matq-Taai 6

ye-su Faauj myenb Zwrtq fim Eei Jauq Navq haiq nx

1“meib Bua xij zu'g faij fim. Tinb huvb xij meib Bua zruj Eei Kuq sig maiq tuvq txv zwavj zruj weig pun myenb pwatg. sij kxvq meib Bua txv zwavj zruj, meib Bua maiq tu'q zipq Tinb txvb tiaj pun Eei zivb Eeig.#matq-Taai 23:5

2“uaq Euvg, meib Zwrtq fim Tevj myenb Jomg myenb, maiq tuvq hu hu Yaavq Yaavq Eei zruj, Navq peib za'g Hruq Fwrtq Eei myenb yem wig txvb yaag yem Jaaib hxvg zruj, weig xij pun myenb Zev nx. yia Buaj zyen meib Bua, ninb Bua Eei zivb Eeig ninb Bua tu'q zipq liud a'q. 3Zwrtq fim Tevj myenb Jomg myenb uaq zang, lyemb maiq tuvq pun meib zua'g Jiaj Eei lob kcv txig#6:3 faan za'g kikg waag kxvq “lyemb maiq tuvq pun meib Eei zaaij Jia'q puad hiuq tu'q meib Eei Byaaug Jia'q puad zruj Eei sig”. hiuq.

4“Navq naaig, maiq maaib haiq taub hiuq tu'q meib zruj naaiq teij Jauq, mq paag meib Eei zavg tiaj, tovb mavg tu'q pwatg meib kem Jyenq zruj Eei sig, zyrug pun zivb Eeig meib a'q.

ye-su Faauj tauj kauj Eei Jauq

(peiq mavg lu-kaa 11:2-4)

5“meib Bua haiq zang tauj kauj, maiq tuvq zruj Navq peib za'g Hruq Fwrtq Eei myenb. ninb Bua a'Neiq sruq Jyenq uaq wig txvb yaag sruq uaq Jaaib hxvg Eei Jaub Zaaj tauj kauj weig pun zwavj myenb pwatg. yia Buaj zyen meib Bua, ninb Bua Eei zivb Eeig ninb Bua tu'q zipq liud a'q.#lu-kaa 18:10-14 6meib tauj kauj Eei zyavb hog, xij zu'g pia'g ken mivb, kwrn Jyenq kcvb, Zauj meib mavg maiq pwatg Eei zavg tiaj kxvq waag. Navq naaig, meib Eei zavg tiaj, tovb mavg pwatg meib kem Jyenq zruj Eei sig, zyrug pun zivb Eeig meib a'q.

7“meib Bua tauj kauj Eei zyavb hog, maiq tuvq Paan mivb Pua'q Rwrnj Eei kxvq Navq maiq kcvb hiuq tu'q Tinb huvb uaq teij myenb nx. ninb Bua laaig kxvq waag Zamq Tinb huvb Zivj taaib mwavj tu'q haid ninb Bua tauj kauj Eei waag. 8maiq tuvq Navq ninb Bua nx zruj. meib Bua maiq kcvb Toq, meib Bua Eei zavg tiaj zuvq Jaab Daavg hiuq tu'q meib Bua Qyemj zu'g Eei Euvb Euvg.

9“meib Bua hxpg zu'g Navq naaiq nx tauj kauj.

‘yia Bua Eei Tinb txvb tiaj aa'b!

Toq pun myenb Taaib meib Eei Zivb Revg Buaj.

10Toq pun meib zruj zyruq kunq myenb Eei Nxi Tauj.

Toq pun yem naaiq paamb ken Euvb Euvg ei meib Eei eij Zwrtq taaib,

Navq yem Tinb txvb Euvb Euvg ei meib Eei eij Zwrtq taaib nx.

11yia Bua Nxib Nxi Qyemj zu'g Eei Eang hopq, Toq pun kauj ib Nxi Eang.

12Toq kwavg yia Bua zruj Eei zwid,

Navq yia Bua kwavg zruj txvg yia Bua uaq teij myenb Eei zwid nx.

13maiq tuvq pun yia Bua pwavb seij Hruq Eei sig,

mq paag Fruj yia Bua leib Dutq Ywav x'q uaq taub.#6:13 maaib teij lob Nxi Eei kivb sru yaag Tipq 6:13 tweiq uaq teij waag.

weig zu'g meib yetg liud maaib huvb livg,

maaib Qa'q, maaib Favb laavg,

Tauj maang kruq maang txig. aa-men.’

14“sij kxvq myenb txvg meib Bua, meib Bua yaag kwavg pun ninb Bua nx, meib Bua Eei Tinb txvb tiaj yaag kwavg meib Bua Eei zwid.#maa-Ko 11:25-26 15mq paag myenb txvg meib Bua, meib Bua yaag maiq kwavg nx, meib Bua Eei zavg tiaj yaag maiq kwavg meib Bua Eei zwid.

ye-su Faauj myenb zei maiq Eang haiq Euvg

16“meib Bua zei maiq Eang haiq Euvg uaq zang, maiq tuvq zruj Myen Mwavj Navq peib za'g Hruq Fwrtq Eei myenb zruj. ninb Bua zruj Myen Mwavj Navq Kruq Kruq uaq, xij zwavj myenb zia'q tu'q ninb Bua zei maiq Eang haiq Euvg. yia Buaj zyen meib Bua, ninb Bua Eei zivb Eeig ninb Bua tu'q zipq liud a'q. 17meib Bua zei maiq Eang haiq Euvg Eei zyavb hog, xij zu'g Raauj Revg Myen, zx'q yrub Raatq Jyenq Ba'pyei paig suv 18weig maiq pun myenb hiuq tu'q meib zei. Kuvj meib mavg maiq pwatg Eei zavg tiaj hiuq Navq. meib Eei zavg tiaj, tovb mavg tu'q pwatg meib kem Jyenq zruj Eei sig, zyrug pun zivb Eeig meib a'q.

xij zu'g syru Jaaij Eei ka'naaiq yem Tinb txvb

(peiq mavg lu-kaa 12:33-34)

19“maiq tuvq weig kanb syru Jaaij Eei ka'naaiq yem naaiq paamb ken, weig zu'g haib Jiaj syruj Jiaj Rivj Eei. kcv yaag haib vaatg waaig Revg. Janb za'g yaag haib petq pia'g taaib nimg.#yaa-kxpg 5:2-3 20xij zu'g weig kanb syru Jaaij Eei ka'naaiq yem uaq Tinb txvb weig zu'g maiq haib Jiaj syruj Jiaj Rivj. kcv yaag maiq haib vaatg waaig. Janb za'g yaag maiq haib petq pia'g taaib nimg. 21meib syru Jaaij Eei ka'naaiq yem haiq nxm txvj, meib Eei Hruq haiq zang yaag Javj Jyenq uaq a'q.

mziv peiq sin Eei tav

(peiq mavg lu-kaa 11:34-36)

22“mziv peiq sin Eei tav. sij kxvq meib Eei mziv Fav nx, zyavb sin zyrug Fav Revg. 23meib Eei mziv maiq Fav nx, meib Eei sin zyrug Mwavj a'q. Navq naaig, sij kxvq yem meib ka'Euad Eei Fav Mwavj mivb, zyrug za'kevb Mwavj haig a'q.

maiq haib zruj i taub zyruq Eei pru

(peiq mavg lu-kaa 16:13)

24“maiq maaib haiq taub haib zruj tu'q i taub zyruq Eei pru. Navq naaig, ninb xij Rxv naaiq taub, xij Namq uaq taub. maiq zei c'q, ninb xij Taaib naaiq taub, xij mavg Piaj uaq taub. meib Bua maiq haib tovb tavb zruj Tinb huvb Eei pru yaag zruj Eaanb Eei pru.

maiq tuvq Kwrnj Hruq seij zavg Eei Jauq

(peiq mavg lu-kaa 12:22-31)

25“weig naaiq yia kxvq Buaj meib Bua, maiq tuvq weig yuvd mcvg Eei Eang hopq Kwrnj Hruq. yaag maiq tuvq weig sin zavg Eei lwib hruj Kwrnj Hruq. mcvg kaub Jaaij Jiaj Eang hopq maiq zeid? sin yaag kaub Jaaij Jiaj lwib hruj maiq zeid? 26mavg kaaj, Daij Daamb luvb Eei nx'g! ninb Bua maiq zwavj haiq Euvg yaag maiq syru tapq lamd. mq paag meib Bua Eei Tinb txvb tiaj wij ninb Bua. meib Bua zuvq kaub Jaaij Jiaj nx'g maiq zeid? 27meib Bua haiq taub laaij Kwrnj Hruq haib px'q tu'q mcvg Daauq teij?#6:27 fai “haib pun sin Lav teij?” fai “haib pun sin kaub Lav yetg Dx'g?”

28“meib Bua weig haiq tiug laaij lwib hruj Kwrnj Hruq? Namq mavg kaaj, lomg Eei pc'g hx'g pyavb Navq haiq nx zyavb! pyavb maiq zruj kov, maiq pcv swij Datq Dia. 29mq paag yia Buaj meib Bua, lyemb saa-lo-mxn huvb Dovg naaig putq zxib, yaag maiq maaib zxvb zu'q Dovg yetg txq naaiq teij pyavb Rweig.#1 huvb trub 10:4-7; 2 zunb txig trub 9:3-6 30lomg Eei miaq ib Nxi zyavb, Fav Nxi Kru Gaai, zu'g trud puaq, mq paag Tinb huvb zxv miaq Rweig. uaq Euvg, Tinb huvb kaub xij zxv meib Bua maiq zeid? meib Bua syenj tu'q hei haig wei'b!

31“Navq naaig, maiq tuvq Kwrnj Hruq kxvq, ‘yia Bua Navq haiq nx haib lxd tu'q Eang lxd tu'q hopq, lxd tu'q lwib hruj zu'q?’ 32maiq kcvb syenj Tinb huvb uaq teij myenb haiq zang yaag Kuvj lxd naaiq teij ka'naaiq Navq. meib Bua Eei Tinb txvb tiaj hiuq tu'q meib Bua Qyemj zu'g lovg naaiq teij ka'naaiq. 33kaub lovg Jyenq Jiaj, meib Bua xij zu'g pun Tinb huvb zruj zyruq kunq meib Bua Daavg, yaag xij zu'g ei Revg ninb Eei eij, naaiq teij yetg zuvq Eei ka'naaiq ninb zyrug Jaa Tipq pun meib Bua. 34weig naaiq meib Bua maiq tuvq Raub Fav Nxi Eei sig. Fav Nxi Eei sig maaib kauj Fav Nxi Raub. mrud Nxi maaib mrud Nxi Eei sig Raub kauj a'q.

Currently Selected:

matq-Taai 6: IuMiNOR

Highlight

Copy