Salmos 93
93
I ñuclel lac Yum
1C Yum wola' cha'len a yumʌntel. I t'ojol jax a ñuclel.
Che' bajche' mi lac xoj lac bujc, xojol a cha'an a p'ʌtʌlel.
Tsa' wen wa'choco jini pañimil. Ma'anic mi' ñijcʌyel.
2Wa'chocobil a yumʌntel c'ʌlʌl ti wajali.
Añet c'ʌlʌl ti wajali, ma'anic a cajibal.
3C Yum, tsa'ix bujt'i letsel jini colem ja'.
Ju'ucña jini colem ñajb, woli' tsictesan a ñuclel.
4C Yum, ñumen ñuquet ti chan bajche' i t'an cabʌl ja'.
Ñumen p'ʌtʌlet bajche' wʌlwʌlña bʌ ja' am bʌ ti colem ñajb.
5Wen xuc'ul a t'an, mach jilix ti pejtelel ora.
C Yum, ch'ujul a wotot ti pejtelel ora.
Currently Selected:
Salmos 93: CTU77
Highlight
Share
Copy
Want to have your highlights saved across all your devices? Sign up or sign in
Chol de Tumbalá Bible © Bible Society of Mexico, 1977. Active Translation in Process
