ᒪrᐠ 2
2
ᒡᕮᙎᐢᒡᕍ ᐅᐣᑫᕠ᙮
1ᑲᐦᗱ ᐠᐤᐃᔭᕊᐣ cᐊᐯrᓇuᑦ ᕦᐦᑫ dᒃᐃᓀ ᐅᕄᕦᕦᕠᐨ ᐤᐊᒃᐃᕍᕞ; ᑲᐦᗱ ᑯᐅᐊᗴᕠᕊᐣ ᐊᔨᕠ ᓂᕤ ᐠᐤᐊ ᐅᕦ ᑯ-ᐅᗴᕠ ᐃᕫ ᒣᐤᐅᔪ᙮ 2ᐠᐤᐁᕞ ᓇᒡᕊᓀ ᕞᗰ ᑊᐦᕍᑊᗃᕠᕊᐣ, ᐠᐤᐊ ᐦᕄᕊᐣ ᕦᑊᗃᑌᐢᒪᐣᕊᐣ ᐊᕤᕄᕦᐦ ᐅᑯᒃᒃᐁ ᐅᕄ ᑊᗁᐣᒡᕊᐣ ᑵ, ᐠᐤᐊ ᐦᕄᕊᐣ ᕤᐢᕍ ᐊᑊᗂᐅ ᐅᑊᗃᕦ ᕦᑊᗃᑌᐢᒪᐣ ᑊᗁᐣᒡᕊᐣ ᑵ; ᑲᐦᗱ ᐢᐊ ᔭᕦᕠᕊᐣ᙮ 3ᑲᐦᗱ ᑭᔨᐣᐠᕮᕞᐢᕞᒡl ᔭᕠᕊᓄᐅᐦ ᔭᕠᕠᕬ ᐃᕫ, ᕞᐣᕦᓀ ᑯᐅᔭᐦᕞl᙮ 4ᑲᐦᗱ ᐊᕤ uᑊᗃ ᐅᘚᑊᗃᕦᕞl ᐃᔪᐊ ᐊᐅᐣᕞ ᐅᕦᓀᑊᐦuᒡl ᑵ, ᓂᑊᗃᕠᕍᕊᐣ ᐊᓀᕠᔨ ᐅᕦᓀᑊᐦuᒡl ᑵ ᐊᕄᐣᕠ; ᑯᐅᕤ ᑊᗃᑊᗃᕦᑊᗀᐅ ᔭᕠᕊᓀ, ᑭᕦᑊᗁᐣᒡᓴᒡ ᕦᑫuᐢᒡᔨ ᕞᕍ ᐢᐊᕞᐨᕠ᙮ 5ᑯᐅᕤ ᙏᓭᐢ ᐤᐊᐃ ᐊᕮ ᐅᗴᕠ, ᕤᐤᐁᕍ ᐅᕄ ᔦᐦᕠᕊᐣ ᐊᔨ ᔭᕠᕊᓀ, ᓭᗱᐁ, ᓇᒣᘛᕄᕬ ᓇᐅᐣᗴᕤᕃᕄ᙮ 6ᐊᐦᐤᐅᕃ ᕦᐦᑭᓀ ᐊᔨᕠ ᕞᗰᐃ ᐊᑌᐢᖆᐢᓀ, ᑲᐦᗱ ᑯᐅdᒃᔦ ᐅᘚ ᐃᐣᑎᑊᗃᕞᐢᕮᕊᐣ, 7ᔦᐅᑊᗃ ᕠ ᕞᒃᐁ ᐊᕤ ᐅᗱ ᐊᕞᐅᕞ? ᒣᐊ ᒣᘛᕄᕬ ᑲ ᐅᐣᕤᕃᕍᐢᓯ ᑯᐅᕦᐦᕞ ᓇᑊᗃ ᒡᕮ ᒃᐅᐣ? 8ᐠᐤᐁᕞ ᙏᓭᐢ ᐊᕦᐅᕠᐅ ᔭᑊᗃᕞᐃ ᐃᐣᕠᑌᐢᐊᑫᕫ, ᕤᐤᐁᕍ ᐅᕄ ᔦᐦᕠᕊᐣ, ᔦᕭᐅ ᐅᐦᕞ ᓇᑊᗃdᒃᔦ ᐃᕫ ᐃᐣᕠᑕᐊ ᐊᐅᐣᕞ? 9ᕞᔨ ᒣᐅᕞᓇ ᐊᗴᕤᕠ ᑫᕫ ᔭᕠᕊᓀ, ᓇᒣᘛᕄᕬ ᓇᐅᐣᗴᕤᕃl; ᑯᐅᕃᕫ, ᘚᕠᑫ ᓯᐣᕦ, ᐣuᐢᒡᔨ ᓀᐅᑎᐊᐦ? 10ᐊᕦᐤᐊᐦᕠᕬ ᐃᔪ ᐊᐅᐣᕞ ᐦᕄᗁ ᕞᒃᐁ ᒪᗱᐁ ᓇᒡᓴᒡᕠ ᐊᔦᕬ ᗱᑌ ᕠᑫ ᑲᑲᒣᘛᕄᕬ ᓇᑊᗃᐅᐣᕤᕃᕄ, (ᕤᐤᐁᕍ ᐅᕄ ᔦᐦᕠᕊᐣ ᔭᕠᕊᓀ,) 11ᕤᐤᐁᕍ ᓀᓯᐃᐦ, ᓂᐃᔭ, ᐣuᐢᕞ ᓂᐅᑎᐊᐦ, ᓇᐠᐤᐊ ᐅᘚᑎᔭ᙮ 12ᐠᐤᐊ ᐠᐤᐁᕞ ᓂᐃᔭ, uᐢᒡᔨ ᓂᐅᑎᐅ, ᑲᐦᗱ ᕮᑌᐢᕮ ᐃᕞ ᔭᐃ; ᐠᐤᐊ ᐦᕄᕊᐣ ᐊᒡᕫ ᔭᐅᕄ, ᑭᔭᐅᕄ ᓇᑊᗃ ᒡᕮ, ᕤᐤᐁᕍ ᑊᗃᕞᐦ, ᐊᕤ ᕮᐅᐣᕞᑎ ᐅᐦᐤᐁᒡᔨ ᕦᕭᐅᕄ᙮ 13ᑲᐦᗱ ᕤ ᗱᐠ ᒣᐅᕞᐢᕮ; ᐊᒡᕫ ᐊᑊᗃᓀᕞ ᒪᗰᗴᕞᐢᕮ, ᐠᐤᐊ ᔭᐅᕦᕠᐨ᙮ 14ᐃᐣᒡᔨᒃᐅᐣ ᑊᗃᔭᕊ, ᔭᐃᕊᐣ ᕃvᐃ ᐊlᑉᕮᐁuᐢ ᒪ ᗱᐁ ᐢᐊᕦ ᓱᓂᔭ ᒣᗯᕠᕄᐨᕠ, ᕤᐤᐁᕍ ᐅᕄ ᔦᐦᕠᕊᐣ, ᐢᐊᑵᕠᔭ᙮ ᑲᐦᗱ ᓂᐃᔭ ᔦᑫᐦᕞᐢᕮ᙮ 15ᕫᐢᐃ ᐤᐊᒃᐁᕊᐦ ᙏᓭᐢ ᔭᐠᐤᐊ ᐠᐤᐁᐢᐊᕦ ᐊᘚᘕᐅ, ᓇᒡᕊᓀ ᕦᓀᗱᐤᕭᐃᓀ ᗱ ᒣᘛᕄᓀ ᗱ ᙏᓭᐢ ᔭᑲᐦᕞᐦᘚ ᔭᐅᕦᕠᐨᓀ ᗱ: ᐅᐦᗱ ᑊᗁᐣᒡᕊᓀ, ᑯᐅᑫᕞᐢᕞᒡl ᗱ᙮ 16ᑯᐅᕤ ᕮᘛᕤ ᐊᑌᐢᖆᐢᓀ ᗱ ᑉᕮrᐃᓭᐁᓀ ᗱ ᑭᔭᐃᗰ ᐃᐣᑲ ᐊᑊᗃᘚᘕᐅ ᕦᓀᗱᐤᕭᐃᓀ ᗱ ᒣᘛᕄᓀ ᗱ, ᕤᐤᐁᕍ ᐅᕄ ᔦᐦᕠᕊᐣ ᔭᐅᕦᕠᐨᓀ, ᔦᕭᐅ ᔭᑲᐊᘚᒡᐢ ᐊᐅᐣᕞ ᔭᑲᐦ ᗱ ᕤᐊᕤᐣ ᕦᓀ ᗱᐤᕭᐃᓀ ᗱ ᒣᘛᕄᓀ ᗱ? 17ᑯᐅᕤ ᙏᓭᐢ ᐅᕠᘔᕭᐅ, ᕤᐤᐁᕍ ᐅᕄ ᔦᐦᕠ, ᔭᑊᗁᓀ ᐅᗱ ᐅᐣᕞᓀ ᐊᕤ ᑭᔨᐣᐠᕮᓱᕦᕠ ᔪᕦᓀ, ᔭᕠᕠᕬᒃᐅᐣ: ᐊᕤ ᔪᐦᗰᑌᔭ ᕞᗰ ᑯᐅᔪᓯᓀ ᕞᐢᐤᐁ ᔭᑊᗁᕦᓀ, ᐊᐦᐤᐅᕃ ᐊᔨ ᐊᕤ ᕞᐢᐤᐁ ᔭᑊᗁᕦᓀ ᗱᑌᐦ ᑵᘔᕮᓄᕭᐅᕃᕫ ᑯᐅᒣᘛᕄᕬ ᐅᑊᗃᕠᐦuᐊᕄ᙮ 18ᑲᐦᗱ ᔭᐅᕦᕠᐨᓀ ᙓᐣ ᗱ ᑉᕮrᐃᓭᐁᓀ ᗱ ᐅᓀᐊᑊᗃᕦᕠᐦᔭ ᕤᐣᑵ: ᑲᐦᗱ ᔪᐦᗰᕮᕞᐢᕞᒡl ᕤᐤᐁᕍ ᐅᕄ, ᔦᕭᐅᑊᗃ ᔭᐅᕦᕠᐨᓀ ᙓᐣ ᗱ ᑉᕮrᐃᓭᐁᓀ ᗱ ᐅᓀᐊᕦᕞᐦᔭ ᐊᐅᐣᕞ, ᐊᐦᐤᐅᕃ ᐣuᓂ ᒪᑊᗂᕠᐣᕠᐨᓀ ᐊᕤ ᐅᓀᐊᕦᕞᐦᔭ? 19ᑲᐦᗱ ᙏᓭᐢ ᕤᐤᐁᕍ ᐅᕄ ᔦᐦᕠ, ᒪᐢᑵᗀ ᕍ ᐠᐤᐊ ᓂᗰᔦᕬ ᑯᐅᔦᐦᑿᕞᗰ ᐅᓀᐊᕦᕤᕃᕍ ᕍ? ᑯᐅᔦᐦᑿᕞᐨᕤᐣ ᐊᕤ ᐅᓀᐊᕦᕞᐦᔭ ᐃᔪ ᐊᐅᐣᕞ᙮ 20ᐊᐦᐤᐅᕃ ᐠᐤᐊ ᐠᐤᐁᕞ ᐠᕭᐅᓇᐦᐤᐅᒃᐁᕦᓯ, ᑯᐅᕤ ᐃᐣᑲ ᕤᗴᐃᐣᖇᒡᓀ ᐠᐤᐃᔭ ᐠᐤᐊ ᐅᗴᔨᕮᕞ, ᑲᐦᗱ ᐊᔨ dᒃᐃᓀ ᐅᓀᐊᕦᕤᔦᕍᐢᓯ᙮ 21ᐊᕤ ᗱ ᐅᕄ ᑯᐅᐣᑌ ᐊᕃ ᐅᕄ ᘔᘛ ᐃᕫ ᑵᗴᕤᐦᑲᕦᐢᓯ, ᔭᐃᑯᐅᕃ ᑯᐅᐣᑌ ᐃᕫ ᑫᗴᑊᗁᐣᑊᗃᕠ ᐠᐤᐊ ᐦᕄᕊᐣ ᐦᕃᐅᔪ ᐊᐤᐅᕠᐊᐢᓯ᙮ 22ᑲᐦᗱ ᐊᕤᕄᓀ ᕦᕦ ᐊᐦᖇᕦᐢᓯ ᗰᗯ ᕤ ᑯᐅᐣᑌ ᐢᐊᘕᐅᓀ ᕤᐣᕞᕤ ᐅᘚ: ᐊᕤ ᗱ ᗰᗯ ᕤ ᐅᕄ ᘔᘛ ᕦᕦᐅᐦᖇᒡ ᐅᕤᑵᒃᐊᓯ, ᑲᐦᗱ ᓇᕞᐢᖇᒡ ᗰᗯ ᕤ, ᑲᐦᗱ ᒪᕦᐅᘔᔨᐦ ᐅᐣᕤᑵᒃᐊᓯ: ᐊᐦᐤᐅᕃ ᗰᗯ ᕤ ᑯᐅᐣᑌ ᐅᕄ ᕦ ᑯᐅᐣᑌ ᗱᐦᖇᕦᐢᓯ᙮ 23ᑲᐦᗱ ᐅᒡᕃᐢ ᒡᕮᐦ ᓂᔭ ᐊᗱᓂᔦᐦᕠ ᒣᓀjᐃᒡᕠ dᒃᐃᓀ; ᑲᐦᗱ ᔭᐅᕠᐨᓀ ᒪᑵ ᑊᗃᕞᐦᕊ ᐊᒡᕫ ᐃᐣᗴᑊᗃᑭᓀᐢᕍ ᐅᒡᕃᐢ᙮ 24ᑲᐦᗱ ᑉᕮrᐃᓭᐁᓀ ᕤᐤᐁᐦᗱ ᔦᐦᕠ, ᐣᔦ, ᔦᕭᐅ ᑯᐅᐦᑊᗃᑊᗃᕠ ᐊᐅᐣᕞ ᒣᓀjᐃᒡᕠ dᒃᐃᓀ ᐊᕤ ᕤ dᒃᐃᓀ ᑯᐅᐦ ᑊᗃᘔᕠ ᐃᔪ ᐊᐅᐣᕞ? 25ᑲᐦᗱ ᕤᐤᐁᕍ ᐅᕄ ᔦᐦᕠ, ᐊᕤ ᒪᑵᐦ ᐅᕦᐦᕞᐨ ᕦᐦ ᐅᕄᕍ ᑕvᐃd ᐊᐅᐣᒡᕄ ᑯᐅᕤ ᐃᐣᕦᖇᐣᕤ ᑲᐦᗱ ᕦᐸᕤ, ᐊᕦᓀ ᗱ ᐊᔨ ᔦᐦᑿᕠᗯ ᗱ? 26ᐠᐤᐃᔦ ᓯᑯᐅᐦ ᓇᑊᗃ ᒡᕮ ᐠᐤᐊ, ᐃᐣᒡᔨᒃᐅᐣ ᐊbᐃᐊᒐr ᕦᓀᑊᗃᐅᕦᕞᗰ ᒣᕠᕬ ᗱᐠ ᐊᗴ, ᑲᐦᗱ ᑭᔭᘛᒡᐢᕊᐣ ᐅᒡᕃᐢ ᐅᗱ ᐊᕤᕄᓀ ᔦᘚᒡᐢᕊᐣ ᑊᗃ ᔭᐃ ᒃᐅᐣ ᕦᓀᑊᗃᐅᕦᕞᐨ, ᑲᐦᗱ ᔭᔨᑊᗂᕊᐣ ᐊᔨ ᔦᐦᑿᕠᗯ᙮ 27ᑲᐦᗱ ᕤᐤᐁᕍ ᐅᕄ ᔦᐦᕠ, ᒣᓀjᐃᒡᕠ dᒃᐃᓀ ᐊᗰᕍᕊᐣ ᕦᓀ ᑊᗃ, ᑲᐦᗱ ᐊᕤ ᗱ ᕦᓀ ᒣᓀjᐃᒡᕠ dᒃᐃᓀ ᑊᗃ: 28ᐊᔨᑊᗂ ᕞᒃᐁ ᗱᐁ ᑊᗃᑲᐅdᒃuᒡ ᒣᓀjᐃᒡᕠ dᒃᐃᓀ᙮
Currently Selected:
ᒪrᐠ 2: BE86SY
Highlight
Share
Copy
Want to have your highlights saved across all your devices? Sign up or sign in
first published by the Society for Promoting Christian Knowledge (SPCK), 1886.
