ENtandiika 36

Eibyaire lyʼEsawu

(1Mi 1:34-37)

1Linu niiryo eibyaire lyʼEsawu, eriinalye erindi bati, Edomu.#Nta 25:30

2Esawu yafumbiirwe abakali bʼomu kyalo kyʼe Kanani. Asooka yabbaire Ada omwala wʼEroni oMukiiti. Owokubiri yabbaire Okolibbama omwala wʼAna era omwizukulu wa Zibbiyoni oMukiivi.#Nta 26:34 3Kaisi owokusatu nʼabba Bbasemasi omwala wa Isimairi era omwonyoko wa Nebbayoosi.#Nta 28:9

4Ada nʼabyala nʼEsawu omwisuka ogubeeta Erifaazi, kaisi oBbasemasi nʼabyala nʼEsawu omwisuka ogubeeta oLeweri. 5Iye Okolibbama nʼabyala nʼEsawu abaisuka basatu, oYeewusi, nʼoYalamu, nʼoKoola. Esawu yabyaire abaana abo bonabona ngʼali mu kyalo kyʼe Kanani.

6Awo Esawu nʼakwata abakalibe nʼabaanabe abaala nʼabaisuka, nʼabantu bonabona abʼomu kisitokye, nʼebisolobye byonabyona, nʼebintubye byonabyona ebiyasuniire omu kyalo kyʼe Kanani, nʼayaba omu kyalo kyʼe yala okuzwa egiri omugandawe oYaakobbo. 7Yazwireyo olwʼokubba ekyalo omu babbaire batyaime, kyabbaire nga tikibamala iye nʼomugandawe olwʼokubba babbaire nʼebisolo bingi. 8Kale Esawu ogubeeta Edomu nʼatyama omu kyalo ekyʼensozisozi ekibeeta Seiri.

9Linu niiryo eibyaire lyʼEsawu eyabbaire ozeiza wʼaBeedomu ababbaire abatyami bʼomu kyalo ekyʼensozisozi ekya Seiri:

10Era ganu niigo amaliina gʼabataane bʼEsawu:

Erifaazi oguyabyaire nʼomukaliwe Ada, nʼoLeweri oguyabyaire nʼomukaliwe oBbasemasi.

11Abataane bʼErifaazi niibo banu:

OTemani, nʼOmali, nʼoZeefo, nʼoGatamu nʼoKenazi.

12Erifaazi omutaane wʼEsawu yabbaire nʼomukali ogondi eriinalye, Timuna oguyabyaire naye omwana ogubeeta Amereki. Abo babbaire baizukulu bʼAda omuka Esawu.

13Banu niibo abataane ba Leweri omutaane wʼEsawu:

ONakasi, nʼoZeera, nʼoSama nʼoMiiza. Era abo babbaire baizukulu ba Bbasemasi omuka Esawu.

14Era banu niibo abaana Esawu abeyabyaire nʼomukaliwe ogubeeta Okolibbama omwala wʼAna era omwizukulu wa Zibbiyoni:

OYeewusi, nʼoYalamu, nʼoKoola.

15Ganu niigo amaliina gʼabaana bʼEsawu abasuukire abeekubbemberi bʼebika byabwe:

Abataane bʼErifaazi omwana omubere owʼEsawu niibo abazwiremu ebika binu:

ABatemani, nʼaBomali nʼaBazeefo, nʼaBakenazi, 16nʼaBagatamu, nʼaBamereki. Ebyo niibyo ebika ebyazwire omwibyaire lyʼErifaazi ngʼali omu kyalo kyʼe Edomu. Era abantu abʼebika ebyo babbaire baizukulu bʼAda.

17Ibo abataane ba Leweri omutaane wʼEsawu niibo abazwiremu ebika binu:

ABanakasi, nʼaBazeera, nʼaBasama, nʼaBamiiza. Ebyo niibyo ebika ebyazwire omwibyaire lya Leweri ngʼali omu kyalo kyʼEdomu. Era abantu bʼebika ebyo babbaire baizukulu ba Bbasemasi omuka Esawu.

18Kaisi abaana Esawu ebeyabyaire nʼomukaliwe Okolibbama niibo abazwiremu ebika binu:

ABayeewusi, nʼaBayalamu era nʼaBakoola. Ebyo niibyo ebika ebyazwire omwibyaire lyʼomuka Esawu ogubeeta Okolibbama omwala wʼAna.

19Ebika ebyo niibyo ebyazwire omwibyaire lyʼEsawu ogubeeta Edomu.

Eibyaire lya Seiri

(1Mi 1:38-42)

20OSeiri yabbaire wʼeigwanga lyʼaBakooli abasookere okubba abatyami bʼomu kyalo kyʼEdomu. Omu kiseera ekyo Esawu yabbaire akaali okwaba okutyamayo. Era ebika ebyazwire omwibyaire lya Seiri niibyo binu:

Ekika ekyʼaBalotani, nʼaBasobbali, nʼaBazibbiyoni nʼaBaana, 21nʼaBadisoni, nʼaBezeri, nʼaBadisani. Ebyo niibyo ebika byʼaBakooli era niibo abaizukulu ba Seiri, abatyami bʼomu kyalo kyʼEdomu.

22Abataane ba Lotani babbaire niibo banu:

OKooli nʼoKamani. Omwonyoko wa Lotani yabbaire niiye oTimuna.

23Ibo abataane ba Sobbali niibo banu:

Aluvaani, nʼoManakaasi nʼEbbali, nʼoSeefo nʼOnamu.

24Era abataane ba Zibbiyoni niibo banu:

Aiya nʼAna. Ana oyo niiye eyavumbwire amaluba gʼamaizi agooca omwidungu, oweyabbaire ngʼaliisya empunda gya Zibbiyoni oiteeye.

25Abaana bʼAna babbaire niibo banu:

ODisoni nʼomwala ogubeeta Okolibbama.

26Ibo abataane ba Disoni niibo banu:

OKemudaani, nʼEsubbaani, nʼoIsulaani era nʼoKerani.

27Ibo abataane bʼEzeri babbaire niibo banu:

OBbirikaani, nʼoZaavani, era nʼAkani.

28Kaisi abataane ba Disani niibo banu:

OWuzi nʼAlani.

29Banu niibo abakulu bʼebika ebyazwire omu Bakooli:

OLotani, nʼoSobbali, nʼoZibbiyoni, nʼAna, 30nʼoDisoni, nʼEzeri, nʼoDisani. Abo niibo abakulu bʼebika ebyazwire omu Bakooli era ngʼebika byabwe byabbaire mu kyalo kyʼe Seiri.

Abakabaka bʼEdomu

(1Mi 1:43-54)

31Nga wakaali kubbaawo kabaka yenayena afuga aBaisirairi, banu niibo abakabaka abafugire ekyalo kyʼEdomu:

32OBbera omutaane wa Bbeyoli nʼafuga ekyalo kyʼEdomu, era ekibuga omu yabbaire nga bakyeta Dinukabba.

33OBbera oweyafiire, oYobbabbu omutaane wa Zeera owʼe Bbozira nʼamusikira ngʼokabaka.

34Era oYobbabbu oweyafiire, oKusamu owʼomu kyalo kyʼaBatemani nʼamusikira ngʼokabaka.

35Kaisi oKusamu oweyafiire, oKadadi omutaane wa Bbedadi nʼamusikira ngʼokabaka. OBbedadi niiye eyalwaine nʼaBamidiyaani omu kyalo kyʼe Mowaabbu, nʼabawangula. Era ekitebe ekikulu ekyʼobwakabaka bwa Kadadi kyabbaire mu kibuga ekibeeta Avisi.

36OKadadi oweyafiire, oSamula owʼomu kibuga kyʼe Masuleeka nʼamusikira ngʼokabaka.

37Era oSamula oweyafiire, oSyawulo owʼomu kibuga kyʼe Lekobbosi ekiri okumpi nʼomwiga Ewufulaate nʼamusikira ngʼokabaka.

38Iye oSyawulo oweyafiire, oBbaali Kanani omutaane wʼAkubbooli nʼamusikira ngʼokabaka.

39Kaisi oBbaali Kanani omutaane wʼAkubbooli oweyafiire, oKadali nʼamusikira ngʼokabaka. Era ekibuga oKadali omu yabbaire nga bakyeta Pawu. Omukaliwe yabbaire niiye oMeketabberi omwala wa Mantirida, era oMantirida yabbaire mwala wa Mezakaabbu.

40Ganu niigo amaliina gʼabakulu bʼebika ebyazwire omwibyaire lyʼEsawu, era nʼebika byabwe egibyabbaire bityaime:

OTimuna, nʼAluva, nʼoYesesi, 41nʼOkolibbama, nʼEra, nʼoPinoni. 42Era nʼoKenazi, nʼoTemani, nʼoMibbuzaali. 43Era nʼoMagadiyeri, nʼoIramu.

Abo niibo abakulu bʼebika ebyazwire omwibyaire lyʼEsawu era nga niiye ogubeeta bati, Edomu ozeiza wʼaBeedomu. Era ebika ebyo byatwalanga maliina gʼebitundu omu byatyamanga.

Currently Selected:

ENtandiika 36: GWR

Highlight

Copy