Malaquias 4
4
Che' mi' tilel i q'uiñilel lac Yum
1Chʌcʌ q'uele la' bʌ, che'en i Yum Panchan yic'ot Pañimil, come tal i q'uiñilel meloñel che' mi' caj ti pulel c'ajc che' bajche' ti horno. Pejtel mu' bʌ i chañ'esañob i bʌ yic'ot jini jontolo' bʌ mi caj i pulelob che' bajche' tiquin bʌ jam. Mi caj i lu' jilelob che' bajche' te' yic'ot pejtel i c'ʌb yic'ot pejtel i wi'. 2Pero mach che'ic jatetla mu' bʌ la' bʌc'ñan j c'aba'. Mi caj i pasel ti la' tojlel jini Q'uin#4.2 Jini Quin, jiñʌch Mesías. mu' bʌ i yʌq'ueñetla toj bʌ la' pusic'al. Mi caj i lajmesañetla. Libre mi caj la' loq'uel che' bajche' i yal wacax mu' bʌ i colel ba' cʌchʌl. Mi caj la' wubin i tijicñʌyel la' pusic'al. 3Mi caj la' t'uchtan jini jontolo' bʌ che' bajche' i tʌñil c'ajc, che'en i Yum Panchan yic'ot Pañimil. 4Yom mi la' jac' jini mandar tsa' bʌ cʌq'ue c winic Moisés ya' ti wits Horeb cha'an mi' cha' subeñob israelob.
5La' wilan, mi caj c chocbeñetla tilel yambʌ x'alt'an che' bajche' Elías, che' maxto tilemic jini ñuc bʌ q'uin, jini bʌbʌq'uen bʌ i q'uiñilel lac Yum. 6Jini x'alt'an mi caj i yuts'esʌbeñob i pusic'al winicob yic'ot i yalobilob. Jump'ejlob jach i pusic'al mi caj i yajñelob, ame bʌc' tilicon c laj jisʌbeñob i lum, che'en lac Yum.
Currently Selected:
Malaquias 4: CTU77
Highlight
Share
Copy
Want to have your highlights saved across all your devices? Sign up or sign in
Chol de Tumbalá Bible © Bible Society of Mexico, 1977. Active Translation in Process
