matq-Taai 7

maiq tuvq tivg myenb Eei zwid

(peiq mavg lu-kaa 6:37-38,41-42)

1“maiq tuvq tivg myenb Eei zwid, Tinb huvb zyrug maiq tivg meib Bua Eei zwid, 2weig zu'g meib Bua Navq haiq nx tivg myenb Eei zwid, Tinb huvb yaag Navq uaq nx tivg meib Bua Eei zwid a'q. meib Bua lovg haiq Euvg Laau pun myenb, Tinb huvb yaag lovg uaq Euvg Laau pun meib Bua.#maa-Ko 4:24

3“meib weig haiq tiug pwatg meib Eei kxb yrud Eei mziv maaib la'fapq yaag maiq Namq Tauj meib kanb Eei mziv maaib Ganj Dyavj? 4kanb Eei mziv maaib Ganj Dyavj, meib fuvg haib Buaj meib Eei kxb yrud, ‘kxj aag, yia Tevj kxj pan Zwrtq mziv Eei la'fapq og.’ 5peib za'g Hruq Fwrtq Eei myenb aa'b! xij zu'g zx'q Zwrtq kanb Eei mziv uaq Ganj Dyavj Daavg Zivj taaib haib mavg tu'q zyen Tevj kxb yrud pan Zwrtq mziv Eei la'fapq.

6“maiq tuvq zx'q Zivb Revg Eei ka'naaiq#7:6 Zivb Revg Eei ka'naaiq se lovg weig Tinb huvb Eei ka'naaiq. pun Juq. kamb Riaj Juq haib taauj sin taaib vaatg meib Bua. yaag maiq tuvq zx'q Jaaij Eei la'pyeib zru#7:6 Jaaij Eei la'pyeib zru Janb Taiq waag kxvq Kaig mukq. zxi pun tuvd. tuvd Kuvj xij Zaaiq waaig Navq.

Toq, lxd, vcvq kcvb

(peiq mavg lu-kaa 11:9-13)

7“xij zu'g Toq zyrug tu'q, xij zu'g lxd zyrug pwatg, xij zu'g vcvq kcvb, kcvb zyrug Gxi. 8weig zu'g haiq taub Toq zyrug tu'q, haiq taub lxd zyrug pwatg. haiq taub vcvq kcvb, kcvb zyrug Gxi.

9“meib Bua haiq taub myenb, ninb Eei txn Toq Fuaq, meib xij pun la'pyeiq ninb fai? 10txn Toq Byaud, meib xij pun naav ninb fai? 11meib Bua Dovg naaig waaig Eei myenb zuvq hiuq tu'q pun lovj Eei ka'naaiq meib Bua Eei fu'Jweiq, meib Bua Eei Tinb txvb tiaj yetg zei xij pun lovj Eei ka'naaiq Toq ninb uaq teij myenb.

12“meib Bua xij myenb Navq haiq nx zruj pun meib Bua, meib Bua yaag xij zu'g Navq uaq nx zruj pun myenb.#lu-kaa 6:31 mo-se Eei leid Zauj trug waag myenb Faauj Eei waag, Rutq zunq kxvq se tovb naaiq a'q.

hepg Eei kcvb

(peiq mavg lu-kaa 13:24)

13“xij zu'g pia'g hepg uaq taub kcvb, weig zu'g txb myenb mivb zu'g myetg uaq taub kcvb Javq Eei. Jauq yaag Kub yavb Eei. yavb uaq tiub Jauq Eei myenb Zamq haig. 14mq paag pia'g mivb tu'q yetg liud Eei mcvg uaq taub kcvb se hepg Eei. Jauq yaag a'g tu'q yavb. lxd pwatg uaq tiub Jauq Eei myenb zo'g.

mavg pyruq zyrug hiuq tu'q Dyavj

(peiq mavg lu-kaa 6:43-44)

15“xij zu'g Buvb Jyenq Jaaq trug waag myenb. ninb Bua taaib lxd meib Bua uaq zang, peib zavg Navq pa'ki yuvb, mq paag ninb Bua Eei Hruq Zyruq Navq Yiab Juq nx. 16meib Bua samj mavg ninb Bua zruj Eei sig meib Bua zyrug hiuq tu'q ninb Bua a'q. Dyavb Fimq maiq haib zyavb a'vung pyruq. muvq lov Fimq yaag maiq haib zyavb vovb Exj pyruq. 17Dyavj lovj zyavb lovj Eei pyruq. Dyavj maiq penj zyavb maiq penj Eei pyruq. 18Dyavj lovj maiq haib zyavb maiq penj Eei pyruq. maiq penj Eei Dyavj maiq haib zyavb lovj Eei pyruq. 19haiq tiub Dyavj zyavb pyruq maiq penj, zuvq zu'g kxij kwavg puaq trud.#matq-Taai 3:10; lu-kaa 3:9 20Navq naaig, meib Bua pwatg ninb Bua zruj Eei sig meib Bua zyrug zia'q tu'q Jaaq trug waag myenb a'q.#matq-Taai 12:33

naaiq teij myenb ye-su maiq lcvd

(peiq mavg lu-kaa 13:25-27)

21“heug Jyenq yia, ‘zyruq aa'b! zyruq!’ uaq teij myenb, maiq zeid taub taub haib tu'q pia'g Tinb huvb Eei kua'q. Kuvj tovb ei yia Eei Tinb txvb tiaj Eei eij zruj uaq teij tu'q pia'g Navq. 22Tauj syemq zwid uaq Nxi#7:22 faan za'g Kuvj kxvq Tauj uaq Nxi. myenb Zamq Eei xij Buaj yia, ‘zyruq aa'b! zyruq! yia Bua tevq meib Eei Buaj trug Tinb huvb Eei waag, yaag zung myenq Zwrtq, yaag zruj Jiaj Bua'g hxvb Eei sig Zamq.’ 23uaq zang yia xij kxvq Buaj ninb Bua, ‘yia lyemb maiq hiuq tu'q meib Bua nyaa. meib Bua zruj waaig Eei myenb kaanq pyauj Gxi maa'b!’#sivj Ruv 6:8

i Euvg kxnb Do'q

(peiq mavg lu-kaa 6:47-49)

24“Navq naaiq, haiq taub haid liud yia naaiq teij waag, yaag ei Jyenq zruj, se Navq yetg taub Zovb mevb Eei myenb komq pyauq la'pyeib pcvb kub vwaaig. 25twib tomb Byuvg, uam Lo kwaatq, pxvd tomb Ryaauj pwrng pyauq, pyauq yaag maiq Baav, weig zu'g komq la'pyeib pcvb kub vwaaig.

26“mq paag haiq taub haid liud yia naaiq teij waag yaag maiq ei Jyenq zruj, zyrug Navq taub myenb Vovj myenb nx. naaiq taub komq pyauq yem saab zyru kub vwaaig. 27twib tomb Byuvg, uam Lo kwaatq, pxvd tomb Ryaauj pwrng pyauq, pyauq zyrug Baav. lomd! lomd Eei Baav mig a'q.”

ye-su Eei hatg maad

28ye-su kxvq liud naaiq teij waag, zwavj myenb Bua'g hxvb haig ninb Faauj Eei waag,#maa-Ko 1:22; lu-kaa 4:32 29weig zu'g ninb Faauj maiq Navq ninb Bua Eei Faauj leid finb scv. ninb Eei waag maaib hatg maad haig.

Currently Selected:

matq-Taai 7: IuMiNOR

Highlight

Copy