Génesis 36

Qe tiyjil Esaú

1 Crónicas 1.34-54

1Atzun tx'olb'ab'l jlu kyi'j tiyjil Esaú, aju Edom juntl tb'i.

2Moje' Esaú kyuk'il kab'e xu'j aj Canaán, atzun qe jlu: Ada aju tme'jel Elón aju aj Heteo, tuk'ix Aholibama aju tme'jel Aná, ex tal tchman Zibeón aju aj Heveo. 3Ax ikx moje' tuk'il Basemat aju tme'jel Ismael ex tanb' Nebaiot. 4Elifaz tb'i tky'ajal Esaú tzaj ti'j Ada, Reuel tb'i tky'ajal tzaj ti'j Basemat, 5ex qe tky'ajal e tzaj ti'j Aholibama, atzun qe jlu: Jeús, Jaalam ex Coré. Atzun qe tky'ajal Esaú jlu e ul itz'j tej najltoq tuj tx'otx' Canaán.

6E ik'tzun ti'n Esaú qe t-xu'jil, qe tky'ajal ex qe tme'jel, kyuk'ix kykyaqil qe xjal najltoq tuk'il, ex xi' tuj juntl tx'otx' tu'n tlaq'e' najchaq ti'j Jacob aju titz'in. E je'x ti'n kykyaqil talun tuk'ix tkyaqilju otoq knet tu'n tuj Canaán. 7Tu'nju otoq knet nimxix q'inumab'l kyu'n kykab'il, minti' tumel tu'n kykub' ten najal junx; ax ikx aju tx'otx' jatum najltoq qe mlaytoq kanun tu'n kywa'n kyalun. 8Kyja'tzun ul Esaú najal tuj tiwitz tx'otx' Seir. Edom juntl tb'i Esaú.

9Atzun tx'olb'ab'l jlu kyi'j tiyjil Esaú, aju kyxe'chel aj Edom aqeju e najan tuj tiwitz tx'otx' Seir. 10Atzun kyb'i tky'ajal Esaú jlu: Elifaz tal Ada, ex Reuel tal Basemat. 11Qe tky'ajal Elifaz, atzun qe jlu: Temán, Omar, Zefo, Gatam ex Cenaz. 12Attoq juntl t-xu'jil Elifaz, Timna tb'i. Ul itz'j jun tky'ajal ti'j xu'j lu, Amalec tb'i. Atzun qe tiyjil Ada jlu, aju t-xu'jil Esaú. 13Qe tky'ajal Reuel, atzun qe jlu: Nahat, Zera, Sama ex Miza. Atzun qe tiyjil Basemat jlu, aju juntl t-xu'jil Esaú. 14Aholibama tb'i juntl t-xu'jil Esaú, atzun qe tal jlu: Jeús, Jaalam ex Coré. Ate xu'j lu tme'jel Aná ex tal tchman Zibeón.

15Atzun qe nejenel kyxol qe tiyjil Esaú. Kyxol qe tky'ajal Elifaz aju tnejel tky'ajal Esaú, atzun qe nejenel jlu: Temán, Omar, Zefo, Cenaz, 16Coré, Gatam ex Amalec. Atzun qe nejenel kyxol qe tiyjil Elifaz tuj tx'otx' Edom, ex aqe jlu tiyjil Ada. 17Kyxol qe tky'ajal Reuel aju tky'ajal Esaú, atzun qe nejenel jlu: Nahat, Zera, Sama ex Miza. Atzun qe nejenel kyxol qe tiyjil Reuel tuj tx'otx' Edom, ex aqe jlu tiyjil Basemat aju t-xu'jil Esaú. 18Kyxol qe tal Aholibama aju t-xu'jil Esaú, atzun qe nejenel jlu: Jeús, Jaalam ex Coré. Aqe nejenel lu e ul itz'j ti'j Aholibama, aju t-xu'jil Esaú ex tme'jel Aná. 19Atzun qe jlu tiyjil Esaú, ex nejenel qe kyxol qe tiyjil. Edom juntl tb'i Esaú.

Qe tiyjil Seir

1 Crónicas 1.38-42

20Qe tky'ajal Seir aju aj Horeo, aqeju najltoq tuj tx'otx' lu, atzun qe jlu: Lotán, Sobal, Zibeón, Aná, 21Disón, Ezer ex Disán. Atzun qe nejenel kyxol qe aj Horeo, aqeju tiyjil Seir ex atzun najl qe tuj tx'otx' Edom. 22Qe tky'ajal Lotán, atzun qe jlu: Hori ex Hemam. Timna tb'i tanb' Lotán. 23Qe tky'ajal Sobal, atzun qe jlu: Alván, Manahat, Ebal, Sefo ex Onam. 24Qe tky'ajal Zibeón, atzun qe jlu: Aja ex Aná. Ate Aná ok noj ti'j jun twi' a' tuj tzqij tx'otx' tej in pastorintoq qe tbur Zibeón aju tman. 25Qe tk'wa'l Aná, atzun qe jlu: Disón tb'i tky'ajal ex Aholibama tb'i tme'jel. 26Qe tky'ajal Disón, atzun qe jlu: Hemdán, Esbán, Itrán ex Querán. 27Qe tky'ajal Ezer, atzun qe jlu: Bilhán, Zaaván ex Acán. 28Qe tky'ajal Disán, atzun qe jlu: Uz ex Arán.

29Qe nejenel kyxol qe aj Horeo, atzun qe jlu: Lotán, Sobal, Zibeón, Aná, 30Disón, Ezer ex Disán. Atzun qe nejenel kyxol junjun k'loj aj Horeo tuj tx'otx' Seir.

Qe kyrey aj Edom

1 Crónicas 1.43-54

31Qe rey e kawin tuj tx'otx' Edom tej na'nxtoq tok kyrey qe aj Israel, atzun qe jlu: 32Bela aju tky'ajal Beor o kawin tuj Edom, ex Dinaba tb'i ttanmi. 33Tej tkyim Bela o kawin Jobab te t-xel, aju tky'ajal Zera aju aj Bosra. 34Tej tkyim Jobab o kawin Husam te t-xel, tzajnitoq tuj tx'otx' Temán. 35Tej tkyim Husam o kawin Hadad te t-xel, aju tky'ajal Bedad. Ate Hadad o kub' ti'j Madián tu'n tuj q'oj tuj tx'otx' Moab. Avit tb'i ttanmi. 36Tej tkyim Hadad o kawin Samla te t-xel, aju aj Masreca. 37Tej tkyim Samla o kawin Saúl te t-xel, aju aj Rehobot; aju tnam lu tkub'toq ttxlaj nima. 38Tej tkyim Saúl o kawin Baal-hanán te t-xel, aju tky'ajal Acbor. 39Tej tkyim Baal-hanán aju tky'ajal Acbor, o kawin Hadar te t-xel, ex Pau tb'i ttanmi. Mehetabel tb'i t-xu'jil Hadar, aju tal Matred ex tal tchman Mezaab.

40Atzun kyb'i qe nejenel jlu kyxol tiyjil Esaú, ik tza'nx kyiyjil ex kynajb'il: Timna, Alva, Jetet, 41Aholibama, Ela, Pinón, 42Cenaz, Temán, Mibzar, 43Magdiel ex Iram. Atzun qe nejenel kyxol qe aj Edom, ik tza'nx kynajb'il tuj kytx'otx' etzan kyu'n. Edom juntl tb'i Esaú aju kyxe'chel qe aj Edom.

Currently Selected:

Génesis 36: MAMNO

Highlight

Copy