Salmos 28
28
Jini xajlel mi' jisan xjontolilob, pero i mʌctʌjibʌch jini tojo' bʌ
1C Yum, mic pejcañet.
C Xajlelet ba' mic taj c xuc'tilel.
Mach yomic ma' ñusʌbeñon c t'an ame chʌmicon.
2Ubibeñon c t'an che' c'am mic pejcañet.
Coltañon che' mic letsan j c'ʌb ti' tojel jini ch'ujul bʌ a chumlib.
3Mach a chocon loq'uel yic'ot jontolo' bʌ winicob,
Yic'ot jini mu' bʌ i cha'leñob jontolil.
Uts i t'an che' mi' pejcañob i pi'ʌlob,
Pero mi' ña'tañob jontolil ti' pusic'al.
4La' i tojob i jontolil tsa' bʌ i cha'leyob.
Q'uextʌbeñob jontol bʌ i melbal.
Aq'ueñob i q'uexol i melbal che' bajche' yom.
5Come ma'anic mi' p'isob ti' wenta a melbal mi i ye'telic a c'ʌb.
Jini cha'an mi caj a peq'uesañob. Ma'anic mi caj a cha' ñuq'uesañob.
6La' c ch'ujutesan lac Yum,
Come tsi' yubibeyon j c'ajtibal.
7Lac Yum, c p'ʌtʌlelʌch, c mʌctʌjibʌch.
Tsa'ix c ñopo c Yum ti jump'ejl jach c pusic'al.
Tsi' xuc'chocoyon. Jini cha'an ñuquix c pusic'al.
Mi caj c ch'ujutesan tij c'ay.
8C Yum, c p'ʌtʌlelet lojon.
Lajaletʌch bajche' ts'ajquibil bʌ otot ba' mi' taj i coltʌntel jini yajcʌbil bʌ a cha'an.
9Coltan a cha'año' bʌ. Aq'ueñob i tijicñʌyel a p'olbal.
We'sañob ja'el. Meq'ueyob majlel ti pejtelel ora.
Currently Selected:
Salmos 28: CTU77
Highlight
Share
Copy
Want to have your highlights saved across all your devices? Sign up or sign in
Chol de Tumbalá Bible © Bible Society of Mexico, 1977. Active Translation in Process
