yo-han 11

laa-saa-latq kwei seij mig a'q

1maaib taub myenb, Buaj heug laa-saa-latq, putq pcvg mig a'q. ninb yem Be-Taa-ni laavd, tovb maa-li-yaa Zauj ninb Eei txg, maa-Taa, yem uaq nxm laavd.#lu-kaa 10:38-39 2(naaiq taub maa-li-yaa se tovb lovg Daav Eei yrub toj zyruq Eei zauj, yaag lovg ninb kanb Eei Ba'pyei sxtq. putq pcvg uaq taub laa-saa-latq se maa-li-yaa Eei naud.)#yo-han 12:3 3maa-Taa Bua i muab sia'q zyrug pun waag mivb Buaj ye-su, “zyruq aa'b! tovb meib Namq uaq taub putq pcvg mig a'q.”

4ye-su haid naaiq teij waag ninb kxvq, “laa-saa-latq putq naaiq nxm pcvg mq paag setq mweid ninb maiq taig. ninb putq weig pun myenb Taaib Tinb huvb. naaiq nxm pcvg yaag xij pun myenb Taaib Tinb huvb Eei txn.”

5ye-su Namq haig maa-Taa Bua i muab sia'q Zauj laa-saa-latq. 6ninb haid myenb kxvq laa-saa-latq putq Jyenq pcvg, ninb Zxg yem ninb yem uaq nxm txvj i Nxi liud 7Zivj taaib kxvq Buaj ninb Eei saib kxj, “Bua cvj mivb yu-Dia scvq a'q.”

8saib kxj Bua tau, “saib tiaj aa'b! Jiaj taaib maiq kcvb maaib Bu'ziaj Nxi, yem uaq Eei yiu-Tai myenb xij zx'q la'pyeiq zov meib nyaa. meib Zxg cvj xij mivb uaq?”

9ye-su tau, “yetg Nxi maaib zyepg Eeig nxm zyavb hog Eei Fav maiq zeid? haiq taub luvb Nxi zang yavb Jauq, ninb maiq Di'q zu'g Dxpg weig zu'g ninb mavg tu'q pwatg paamb ken Eei Fav. 10mq paag sij kxvq ninb luvb mwrnd zang yavb Jauq nx, ninb Di'q zu'g Dxpg weig zu'g maiq maaib Fav ziuj ninb.”

11ye-su Navq naaiq nx kxvq liud ninb cvj kxvq, “Bua Eei txig laa-saa-latq mFxmb mig a'q, mq paag yia xij mivb heug ninb Eia taaib.”

12saib kxj Bua tau, “zyruq aa'b! sij kxvq ninb mFxmb nx, ninb haib lovj Eei.” 13ye-su kxvq Eei eij leid se laa-saa-latq taig mig a'q. mq paag saib kxj Bua laaig laa-saa-latq Kuvj mFxmb Navq.

14ye-su zyrug kxvq za'g Buaj ninb Bua, “laa-saa-latq taig mig a'q. 15mq paag weig Tevj meib Bua syenj yia, yia a'Neiq yia maiq tu'q Zauj ninb yem. Bua mivb ninb uaq x'g?”

16To-matq, tovb myenb heug suvb kub vwaad uaq taub, kxvq Buaj yem uaq Eei saib kxj, “Bua lomb Rxib kan Jyenq saib tiaj mivb x'g? Bua zyrug tu'q Zauj ninb taig.”

ye-su pun taig mivb Eei myenb cvj navb taaib

17ye-su mivb Tauj Be-Taa-ni laavd uaq zang, haid myenb kxvq laa-saa-latq zavj Jyenq tu'q pyei Nxi a'q. 18Be-Taa-ni laavd leib ye-lu-saa-lem zivb pua ki-lo Jauq Eei txvj. 19yiu-Tai myenb Zamq Eei taaib mavg maa-Taa Zauj maa-li-yaa, Tevj ninb Bua Jaiq Raub weig zu'g ninb Bua Eei naud taig. 20maa-Taa haid kxvq ye-su taaib a'q, ninb zyrug Zwrtq mivb zipq. mq paag maa-li-yaa Zxg yem uaq pyauq. 21maa-Taa kxvq Buaj ye-su, “zyruq aa'b! sij kxvq meib yem naaiq nx, yia Eei naud maiq taig. 22mq paag, yia hiuq tu'q ib zang meib Tevj Tinb huvb Toq haiq Euvg, Tinb huvb xij pun uaq Euvg meib.”

23ye-su kxvq Buaj ninb, “meib Eei naud cvj xij navb taaib.”

24maa-Taa tau, “zeid Eei, yia hiuq tu'q Tauj Ga'haaq laai uaq Nxi, zwavj myenb navb taaib uaq zang, ninb yaag cvj navb taaib.”

25ye-su kxvq Buaj ninb, “yia se tovb pun myenb navb taaib maaib mcvg zyavb uaq taub. haiq taub syenj yia, maiq kunq ninb taig mivb, ninb cvj xij navb taaib. 26haiq taub zyavb Jyenq yaag syenj yia, uaq taub yetg liud maiq taig. naaiq meib syenj Eei fai?”

27maa-Taa tau, “zyruq aa'b! yia syenj Eei. yia syenj meib za'kevb ki-tug,#11:27 fai me-si-yaa. Tinb huvb Eei txn, tovb xij Fiag taaib yem naaiq paamb ken uaq taub.”

ye-su Eyemq

28maa-Taa Navq naaiq nx kxvq liud, ninb Rwrnj mivb pivj Jyenq Buaj ninb Eei Riad, maa-li-yaa, “saib tiaj Tauj taaib a'q. ninb yaag heug meib.” 29maa-li-yaa haid naaiq teij waag zyrug syepg syepq Eei Jiad sin mivb ye-su uaq. 30uaq zang ye-su maiq kcvb pia'g laavd, Zxg yem maa-Taa pwavb ninb uaq nxm txvj. 31Zauj maa-li-yaa yem pyauq Tevj ninb Jaiq Raub uaq teij myenb, pwatg maa-li-yaa Waav Jyenq Jiad sin Zwrtq, ninb Bua zyrug kan Jyenq mivb, laaig ninb mivb uaq zruq Eyemq mq pei.

32maa-li-yaa mivb Tauj ye-su uaq, yetq pwatg zyrug kweig Fiag ninb Eei zauj ka'Len kxvq, “zyruq aa'b! sij kxvq meib yem naaiq, yia Eei naud maiq taig.”

33ye-su pwatg maa-li-yaa Eyemq, kan maa-li-yaa taaib uaq teij yiu-Tai myenb yaag Eyemq, ninb zyrug haid Hruq mun haig, Raub haig. 34ye-su naaig, “meib Bua txb ninb mivb zavj haaij?”

ninb Bua tau, “zyruq aa'b! taaib mavg maa'b!”

35ye-su Eyemq.

36uaq teij yiu-Tai myenb kxvq, “mavg kaaj, ninb Dovg naaig Namq laa-saa-latq.” 37mq paag maaib teij kxvq, “ninb pun mziv mcvb Eei myenb haib mavg tu'q pwatg. uaq Euvg ninb maiq haib pun naaiq taub myenb maiq taig fai?”

ye-su heug laa-saa-latq navb taaib

38ye-su cvj haid Hruq mun, Raub haig, zyrug mivb uaq zruq. uaq nxm zruq se Bcvb Kwrtq. maaib nxm la'pyeiq Lo Eei Bc'g Jyenq Kwrtg Daavg. 39ye-su kxvq, “zx'q Gxi la'pyeiq maa'b!”

taig uaq taub laa-saa-latq Eei txg, maa-Taa, kxvq Buaj ye-su, “zyruq aa'b! zavj Jyenq tu'q pyei Nxi a'q. taaij zweij haig.”

40ye-su kxvq Buaj ninb, “yia Buaj Jiaj meib maiq zeid? sij kxvq meib syenj, meib xij tu'q pwatg Tinb huvb Eei Favb laavg.”

41uaq teij myenb zyrug zx'q Gxi la'pyeiq. ye-su Zau Myen mavg kub vwaaig luvb kxvq, “aa tia aa'b! yia lcvd zivb weig zu'g tia mwavj yia Eei waag. 42yia hiuq tu'q tia haiq zang yaag mwavj yia, mq paag yia Navq naaiq nx kxvq se weig pun sruq ka'Len naaiq teij myenb syenj tia Paaiq yia taaib.”

43ye-su kxvq liud naaiq teij waag ninb Qiaj Lo Eei heug Jyenq kxvq, “laa-saa-latq aa'b! Zwrtq taaib maa'b!”

44taig mivb uaq taub myenb zyrug Zwrtq taaib a'q. ninb Eei puab zauj Zxg maaib Dia Reng Jyenq. Myen yaag maaib Dia pwav Jyenq. ye-su Buaj ninb Bua, “Govb Tevj ninb Jaiq Gxi, puvj ninb maa'b!”

myenb taaq za'eij taij ye-su

(peiq mavg matq-Taai 26:1-5; maa-Ko 14:1-2; lu-kaa 22:1-2)

45Navq naaig taaib mavg maa-li-yaa uaq teij yiu-Tai myenb Zamq pwatg ye-su zruj naaiq teij sig zyrug syenj ninb. 46mq paag maaib teij Rwrnj mivb kxvq Revg ye-su zruj Eei Jaub lrug pun faa-li-sij myenb mwavj. 47naaiq teij sai myenb pyeiq Zauj faa-li-sij myenb zyrug heug kunq sig wig Eei myenb kapq zunq Zaavb laavb. ninb Bua kxvq, “aa, Bua xij zu'g Navq haiq nx zruj? naaiq laanb myenb zruj Bua'g hxvb Eei Javb hog Zamq haig. 48sij kxvq Bua sweib ninb Navq naaiq zruj Jyenq mivb, myenb zyrug syenj ninb Revg a'q. Navq naaig, lo-maa Jyen xij pavg naaiq nxm Qavj zruj waaig Bua zavg Tinb huvb Eei pyauq, yaag zruj waaig Bua Eei fivj.”

49naaiq kwanb myenb maaib taub, Buaj heug Kaa-yaa-faatq, tovb uaq Havj zruj tomb sai myenb. ninb kxvq, “meib Bua maiq hiuq tu'q haiq Euvg. 50meib Bua maiq hiuq fai? pun yetg taub myenb taig tiq pc'g fivj se kaub lovj yetg fivj myenb zu'g myetg Revg.” 51Kaa-yaa-faatq kxvq naaiq teij waag se maiq zeid ei ninb kanb Eei Hruq Namq Zwrtq taaib kxvq. se weig zu'g uaq Havj ninb zruj tomb sai myenb zyrug kxvq zinb hod waag, kxvq ye-su xij zu'g weig yetg fivj yiu-Tai myenb taig. 52yaag maiq zeid weig uaq fivj taig Navq. ninb yaag taig weig syru zunq Tinb huvb Eei naamb Erud, se yem Raanj uaq teij, kapq zunq taaib penj yetg kwanb. 53yem naaig Nxi taaib, zruj Lo Eei yiu-Tai myenb Jiad kxn taaq za'eij taij ye-su.

54weig naaiq ye-su maiq Navq zinb Daavg txv zwavj yrub yu-Dia scvq pun yiu-Tai myenb pwatg. ninb mivb nxm laavd heug e-faa-im, nitq teib puvb Waav fatq Eei, Zauj ninb Eei saib kxj Bua yem uaq.

55aaq lamb teij Tauj yiu-Tai myenb Jiaj siaj mcvg zipq, myenb Zamq yem faamb puv feij lrug mivb ye-lu-saa-lem zivb weig ei Jyenq leid saaj wij Zivj taaib Jiaj zipq. 56ninb Bua yem zavg Tinb huvb Eei pyaub Len lxd ye-su. laanb naaig laanb, “aa, meib Navq haiq nx Namq? taaij ninb maiq taaib naaiq Jiaj zipq saa'b?” 57uaq zang sai myenb pyeiq Zauj faa-li-sij myenb Jaa zyavj waag kxvq, sij kxvq haiq taub hiuq tu'q ye-su yem haaij xij zu'g mivb Buaj ninb Bua, ninb Bua zyrug haib mivb zx'q ninb.

Currently Selected:

yo-han 11: IuMiNOR

Highlight

Copy