Matteu 21

Entrata in trionfu in Ghjerusaleme

(Mc 11,1-11; Lc 19,28-38; Ghjv 12,12-19)

1È quand'elli s'avvicinonu da Ghjerusaleme è ghjunsenu ver di Betfaghè, in li cuntorni di u Monte di l'Alivi#21,1 Vede Mc 11,1 è a nota., tandu Ghjesù mandò dui discepuli, 2dicendu li: «Avviate vi voltu u paese di fronte à voi, è ùn starete tantu à truvà una sumera ligata è un sumerucciu; sciuglite li è purtate mi li. 3È s'è nimu vi dice nunda, li dicerete chì u Signore n'hà bisognu», ma ch'ellu l'hà da rimandà subitu. 4Quessa hè accaduta da ch'ella venga cumpiita a parolla di u Signore, detta da u prufetu:

5 Dite à a figliola di Sione:

Eccu: vene à tè u to rè

pusatu, dolce, nant'à una sumera

cù u so sumerucciu, figliolu di una fera # 21,5 Zc 9,9 . .

6Andonu, i discepuli, è fecenu ciò ch'ellu li avia cumandatu Ghjesù, 7purtonu a sumera è u sumerucciu, messenu i so mantelli nant'à l'animali, è ellu pusò nantu. 8A maiò parte di a ghjente in a folla stesenu i so mantelli nant'à a strada; l'altri taglionu a frasca ind'è l'arburi è a sparsenu nant'à a strada#21,8 Paragunà cù 2 Rè 9,13. 9E folle chì venianu davanti è quelle chì u suvitavanu gridavanu dicendu:

Osanna à u figliolu di Davide:

Benedettu à chì vene in nome di u Signore:

# 21,9 Paragunà cù Sal 118,25-26. Osanna: aduprata da acclamazione, è gridu di loda, a parolla vene da una sbuccata ebraica chì, à sensiu propriu, significa: veni ad aiutacci (Sal 118,25). Osanna in l'altu di l'altu.

10È cum'ellu entria in Ghjerusaleme, a cità sana trimò dicendu: «Qual'hè quessu?» 11È e folle dicianu: «Quessu hè u prufetu Ghjesù quellu di Nazarè di a Galilea.»

Ghjesù purificheghja u Tempiu

(Mc 11,15-19; Lc 19,45-48; Ghjv 2,13-22)

12È Ghjesù entrì in u tempiu, messe fora à tutti quelli chì vendianu è cumpravanu in u tempiu è lampò in pianu e tavule di quelli chì cambiavanu soldi è i pusatoghji di quelli chì vendianu i culombi, 13è po li dice: «Hè scritta:

A mo casa serà chjamata casa di prichera,

or voi ne fate una tana di ladri # 21,13 Is 56,7; Ghjr 7,11. .»

14È li s'avvicinonu cechi è zoppi in u tempiu, è ellu i guarì. 15Vistu e maraviglie ch'ellu avia fattu, è intesu i zitelli chì gridavanu in u tempiu dicendu: «Osanna à u figliolu di Davide», i capisacerdoti è i maestri di a Lege s'inzergonu 16è li dissenu: «I senti ciò ch'elli dicenu?» Ghjesù li disse: «Iè. Ùn avete mai lettu: Da a bocca di i ciucci è di i criaturi ti n'ai ricacciatu una lode#21,16 Sal 8,3.?» 17È, lascendu li, surtì fora da a cità, à via di Betania, è passò a notte quallà.

A fica secca

(Mc 11,12-14.20-24)

18A mane, vultendu in cità, ebbe a fame, 19è videndu una sola fica nant'à a strada s'avvicinò è ùn ci truvò altru nunda chè fronde, è li dice: «ch'ellu ùn ti venghi mà più fruttu», è subitu a fica firmò secca. 20Videndu quessa, i discepuli si maraviglionu è dissenu: «Cume serà ch'ella si hè siccata di colpu a fica?» 21Ghjesù rispose è li disse: «A vi dicu da veru, s'è vo avessiti a fede è ch'è vo ùn dubitessiti, ùn solu quella di a fica, ma ancu per dì à stu monte: “pesa ti è lampa ti in mare”, cusì accaderebbe. 22È tuttu ciò ch'è vo dumanderete cù a fede in a prichera, l'averete.»

Da quale vene l'auturità di Ghjesù?

(Mc 11,27-33; Lc 20,1-8)

23È cum'ellu era ghjuntu in u tempiu, ind'u mentre ch'ellu insignava li s'avvicinonu i capisacerdoti è i capipopulu dicendu: «Cù chì auturità faci què? È issa auturità, quale a ti hà data?» 24Ghjesù rispose è li disse: «Anch'eu lasciate ch'eu vi facci una sola dumanda è s'è vo mi rispundite, anch'eu vi diceraghju cù chì auturità ch'è facciu què. 25U battezimu di Ghjuvanni da duve vene#21,25 Vede 3,6.? Da u celu o da l'omi?» L'altri riflettianu trà di elli dicendu: «S'è no dimu: “Da u celu” ci hà da dì: “Tandu cumu hè chì voi ùn ci avete avutu fede?” 26Ma s'è no dimu: “Da l'omi” attenti à a folla chì tutti tenenu à Ghjuvanni da prufetu.» 27È rispundendu à Ghjesù dissenu: «Ùn la sapemu.» È anch'ellu li dice: «Mancu eu vi dicu cù chì auturità ch'è'facciu què.»

A parabula di i dui figlioli

28«Or chì vi ne pare? Un omu avia dui figlioli. S'avvicina da u primu è li dice: “U mo figliolu, oghje vai è travaglia in a vigna.” 29Quellu risponde è li dice: “Ùn ci vogliu andà”, ma dopu si pente è và à a vigna. 30U babbu s'avvicina da l'altru figliolu è li dice listessa cosa. Quellu risponde è li dice: “Eu vò, o bà”, ma ùn ci và. 31Di i dui, qualessu hà fattu a vuluntà di u babbu?» Dicenu: «U primu.» Ghjesù li dice: «Da veru a vi dicu, in u Regnu di Diu, i publicani è e donne publiche ci anu da esse innanzu à voi. 32Di fatti Ghjuvanni vi hè ghjuntu vicinu in una strada di ghjustizia, è ùn ci avete micca avutu fede. Or i publicani è e donne publiche anu avutu a fede in ellu; invece voi, avete vistu è mancu vi site pentuti dopu, è mancu avete avutu fede in ellu.»

A parabula di u vignaghjolu è di i paisani

(Mc 12,1-12; Lc 20,9-19)

33«Sentite un' antra parabula. Ci era un omu, prupietariu di una casa, chì piantò una vigna è l'accinse cù una chjudenda#21,33 Paragunà cù Is 5,1-12.. In drentu ci fece un palmentu è alzò una torra, è po a dete in affittu à paisani è si n'andete in viaghju. 34Quand'ella vense a stagione di i frutti, mandò i so servi ind'è i paisani à piglià i so frutti. 35Ma i paisani aguantonu i servi: à unu u minonu, l'altru u tumbonu è u terzu u piglionu à petrate. 36Ellu mandò dinò altri servi, di più chè a prima volta, è i paisani li fecenu listessa cosa. 37Dopu l'omu li mandò u so figliolu dicendu: “u mo figliolu, po l'anu da rispettà.” 38Ma i paisani, videndu u figliolu, dissenu da sè à sè: “Questu hè l'erede: aiò, tumbemu lu è pigliemu ci a vigna.” 39L'aguantonu, u lamponu fora da a vigna, è u tumbonu. 40Dunque, quand'ellu venerà u patrone di a vigna, à issi paisani, chì li hà da fà?» 41Elli dicenu: «I pessimi, i tumbarà in modu pessimu, è dopu, a vigna a derà à altri paisani, chì li ne deranu frutti quandu serà a stagione.» 42Ghjesù li dice: «Ùn avete mai lettu in e scritture:

A petra ch'elli anu latiatu i muratori

hè diventata u capimonte

cusì l'hà vulsuta u Signore

# 21,42 Sal 118,22-23 . chì maraviglia davant'à i nostri ochji?

43È perciò vi dicu ch'ellu vi serà toltu u Regnu di Diu è serà datu à un antru populu chì ne ricaccierà frutti. 44[È à chì cascherà nant'à sta petra serà sfracellatu; è à qual'ella falerà à dossu sarà schjacciatu#21,44 Si vega Lc 20,18].»

45Sentendu isse parabule, i capisacerdoti è i Farusei capinu ch'ellu parlava per elli. 46È pruvendu à arrestà lu, temianu e folle postu chì u tenianu da prufeta.

Currently Selected:

Matteu 21: 4EvCors

Highlight

Copy