐁ ᐅᕄ ᐊᔦᕬᐃ ᐊᘚᐣᑌ ᒣᘛᕄᕬ, ᐅᕠᒡᓴᐠᕊᐣ, ᑲᐦᗱ ᔪᐦᗰᑌᐢᕮᕊᐣ ᑲᐦᗱ ᒪᑵ ᑫᐦ ᓇdᓴᒡᕊᐣ: 26ᔭᑊᗁ ᘛᗀ ᑊrᐁᐁᐠ ᕦᓀ, ᐢyrᐅᑉᕫᓂcᐃᐊᐣ ᐃᓀ ᘚ ᐃᕫ ᐅᘚ ᕦᒃᐁlᐦ; ᑲᐦᗱ ᔭᗰᓂᐅᐣuᓂᓯᒡ ᕮᔭᕤᕮᐃ ᑊᗃ ᐊᘚᐣᑌ ᒣᘛᕄᕬ ᒪᕤᐁ ᒃᐃ ᕦ ᐅᘚ᙮ 27ᐊᐦᐤᐅᕃ ᙏᓭᐢ ᕤᐤᐁ ᔦᐦᕠ, ᐃᐣᑲᐃ ᕮᘛ ᘚᕤ ᕦᕦᓄᐅᕤ; ᐊᕤ ᐅᗱ ᘚᕤ ᕦᑊᗃᐅᒡᕃᓭ ᑯᐅᔦᐦᐤᐊᐤᐊᗱᕦlᕄ, ᑯᐅᐦᗱ ᖇ ᘚ ᘔᕤᕄᕬ᙮ 28ᑲᐦᗱ ᐊᕞᔭᕞᒡᕍ ᑲᐦᗱ ᕤᐤᐁᕍ ᔦᐦᕠ, ᐁᐦᔦ, ᐊᑊᗃᑊᗁᐣᕦᐃᕬ: ᕭᐅᐣᕞ ᐅᕄ ᕦᑵᐦ ᔦᗰᐦᕦᕠ ᔪᐁ ᓇᕤᓇᐦᕞᕄ ᖇ ᒡᕮᐅᐦᘚ᙮ 29ᑲᐦᗱ ᕤᐤᐁ ᔦᐦᕠ, ᕠᑎ ᐢᐊ ᐃᕫ ᐅᑎᐣᕦ; ᐊᘚᐣᑌ ᒣᘛᕄᕬ ᓇᕤᐁ ᒡᓴᐣ ᘚ ᕮᑌᐢᕮ᙮ 30ᑯᐅᐦ ᓂᔭ ᘚ ᕦᐠᐤᐊ, ᔨᐦᒡᔨ ᐊᘚᐣᑌ ᒣᘛᕄᕬ ᕮᑌᐢᕮ ᘚ, ᑯᐅᐦᗱ ᒪᕤᐁ ᕦᑵᐦ uᐢᒡᔨ ᑫᐦ ᕞᕍᐢᐊᒡᔨ᙮
31ᑯᐅᐦ ᑲᐦᗱ ᔨᕦᐃᕞᐢᕮ ᒡyrᐁ ᔪ ᓯᑐᐣ ᔪ ᐅᘚ, ᐅᘚᑌᐢᕮ ᕤ ᗱᐠ ᘚ ᗃᕄᕃᐁ, ᕦᑊᗃᓂᔭ ᑌcᐊᐳᕄᐢ᙮ 32ᑲᐦᗱ ᑭᔭᓇᓂᐅ ᐦᕄᗁ ᒪjᐃᐦ ᐅᐣᕤᐁᐦu, ᐊᕤ ᗱ ᐅᗱ ᐅᕦᕠᗱᐅ; ᑲᐦᗱ ᔭᗰᓂᐅᐣuᓂᓯᒡ ᑯᐅᔭ ᑲᕤᕠᕬ ᑊᗃ᙮
33ᑯᐅᕤ ᐅᘚ ᔭᕞᐦᕠ ᕦᓀ ᓇᒡᕊᐣᕠ, ᑲᐦᗱ ᔭjᐃ ᕦ ᑲᕠᐦᕠᐨ, ᑲᐦᗱ ᑊᗁᒃᐁᐠ, ᔦᘕᐅᑌ ᗱ ᑲᕞᐦᕠᐨ; 34ᑲᐦᗱ ᔭᘚ ᐅᑲᐦᕦ, ᐅᕞᐢᕦ, ᑲᐦᗱ ᕤᐤᐁ ᔦᐦᕠ, ᐁᑉᐦᑉᕮᒐ, ᐊᔨ, ᕦᕮᐅᘚᒡᕠ᙮ 35ᐃᕞᕞᐦ ᐠᐤᐁᕞ ᒪjᐃ ᕦ ᕮᕦᗰl, ᑲᐦᗱ ᒪᘕᐅᑌ ᐠᕊᕃ ᕠᕮᕤᐠ, ᑲᐦᗱ ᐅᗱ ᐅᕦᕠᐨ ᐊᗴ᙮
36ᐅᗱ ᐊᕤᕄᓀ ᐊᕦᐊᐤᐅᕠ ᔦᐦᕠᕊᐣ: ᐊᐦᐤᐅᕃ ᐅᕦᐃᐦᗰ ᐊᕤᕄᓀ ᐢᐊᘚᐦ ᐊᕦᐊᐤᐅᕠᕬ, ᐅᕦᐃᐦᗰ ᐅᐦᕞ ᑯᐅᕭᐅᕞᐦ; 37ᑲᐦᗱ ᐅ-ᐅᗰ ᑲᐅ-ᐅᕄ ᕤᐤᐁ ᔦᐦᕠᐁ, ᐊᒡᕮᒃᐁ ᐅᕄ ᘚᐤᐅᐦᒃᐅᐣ ᑫᐅᐊᐦcᐦᕊᐣ: ᐅᗱ ᒪjᐃᐅᐣᕤᐤᐁᓀ ᐊᓇᔨᒡᕍ ᐅᗱ ᐅᕤᒡᓴᑭ ᑊᗃ, ᑲᐦᗱ ᐢᐃᐣᕦᖇᓀ ᐅᗱ ᐅᕤᕞᗰ ᑊᗃ᙮
Currently Selected:
ᒪrᐠ 7: BE86SY
Highlight
Share
Copy
Want to have your highlights saved across all your devices? Sign up or sign in
first published by the Society for Promoting Christian Knowledge (SPCK), 1886.
