ᒪrᐠ 13
13
ᒡᕮᙎᐢᒡᕍ ᑫᓀᕠ ᕦᐃᕠ ᒪᒡᕮ᙮
1ᕭᐅᐣᕦᕦᕭᐅᐦ ᕞᕦᗴᒡᕄᕬ ᐠᐤᐊ ᐅᒡᔨᔨ ᕠᐦ ᐅᘚ, ᐁᐦᕍᐃᕠ ᔭᐅᕦᕠᗰ ᕤᐤᐁ ᔦᐦᕠ, ᕦᓀᑊᗃᐅᕠᐣᕠᗰ, ᓀᐊ ᕠ ᒡᐢᔦ ᓇᐃᐦ ᐊᕤᕞ, ᑲᐦᗱ ᓂᕤ ᐠᐤᐊ ᐊᕤᕞ ᗱᑌ ᐅᕄ! 2ᑲᐦᗱ ᙏᓭᐢ ᐅᕞᐢᕦ, ᕤᐤᐁᐦᗱ ᔦᐦᕠ, ᐅᓇ-ᐃᕍ ᕠᑎᐦ ᐠᐤᐊ ᒡᔨᔨ ᕤᐣᕄ? ᐊᕤ ᐁᐦᕍᐃᕠ ᐤᐅᐅ ᒣᐊᗱ ᗴᕤᔦᓯ ᒡᐢᔦ ᕦᐢᐊᐅ ᓇᗴᕠᐦuᕍᐢᓯ᙮ 3ᑲᐦᗱ ᐢᐊᕦ ᖉᕦᐃᐦᗰ ᐠᕬᐢ ᑫ ᐅᕄvᐁᐢ ᐅᑊᗃᑌ ᕞᕦᗴᒡᕄᕬ ᐠᐤᐊ ᒡᔨᔨ, ᐯᕞr ᗱ jᐊᒣᐢ ᗱ ᙓᐣ ᗱ ᐊᐣdrᐁᐤ ᗱ ᕦᐅᐣᕩ ᑭᔦᐦᕠᕊᐣ ᐢᐊᐦᕠ ᐊᑊᗃᕠ ᒃᐊᐦᒡᕮ, 4ᐊᑊᗃᕦᕠᐣᕠ, ᕦᐃᐢᐊᘚ ᐅᕄ ᐠᕭᐅᓂᐅᒃᐃᒡ ᐊᐅᐣᕞ? ᑲᐦᗱ ᐊᕞ ᕦᐅᕩᐅᐣᕞ ᑯᐅᕤ ᐊᓀᕞ ᐅᕄ ᐅᑊᗃᑌ ᓂᓂᐣᑵ ᐊᕞ? 5ᐠᐤᐊ ᙏᓭᐢ ᐊᕞᔭᕞᒡᕍ ᕤᐤᐁᐦᗱ ᒡᔨ ᐁᐦᕠ, ᕞᑫ ᐊᕤᕄᓀ ᓇᑊᗃᓄᐅᐊᐦ: 6ᓇᒡᕊᓀ ᗱ ᔪᐦᗰᑊᗃᕤᕞᕍᐢᓯ ᓯᐣᑎᒃᐃ ᑫᐦᗰ, ᕤᐤᐁ ᑊᗃᕤᕠ ᐃᕫ, ᓴᓂ ᙭; ᓇᒡᕊᓀ ᗱ ᑊᗃᓄᐅᐊᕮᐢᓯ᙮ 7ᑲᐦᗱ ᐊᕦᐦᒡᓴᐠ ᐊᕞ ᓇᘔᐸᕬ ᑲᐦᗱ ᓇᘔᐸᕬ ᐁᐅᔪ ᐊᕞ, ᐊᕤ ᓇᑊᗃ ᐠᕮᒃᐊᕦᐤᐊᐦᕞl: ᐊᔨ ᐁᕞ ᐅᕄ ᑫᐦᗰ ᓂᐅ-ᐅᘚᕦᐢᓯ; ᐊᐦᐤᐅᕃ ᕮᕊᐦᗰ ᐊᕤᑲ ᑯᐅᐦᓇᐅ-ᐅᒃᐃᕦᐢᓯ᙮ 8ᐊᔨ ᐃᕫ ᐁᐦᕍᐃᕠᑎ ᕦᓀ ᑊᗃᕦᑊᗁᕤᑌᐦ ᑭᔨᐣᐠᕮ ᑊᗃᕦᐸᐦ ᐊᗱ ᕦᓇᓀ, ᑲᐦᗱ ᕦᓀ ᕠᑫ ᐃᐣᗰ ᓂᐃᕮᐨ: ᑲᐦᗱ ᐁᐅᓀᕞ ᘚ ᕠᑫ ᐅᕤᕊᐅᓀ ᘚ, ᑲᐦᗱ ᐤᐅ-ᐅlᔦᓯ ᕤ ᐠᕮᓯᕮᐃ ᘕᐅᑲᗴᕦᔭᕬ ᗱ: ᐊᔨᕍ ᕦᕞᐢᑭ ᐅᗴᕠ ᑵᐊᒡᓴᓇᘚᒡᕠ᙮
9ᐊᐤᐅᕃ ᐊᗱᐠᕮᕮᐦᕦ ᓇᑊᗃᐃ: ᓇᑊᗃᑊᗃᕤᗰᕦᐢᓯ ᘚᐤᐅᘔᕞlᗰ; ᑲᐦᗱ ᕞᕦᗴᒡᕄᕬ ᐠᐤᐊ ᐅᕦ ᓇᑊᗃᒡᕮᒡᓴᕞᐢᐊᐢᓯ: ᑲᐦᗱ ᓇᓇᑊᗃᗱᕃᕍᐢᓯ ᕮᕍᑎ ᘚᐤᐅᒡᔨᕬ ᒣᕠᕬ ᐅ-ᐅᗰ ᒣᕠᕬ ᒡᔨᔨ ᗱ ᓴᓂ ᐃᕫ, ᐊᔨ ᐃᕫ ᑯᐅᔦᐦ ᐅᑊᗃᐦᕠᗱᐅ᙮ 10ᑲᐦᗱ ᐅᕠᐨ ᐅᗱ ᐃᕫ ᕮᘛ ᑯᐅᔦᕭᐅᗱᕠᗴᐢᓯ ᕠᑫ ᐅᑫᕫ ᐊᒡᕫ ᕦᓇᓀ ᘚ᙮ 11ᐊᐦᐤᐅᕃ ᐅᘚᓇᑊᗃᗴᕦᐃᐢᒡᕃ ᐊᕞ, ᑲᐦᗱ ᓇᑊᗃᗴᕦᐃᒡᓴᒡ ᐊᕞ, ᐊᕤ ᐊᐦuᓇᕦᐃᐦᗰ ᑭᐣᑎᐤᐊᐦᘚᒡ ᐊᕦᐤᐊᐦᕩᑫᕫ ᓱᕦᓴᐣ ᑯᐅᕃ ᐊᕦᑊᗃᐦᑿᑫᕫ: ᐊᐦᐤᐅᕃ ᐅᕄ ᓯ ᓇᑊᗃᗱᐊᕍᐢᓯ ᐊᔨ ᐢᐊᑫᐦᗰᐊᑊᗃᕄ ᐊᔨ ᐅᕦᐦᕠᐨ: ᐊᕤ ᓇᑊᗃᓂ ᐅᕦᐦᕞᐨ ᐊᐦᐤᐅᕃ ᐊᘚᐣᑌ ᐅᗱ᙮ 12ᒣᑵ ᕦᒃᐊ ᐃᕫ ᔭᕤᘚᕦᐢᓯ ᐊᒃᐁᗯ ᘚ ᒣᑵ, ᑲᐦᗱ ᐊᒡᕮ ᐠᕮᗱᐁ; ᑲᐦᗱ ᘚᕭᓀ ᑯᐅᓇᐦᗰᓀ ᓂᐤᐅᕞᕍᐢᓯ, ᑲᐦᗱ ᓇᑭᔪᕞᐃᐢᓯ ᘔᒃuᕫᕄ ᑊᗃ᙮ 13ᑲᐦᗱ ᓇᑊᗃᐃ ᕦᓀ ᓇᑊᗃᗴᕤᐦ ᐃᑫᐊᐢᓯ ᓯᐣᑎᒃᐃ ᐃᕫ: ᐊᐦᐤᐅᕃ ᐊᔨ ᐊᔪᕬ ᕮᐃᐢᒡᕍᐦᗰ ᐅᘚ, ᐊᔨ ᓇᗴᐅᐦᕦᐃᓯ᙮
14ᐊᐦᐤᐅᕃ ᐤᐊ-ᐃᕦᐦ ᐊᔨ ᒣᘛᕄᕬ ᗴᐦᕞᐦᓂᒡᓴᘚᕠ ᘚ ᑲᒪᐅᕦᕞᐦᗰ ᑕᓂᐁl ᐊᕦᓇᕦᐃᐦᗰ ᐊᕦᐤᐊᕠᕬ ᓇᗴᑊᗁᐣᘚᒡᕠ ᐊᔨᕠ ᐅ-ᐅᕤᐊᐢᓯ ᕊᐣ, (ᐊᔨ ᐊᑊᗃᓴᕃ ᐃᐣᑲᐃ ᐅᕤᒡᓴᐠᑭ,) ᐃᐣᑲᐃ ᐊᔨᓀ juᑕᐁᐊ ᐊᕄᓀ ᐠᕬᐢ ᘚ ᑊᗃᕤᐤᕫᒃᐃ: 15ᑲᐦᗱ ᐊᔨ ᕦᐦᕦᑊᗃᘚ ᓂᕤ ᐠᐤᐊ ᐊᕤ ᓄᐅᗴ ᓂᕤ ᐠᐤᐊ ᐅᘚ, ᑯᐅᕃ ᐊᕤ ᐊᔨᕞ ᐠᐤᐁᐤᐅᔭ ᐅᕄᕦᐦ ᓂᕤᐊᕊᐦ ᒪᐠᐤᐊ ᐅᘚ: 16ᑲᐦᗱ ᔭᑊᗁ ᐊᗱᓂᐦᔦᐦᕠ ᐅᕦ ᐊᕠ ᐊᕤ ᕦᐦᓇᕤᗴ ᔦᕮᕞᕦᐠᕮᕠ ᓂᔭᕤᐊlᕊ᙮ 17ᐊᐦᐤᐅᕃ ᐊᕤ ᐅᗱ ᐊᐤᐅᐦᕞᐃᐢᓯ ᐊᔨᓀ ᑯᐅᒃᐃᕦ ᘚᕤ ᕞᐦᘚᓀ, ᔭᑊᗁᓀ ᗱ ᘚᕤ ᔦᐦᕤᐨᓀ ᐊᔨ dᒃᐃᓀᐁ ! 18ᑲᐦᗱ ᐊᑊᗃᓴᐊᐦᕄᐦ ᓇᐦuᒐᕦᖇᕬ ᐊᕤ ᔭᐢᑫ ᐅᕄ᙮ 19ᐊᔨ ᐃᕫ dᒃᐃᓀᐁ ᐅᕃᒃᐃ ᘕᐅᑲᗴᕦᔭᕬ, ᐊᔨ ᐁᕞ ᓇᕤᐁᕬ ᒃᐅᐣ ᐅᕄᐃᐦ ᕤᐦ ᐅᘚ ᕮᘛᕤ ᕠᑫ ᐅᕄ ᕤᐦ ᐅᘚ ᓇᑊᗃ ᒡᕮ ᐊᔨᕍᐃᐃ, ᐠᐤᐊ ᐦᕄᕊᐣ ᕤ ᐅᘚ, ᐊᕤ ᑯᐅᕃ ᐅ-ᐅᕤᐤᐁᓯ᙮ 20ᑲᐦᗱ ᐊᕤ ᕠᑫᐊᐅᒡᕄ dᒃᐃᓀᐁ ᓇᐠᕮᐢᓭ ᐅᕍᐃ ᐊᕞ, ᐊᕤᕄᓀ ᐅᕦᐃᒃᐃᕊᐣ: ᐊᐦᐤᐅᕃ ᒪᒡᕮᗰᐦᗰᓀ ᘚ, ᔭᒡᕮ-ᐃᐦᗰᕊᐣ, ᓇᕩ ᐅᕍᕊᐣ ᐊᔨ ᘛᓀᐁ᙮ 21ᑲᐦᗱ ᐅᕄᓀ ᕤᐤᐁ ᓇᑊᗃᐦᕞ ᐊᕞ, ᓀᐊ, ᕦᐃᕍ ᙭; ᑯᐅᕃ ᓀᐊ, ᔭᑊᗁᕠᐦ ᐊᕠᐦ; ᐊᕤ ᐊ ᑯᐅᕦᑊᗃᐦᕠ: 22ᐊᔨ ᐃᕫ ᐊᕤ ᕞᐢᐤᐁ ᙭ ᑲᐦᗱ ᐊᕤ ᕞᐢᐤᐁ ᑊᗃᑊᗃᕦᓀ ᓂᐤᐅᐅᕞᕍᐢᓯ, ᑯᐅᐦ ᗱ ᑭᔪᐁᓯ ᐁᐦᕤᕃ ᑲᐦᗱ ᑲᐤᐅᗱᕄ, ᐊᑊᗃᓄᐅᐊᕬ ᑊᗃ, ᐊᐤᐅᐤᐅᐅᒡᕄ ᐃᔪ ᐊᐅᐣᕞ ᐊᕞ, ᒪᒡᕮᗰᐦᗰᓀ᙮ 23ᕭᐅᐣᕞᐅ ᐠᕮᒪ-ᐃᐣᑎᕦᐦᓯᒡ ᓇᑊᗃᓂ: ᓀᐊ, ᓇᑊᗃᕦᓯᐃᐦ ᐊᒡᕮᒃᐃ ᐅᕄ ᐅᕦᑊᗃ᙮
24ᐊᐦᐤᐅᕃ ᐊᔨ dᒃᐃᓀᐁ, ᑲᐅᐦᒡᒃuᒡ ᐊᕞ ᐊᔨᕍ ᘕᐅᑲᗴᕦᔭᕬ, ᐢᐊ ᐃᕫᐤᐅᕫᕍᐢᓯ ᕮᒡᕃᑫ ᐃᒃᐊ ᗱ ᐊᕤ ᑲᐅᐊᕍᐢᓯ ᒪᐅᕦᑊᗀ, 25ᑲᐦᗱ ᔭᕦᐃᐦᗰ ᓴᐣ ᐅᕄ ᓇᑵᕍᐢᓯ, ᒣᓇᒡᓴᒡᓴᒡᕠ ᔭᕦᐃᐦᗰ ᕦ ᐅᕄ ᔭᕤᕊᐅᓇᐢᓯ᙮ 26ᐠᐤᐊ ᐊᔨᕠ ᑭᔪᐁᐃᐢᓯ ᕞᒃᐁ ᗱᐁ ᔪᐦᗰᑌᐢᕮ ᐠᕭᐅᐢ ᒡᕮ ᐅ-ᐅᗰ ᒣᐦᓇᒡᓴᒡᓴᒡᕠ ᗱ ᘔᕠᐣᗴᐃ ᗱ᙮ 27ᐠᐤᐊ ᐃᐃᕠ ᐅᘚᔭᕞᕮ ᔭᑫᐅᕠᐦᗰ ᒡᔨᔨ, ᐠᐤᐊ ᗱ ᓇᗴᑊᗃᓄᐅᕃᕍᐢᓯ ᔭᒡᕮᗰᐦᗰᓀ ᕞᐅᕦᕞᗰ ᐅᘚ ᓂᐣᗰ, ᐅ-ᐅᗰ ᕠᑫ ᐤᐅᕊᐣᐦᗰ ᐅᘚ ᐠᐤᐊ ᐦᕄᕊᐣ ᐅ-ᐅᗰ ᔭᕦᐃᐦᗰ ᕊᐣᐦᗰ᙮ 28ᐠᐤᐊ ᕭᐅᕞ ᐅᑲᐊᕦᐤᐊᐦᕠ ᒥᕫ ᐊᗴᕠ ᗰᗯ ᗰᓀ ᘚ; ᑯᐅᕤ ᐠᐤᐊᑲ ᒪᕦᘛ ᓇᒡᓴᒡᕃᕤᐣᐦ, ᑲᐦᗱ ᐊᕤ ᓀᐦᔦᐦᕦ, ᐊᕦᐤᐊᐦᕠᕭᐅ ᐦᐤᐊᒃᐊ ᐊᕤᕃᐦ ᐅᕄ: 29ᑯᐅᐦ ᐅᕞ ᓇᑊᗃᓂ ᗱ, ᐤᐊ-ᐃᗰ ᕠᑎ ᐅᕄ ᑯᐅᐦᓂᓂᐣᑵ ᐊᕞ, ᐊᕦᐤᐊᐦᕠ ᐠᐤᐊ ᐦᐤᐊ ᐅᕄ, ᕤᐢᖉᐦ ᑯᐅᕃ᙮ 30ᐠᐤᐊ ᐦᕄ ᐊᓇᑊᗃᐃᓯᐃ, ᕦᐃᓀ ᔭᐦᕍᓂᔪᓀ ᕦᓇᓀ ᐊᕤ ᑯᐅᕊᐣᐦ ᐅᕃᓯ, ᐃᓭ ᐊᒡᕫ ᐅᕄ ᕠᑎ ᐊᗴᕬ᙮ 31ᔭᕦᐃᐦᗰ ᗱ ᕠᑫ ᗱ ᐅ-ᐅᕤᐁᓯ; ᐊᐦᐤᐅᕃ ᓭᒃᐊᑫ ᐊᕤ ᐤᐅᕊᐦ ᐅᕃᓯ᙮
32ᐊᐦᐤᐅᕃ ᐊᔨ dᒃᐃᓀᐁ ᑲᐦᗱ ᐊᔨ ᐢᐊᑫᐦᗰᐊᕮᕄ ᐊᕤᕄᓀ ᐊᕦᐤᐅᕠ, ᐊᒪ, ᐊᕤ ᑫᐅᕠᐦᐨᓀ ᒡᔨᔨ ᔭᕞᐦᗰ ᐊᕠᓀ ᐊᑊᗂᐅᓀ ᐠᕮᗱᐁ ᐊᑊᗂᐅ, ᐠᕮᒡᕮ ᒃᐅᐣ᙮ 33ᕞᑫ ᓇᑊᗃᐃ, ᐅᕦᓇᕬ ᑲᐦᗱ ᐊᑊᗃᓴᐊᐦᕄ: ᐊᔨ ᐃᕫ ᐊᕤ ᐊᕦᐤᐊᐦᕠ ᑯᐅᐦ ᓇᐤᐃᒃuᒡ ᐊᕞ᙮ 34ᕞᒃᐅ ᗱᐁ ᐊᕄ ᐃᕫ ᕞᒃᐅ ᔦᕞ ᕤᐣᕞᘚ ᕦᕞᐦ ᐃᕫ, ᕦᓂᕤ ᐠᐤᐊ ᑵᗱᕞᐢᕮ, ᑲᐦᗱ ᔭᘚᐤᐅᐢᕦ ᔭᑫᐅᕠᐨᓀ, ᑲᐦᗱ ᐊᓀᕞ ᕞᒃᐅ ᑫᐅᕠᐦᐨ ᐊᑫᕫ, ᑲᐦᗱ ᐊᔦᐦᕠᐃ ᕤᐢᖉᐦ ᐠᕮᑊᗃᕦᐃ ᐅᕦᓄᐅ ᑊᗃ᙮ 35ᐊᔨ ᐃᕫ ᐅᕦᓇᕬ: ᐊᕤ ᐊᕦᐤᐊᐦᕠᕬ ᐊᐅᐣᕞ ᑯᐅᕤ ᓂᕤ ᐠᐤᐊ ᐠᕮᑊᗃᕦᐃ ᓇᐅᗴᕠ, ᑲᐦᑲᗰ ᑯᐅᕃ, ᕮᒡᕃᑫ ᕦᕠᗰ ᑯᐅᕃ, ᕠᐦᗱᐠ ᐅᕞᐢᕦ ᒃᐊᐦᒡᕮ ᑯᐅᕃ, ᕮᒡᕄᐣᑐ ᑯᐅᕃ: 36ᐃᐣᒡᔨᒃᐅᐣ ᓄᐅjᐊ ᐊᕞ, ᐊᕤ ᓇᕭᐅᐦᕞᕊᐅ ᐢᐊᕞᗱ᙮ 37ᑲᐦᗱ ᐊᔨ ᐊᓇᑊᗃᐃᓯᐃ ᐊᓀᕞ ᑯᐅᔦᓯ, ᐅᓇᕬ᙮
Currently Selected:
ᒪrᐠ 13: BE86SY
Highlight
Share
Copy
Want to have your highlights saved across all your devices? Sign up or sign in
first published by the Society for Promoting Christian Knowledge (SPCK), 1886.
