Salmos 86
86
Mi' c'ajtin i p'untʌntel ti Dios
1Jac'beñon, c Yum. Ñich'tʌbeñon c t'an,
Come tic'lʌbilon, p'ump'un jax c bʌ.
2Cʌntañon ti xuc'ul, come tsa'ix cʌq'ueyet c pusic'al.
C Diosetʌch, coltan a winic woli bʌ i ñopet.
3C Yum, p'untañon, come mic pejcañet ti wocol t'an che' mi' sʌc'an c'ʌlʌl mi' yic'an.
4Yom ma' tijicñesʌben i pusic'al a winic, c Yum,
Come mi cʌq'ueñet c pusic'al.
5Isujm uts'atet, c Yum, ma' ñusʌbeñon lojon c mul.
Ma' pʌsbeñob i yutslel a pusic'al pejtel mu' bʌ i pejcañetob.
6C Yum, ñich'tʌbeñon coración.
Jac'beñon che' mic pejcañet ti wocol t'an.
7Che' woliyon ti wocol mic pejcañet, come jatet mi caj a jac'beñon.
8C Yum, ma'anic yambʌ Dios che' bajche'et.
Ma'anic yambʌ lajal bʌ i melbal.
9Pejtel winicob x'ixicob tsa' bʌ a mele mi caj i tilelob ti mojt ti mojt.
Mi caj i ñocchocoñob i bʌ ti a tojlel, c Yum,
Cha'an mi' subob i ñuclel a c'aba'.
10Come wen ñuquet, laj uts'atax a melbal. Jatet jach Dioset.
11C Yum, pʌsbeñon a bijlel cha'an xuc'ul mi cajñel a wic'ot.
La' cʌc' c pusic'al cha'an mic bʌc'ñañet.
12C Yum Dios, mi caj c subeñet wocolix a wʌlʌ ti pejtelel c pusic'al.
Mi caj c sub i ñuclel a c'aba' ti pejtelel ora.
13Cabʌlʌch a c'uxbiya tsa' bʌ a pʌsbeyon.
Tsa' loc'sayon ba' bʌbʌq'uen mi cochel ti' yajñib chʌmeño' bʌ.
14Dios, jini mu' bʌ i chañ'esañob i bʌ woli' contrajiñoñob.
Jini jontol bʌ winicob tsi' temeyob i t'an cha'an mi' tsʌnsañon.
Ma'anic mi' p'isetob ti' wenta.
15C Yum, ma' p'untan winicob x'ixicob. Ma' pʌsbeñob i yutslel a pusic'al.
Ma' cuchbeñob i sajtemal. Cabʌlʌch a wutslel, wen xuc'ulet.
16Q'ueleyon cha'an ma' p'untañon.
P'ʌtesan a winic come i yalobilon x'ixic tsa' bʌ i c'uxbiyet.
17Pʌsbeñon i yejtal a wutslel cha'an mi' ñuc'an c pusic'al,
Cha'an mi' cajelob ti quisin jini mu' bʌ i ts'a'leñoñob.
Come jatet, c Yum, wola' coltañon. Wola' ñuq'uesʌbeñon c pusic'al.
Currently Selected:
Salmos 86: CTU77
Highlight
Share
Copy
Want to have your highlights saved across all your devices? Sign up or sign in
Chol de Tumbalá Bible © Bible Society of Mexico, 1977. Active Translation in Process
