yo-han 3

ni-Ko-De-matq taaib lxd ye-su

1maaib taub faa-li-sij myenb, Buaj heug ni-Ko-De-matq. ninb se yetg taub zruj Lo Eei yiu-Tai myenb. 2maaib mwrnd ninb taaib lxd ye-su kxvq, “finb scv aa'b! yia Bua hiuq tu'q Tinb huvb Paaiq meib taaib zruj finb scv. sij kxvq maiq zeid Tinb huvb Zauj yem, maiq maaib haiq taub haib zruj Bua'g hxvb Eei Javb hog Navq meib zruj.”

3ye-su tau, “yia kxvq zyen Buaj meib. haiq taub maiq kanb syavb yuvd Jiaj, maiq haib tu'q pwatg Tinb huvb Eei kua'q.”

4ni-Ko-De-matq naaig kaaj, “myenb koj Revg, Navq haiq nx haib syavb yuvd Jiaj? maiq haib pia'g maa Eei ka'sia kanb yuvd Rung saa'b?”

5ye-su tau, “yia kxvq zyen Buaj meib. haiq taub maiq yem uam Zauj sivj livb kanb syavb yuvd Jiaj, uaq taub maiq tu'q pia'g Tinb huvb Eei kua'q. 6paamb myenb yuvd Eei se paamb myenb Eei sin. sivj livb yuvd Eei se livb wrnb. 7meib maiq tuvq weig yia kxvq, ‘meib Bua xij zu'g kanb syavb yuvd Jiaj’ naaiq Jruj waag Namq maiq mevb pc'g. 8Ryaauj xij pwrng haaij, ninb zyrug pwrng uaq. meib haid Ryaauj Eei Qiaj mq paag maiq hiuq tu'q ninb yem haaij taaib, yaag maiq hiuq tu'q xij mivb Tauj haaij. sivj livb pun haiq taub kanb syavb yuvd Jiaj se Navq naaiq nx.”

9ni-Ko-De-matq naaig ninb, “naaiq teij sig fuvg haib Navq naaiq nx?”

10ye-su tau, “meib se zruj taub i-saa-laa-en myenb Eei tomb finb scv, meib Zxg maiq mevb pc'g naaiq teij sig? 11yia kxvq zyen Buaj meib, yia Bua hiuq Eei, yia Bua kxvq. yia Bua pwatg Jiaj Eei, yia Bua yaag zruj zxvb zevj. mq paag meib Bua maiq syenj yia Bua zruj Eei zxvb zevj. 12sij kxvq yia kxvq paamb ken Eei Jauq meib Bua zuvq maiq syenj, yia txb Tinb txvb Eei Jauq taaib kxvq, meib Bua fuvg haib syenj? 13maiq kcvb maaib haiq taub tu'q faauj Jiaj Tinb txvb Zwrtq liud yia, paamb myenb Eei txn, tovb yem Tinb txvb Fiag taaib uaq taub.

14“lob Nxi mo-se yem teib puvb Waav Navq haiq nx zx'q tovb naav an uaq tovg lyepg faauj Lav,#saauq myenb 21:9 yia, paamb myenb Eei txn, yaag xij Navq uaq nx zu'g myenb zx'q lyepg faauj Lav, 15pun haiq taub syenj Kauj yia#3:15 kikg waag kxvq ninb, mq paag ye-su kxvq zu'g ninb kanb. zyrug tu'q yetg liud Eei mcvg.

16“Tinb huvb Dovg naaig Namq luvb Diaq myenb Zivj zx'q ninb Eei Do'g txn Zeij pun ninb Bua. haiq taub syenj Kauj Tinb huvb Eei txn maiq zu'g myetg mq paag tu'q yetg liud Eei mcvg. 17Tinb huvb Paaiq ninb Eei txn Fiag Tauj paamb ken maiq zeid weig tivg paamb myenb Eei zwid. Kuvj xij pun paamb myenb tu'q Fruj Navq.

18“haiq taub syenj Kauj Tinb huvb Eei txn, uaq taub maiq zu'g tivg zwid. haiq taub maiq syenj Kauj Tinb huvb Eei txn nx, Tinb huvb zuvq tivg Jyenq uaq taub Eei zwid, laaij ninb maiq syenj Kauj Tinb huvb Eei Do'g txn.

19“syemq zwid Eei kxn se Navq naaiq. Fav taaib pia'g paamb ken. myenb maiq xij lovg Fav, Kuvj xij lovg Mwavj Navq, weig zu'g ninb Bua zruj Eei sig se waaig haig. 20haiq taub zruj waaig sig, uaq taub Rxv Fav yaag maiq xij mivb lxd Fav. Raub heij ninb zruj Eei waaig sig xij piuj mevb Zwrtq taaib. 21mq paag haiq taub ei Jyenq zyen leid zruj, uaq taub taaib lxd Fav. Fav zyrug pun Ziv ninb zruj Eei sig se Kauj Tinb huvb zruj.”

yo-han Tevj ye-su zruj zxvb zevj

22naaiq teij sig Zwrtq liud, Ga'haaq ye-su Zauj ninb Eei saib kxj Bua mivb yu-Dia scvq yem Zaamj uaq yaag Tevj myenb Jiaj uam Eei leid. 23uaq zang yo-han yaag Tevj myenb Jiaj uam Eei leid. ninb yem aai-non muvq, leib saaj-lim muvq maiq navg ko, weig zu'g uaq nxm txvj maaib uam Zamq. myenb yaag mivb uaq Jiaj uam Eei leid. 24(uaq zang yo-han maiq kcvb zu'g wrnj lob.)#matq-Taai 14:3; maa-Ko 6:17; lu-kaa 3:19-20

25maaib teij yo-han Eei saib kxj Zauj taub yiu-Tai myenb Rcv saaj wij Eei leid. 26uaq teij saib kxj zyrug mivb Buaj yo-han, “saib tiaj aa'b! meib Javj tu'q Eei fai? zinb Daavg Zauj meib yem Jx-Dcn Daaib Eei tov puv mcvj, tovb meib zruj zxvb zevj kxvq Buaj Jiaj yia Bua uaq laanb myenb. ib zang ninb Tevj myenb Jiaj uam Eei leid. zwavj myenb Kuvj mivb lxd ninb Navq a'q.”

27yo-han tau, “maiq zeid Tinb huvb pun nx, maiq maaib haiq taub haib tu'q haiq Euvg. 28meib Bua kanb haib Tevj yia zruj zxvb zevj, hiuq tu'q yia kxvq Jiaj, ‘yia maiq zeid zruj ki-tug uaq taub. mq paag ki-tug maiq kcvb taaib, Tinb huvb Paaiq yia taaib Daavg.’#yo-han 1:20 29lovg syavb Bwavd uaq taub mtaaib syavb laavb. Kc'g lxvb zuaq Jyenq mwavj syavb laavb Eei Qiaj. yetq haid syavb laavb kxvq waag ninb zyrug Fyenb yrub haig. weig naaiq yia ib zang tu'q naaiq Euvg xnb lx'g Tauj taaub a'q.

30“ninb xij zu'g zruj Lo Jyenq faauj, yia xij zu'g zruj faij Jyenq Fiag.

yem Tinb txvb taaib uaq taub

31“yem Tinb txvb taaib uaq taub zruj kaub Lo Jiaj yetg zuvq. yem paamb ken taaib uaq taub kwei paamb ken, yaag kxvq paamb ken Eei Jauq Navq. mq paag yem Tinb txvb taaib uaq taub zruj kaub Lo Jiaj yetg zuvq. 32ninb zruj zxvb zevj kxvq ninb pwatg Jiaj, haid Jiaj Eei sig mq paag maiq maaib haiq taub zipq ninb Eei waag. 33haiq taub zipq ninb Eei waag se Navq Gaapq Jyenq yenj nx, pun Ziv Tinb huvb se zyen Eei. 34Tinb huvb Paaiq taaib uaq taub kxvq Tinb huvb Eei waag, weig zu'g Tinb huvb Zeij sivj livb pun ninb, yaag maiq maaib sruj mrug. 35zavg tiaj Namq ninb Eei txn, zx'q maang mwrtg Jiu pun yem ninb Eei puab Diaq.#matq-Taai 11:27; lu-kaa 10:22 36haiq taub syenj Kauj Tinb huvb Eei txn, uaq taub maaib yetg liud Eei mcvg. mq paag haiq taub maiq mwavj Tinb huvb Eei txn Eei waag nx, maiq haib tu'q yetg liud Eei mcvg yaag zu'g Tinb huvb tivg Jyenq ninb Eei zwid.”#3:36 faan za'g kxvq “ninb zu'g Tinb huvb nrud Jyenq”.

Currently Selected:

yo-han 3: IuMiNOR

Highlight

Copy