yo-han 7

ye-su Eei yrud Bua maiq syenj ninb

1Ga'haaq ye-su yrub Jyenq kaa-li-li scvq mivb. ninb tivg Hruq maiq mivb yu-Dia scvq weig zu'g ninb hiuq tu'q yem uaq zruj Lo Eei yiu-Tai myenb xij lxd Qavj taij ninb. 2uaq zang aaq lamb Tauj Byxq liub Eei zipq a'q.#le-wi 23:34; Ramg leib latg 16:13 3ye-su Eei yrud Bua zyrug kxvq Buaj ninb, “kxj aa'b! meib Zwrtq naaiq nxm txvj mivb yu-Dia scvq maa'b! xij zu'g pun meib Eei saib kxj Bua pwatg meib zruj Bua'g hxvb Eei sig. 4haiq taub xij tu'q mevb taub, ninb maiq pivj ninb zruj Eei sig. meib zruj Jyenq naaiq teij sig, xij zu'g mivb pun luvb Diaq myenb mavg meib maa'b!” 5lyemb ye-su kanb Eei yrud Bua yaag maiq syenj ninb.

6ye-su Buaj ninb Bua, “yia Eei zyavb hog maiq kcvb Tauj, mq paag meib Bua haiq nxm zyavb hog yaag mivb tu'q Eei. 7paamb myenb maiq maaib txvj Rxv meib Bua mq paag ninb Bua Rxv yia, weig zu'g yia zruj zxvb zevj kxvq ninb Bua zruj Eei waaig sig. 8meib Bua kunq mivb Jiaj zipq a'q. yia maiq kcvb mivb weig zu'g yia hxpg zu'g mivb Eei zyavb hog maiq kcvb Tauj.” 9ye-su Zauj ninb Bua Navq naaiq nx kxvq liud, ninb Zxg yem kaa-li-li scvq.

ye-su mivb Jiaj Byxq liub Eei zipq

10ye-su Eei yrud Bua mivb Jiaj zipq mig a'q. ye-su Ga'haaq mivb mq paag ninb maiq txv zwavj mivb, Kuvj pivj Jyenq mivb Navq. 11yem uaq zipq Eei yinb ka'Euad, zruj Lo Eei yiu-Tai myenb lxd ye-su yaag naaig myenb, “uaq laanb myenb yem haaij?”

12yem uaq Jiaj zipq Eei zwavj myenb sib suvj sapq Eei kxvq ye-su. maaib teij kxvq, “ninb kevb zruj Kuq myenb.” maaib teij kxvq, “maiq zeid! ninb Kuvj Duaq myenb Navq.” 13mq paag haiq taub yaag maiq kaamq txv zwavj kxvq Tauj ye-su, weig zu'g ninb Bua kamb Riaj haig zruj Lo Eei yiu-Tai myenb.

14Jiaj zipq Tauj Daamb tivb, ye-su mivb zavg Tinb huvb Eei pyauq Faauj myenb.

15zruj Lo Eei yiu-Tai myenb Bua'g hxvb haig yaag kxvq, “naaiq laanb myenb maiq tu'q to'g sru Lav. ninb fuvg haib Dovg naaig hiuq?”

16ye-su zyrug tau ninb Bua, “yia Faauj Eei waag se maiq zeid yia kanb Namq Zwrtq taaib Faauj. se tovb Paaiq yia taaib uaq taub Eei waag. 17haiq taub tivg Hruq ei Tinb huvb Eei eij zruj, uaq taub zyrug hiuq tu'q yia Faauj Eei waag yem Tinb huvb taaib fai yia kanb Namq Zwrtq taaib Faauj. 18haiq taub ei ninb kanb Eei za'eij Namq Zwrtq taaib Faauj, uaq taub Kuvj xij myenb Taaib ninb Navq. mq paag haiq taub xij myenb Taaib Paaiq ninb taaib uaq taub, ninb Kuvj kxvq zyen waag Navq. maiq haib kxvb pc'g. 19mo-se pun leib latg meib Bua maiq zeid? mq paag meib Bua yaag maiq maaib yetg taub kan leib latg. meib Bua weig haiq tiug lxd Qavj taij yia?”

20zwavj myenb kxvq, “myenq mua'q meib maiq Rav Bx lxb! maaib haiq taub xij taij meib lcb?” 21ye-su kxvq, “yia zruj Rung sig meib Bua yaag Bua'g hxvb haig. 22mo-se heug meib Bua Tevj myenb Jiaj kaatq Eei leid. (mq paag naaiq Euvg leid maiq zeid yem mo-se taaib, se yem meib Bua Eei ovb Taaib vc'q taaib.) tivb kov Nxi meib Bua yaag Tevj myenb Jiaj kaatq Eei leid.#Tin teig trub 17:10; le-wi 12:3 23sij kxvq meib Bua txij tivb kov Nxi Tevj myenb Jiaj kaatq Eei leid weig maiq xij txvg mo-se Eei leid, uaq Euvg yia lovg tivb kov Nxi zxg taub myenb lovj Revg, meib Bua weig haiq tiug Qiaj Jiad yia?#yo-han 5:9 24maiq tuvq mavg peib zavg syemq, xij zu'g pcvb fim Eei syemq.”

ye-su za'kevb zruj ki-tug fai?

25weig naaiq maaib teij ye-lu-saa-lem zivb Eei myenb kxvq, “ninb Bua xij taij uaq taub myenb tovb naaiq taub saa'b? 26mavg kaaj, ninb txv zwavj myenb kxvq waag mq paag ninb Bua maiq kxvq yetg Euvg pun ninb. zruj Lo Eei myenb za'kevb hiuq tivg ninb zruj ki-tug mq pei? 27mq paag naaiq laanb myenb yem haaij taaib Bua hiuq Eei. ki-tug yem haaij taaib maiq maaib haiq taub hiuq.”

28ye-su yem zavg Tinb huvb Eei pyauq Faauj myenb uaq zang ninb lovg Qiaj Lo Eei kxvq, “meib Bua za'kevb hiuq tu'q yia yaag hiuq yia yem haaij taaib. yia maiq zeid sweib yia kanb Eei eij taaib. mq paag Paaiq yia taaib uaq taub se zyen Eei. meib Bua yaag maiq hiuq tu'q ninb. 29mq paag yia hiuq tu'q ninb Eei, weig zu'g yia yem ninb uaq taaib, ninb yaag Paaiq yia taaib.”

30ninb Bua zyrug xij zx'q ninb haig a'q, mq paag maiq maaib haiq taub Fiag puad zx'q weig zu'g ninb Eei zyavb hog maiq kcvb Tauj. 31yem uaq Eei zwavj myenb Zxg maaib Zamq Eei syenj ninb. ninb Bua kxvq, “ki-tug taaib uaq zang ninb haib zruj tu'q Bua'g hxvb Eei Javb hog kaub Zamq naaiq taub fai?”

zruj Lo Eei yiu-Tai myenb Paaiq pcv mivb zx'q ye-su

32 faa-li-sij myenb haid zwavj myenb sib suvj sapq Eei kxvq ye-su Eei Jauq, ninb Bua Zauj sai myenb pyeiq zyrug Paaiq kruj zavg Tinb huvb Eei pyauq Eei pcv mivb zx'q ye-su. 33ye-su kxvq, “yia cvj Zauj meib Bua yem tavb paaq Navq. Ga'haaq zyrug Rwrnj Tauj Paaiq yia taaib uaq taub. 34meib Bua xij lxd yia yaag lxd maiq pwatg, weig zu'g yia mivb yem Eei txvj meib Bua mivb maiq tu'q.”

35zruj Lo Eei yiu-Tai myenb, laanb naaig laanb, “aa, naaiq laanb myenb xij mivb haaij Bua Zivj lxd maiq pwatg? ninb xij mivb Bua yiu-Tai myenb Raanj mivb yem uaq teij Janb kikg Eei zivb Faauj Janb kikg fai? 36ninb kxvq Bua xij lxd ninb yaag lxd maiq pwatg, yaag kxvq ninb mivb Eei txvj Bua mivb maiq tu'q. naaiq haiq Euvg eij leid mq pei?”

yuvd mcvg Eei uam

37zipq Eei Ga'haaq laai uaq Nxi, se kaub Lo Jiaj Eei Nxi, ye-su sruq Jiad taaib kxvq Lo Eei, “haiq taub Jaav Gaatq xij zu'g taaib yia naaiq hopq.#le-wi 23:36 38Navq kivb sru fiaq Jyenq kxvq nx, ‘haiq taub syenj yia, yuvd mcvg Eei uam zyrug yem uaq taub Eei Hruq lyrug Zwrtq taaib Navq Zamb tiub Daaib nx.’+”#e-sej-Ken 47:1; sej-Kaa-li-yaa 14:8 39ye-su Navq naaiq nx kxvq se kxvq Tauj sivj livb, tovb syenj ninb Eei myenb xij tu'q zipq. mq paag uaq zang Tinb huvb maiq kcvb pun sivj livb myenb, weig zu'g ye-su maiq kcvb tu'q Favb laavg.

myenb laaij ye-su pun Gxi

40zwavj myenb haid ninb Navq naaiq nx kxvq, maaib teij zyrug kxvq, “naaiq taub za'kevb tovb Bua zuaq uaq taub trug waag myenb a'q.”

41cvj maaib teij kxvq, “ninb zruj ki-tug a'q.”

mq paag maaib teij kxvq, “ki-tug fuvg haib yem kaa-li-li taaib? 42kivb sru fiaq Jyenq kxvq, ki-tug zruj Daa-witq huvb Eei zeib fun yaag yem Daa-witq huvb Eei pwrnb muvq, Betg-le-hem, taaib maiq zeid?”#2 saa-mu-en 7:12; mi-Kaa 5:2 43weig naaiq myenb zyrug laaij ye-su pun Gxi. 44maaib teij xij zx'q ye-su mq paag maiq maaib haiq taub Fiag puad zx'q.

zruj Lo Eei yiu-Tai myenb maiq syenj ye-su

45mivb zx'q ye-su uaq teij pcv Rwrnj taaib, sai myenb pyeiq Zauj faa-li-sij myenb naaig ninb Bua, “meib Bua zruj haiq Euvg maiq zx'q Jyenq ninb taaib?”

46uaq teij pcv tau, “maiq maaib Jiaj yetg taub myenb kxvq waag Navq naaig taub.”

47faa-li-sij myenb kxvq, “meib Bua yaag zu'g ninb Duaq mig a'q saa'b? 48maaib haiq taub zruj Lo Eei yiu-Tai myenb fai faa-li-sij myenb syenj Jiaj ninb Eei fai? 49maiq maaib lx'g. mq paag naaiq kwanb myenb maiq hiuq tu'q mo-se Eei leib latg zyrug zu'g Tinb huvb zyruj ninb Bua.”

50maaib taub uaq teij faa-li-sij myenb, tovb zinb Daavg mivb lxd ye-su uaq taub ni-Ko-De-matq, naaig,#yo-han 3:1-2 51“ei Bua Eei leid, Bua maiq kcvb haid myenb kxvq, maiq hiuq tu'q ninb Eei kxnb pcvj, Bua haib tivg ninb Eei zwid fai?”

52ninb Bua tau, “uaq Euvg meib yaag yem kaa-li-li taaib? timq mavg kivb sru maa'b! meib zyrug hiuq tu'q maiq maaib yetg taub trug waag myenb yem kaa-li-li Zwrtq taaib nyaa.”#7:52 7:53—8:11 maaib teij lob Nxi sru maiq fiaq naaiq teij zyepg Eeig yemg.

53Jiaj zipq Eei wig Raanj, kx'g myenb Rwrnj kx'g myenb Eei pyauq.

Currently Selected:

yo-han 7: IuMiNOR

Highlight

Copy