Tom A GANE KYƐYUOBU
A GANE KYƐYUOBU
A Apostoliimine Toma Gane e la a Luka gansɛgraa kaŋ. A gane ŋa la tu a Luka Gane. A gane yelzu la ka o manne lɛ a Vooroŋ Soŋ naŋ da de a Yeezu dɛndɛŋ potuuribo ka ba ŋmɛ a Ŋmen-yelnoore yaare a “Gyɛruzɛlɛm poɔ, a Gyudiya paaloŋ zaa ane a Samareya teŋɛ poɔ a te tɔ a tendaa koŋkobo zaa.” (1:8) A gane poɔ yɛlɛ kyaare ne la lɛ a Kiristabiiri laŋne naŋ da piili a Gyuumine poɔ, a yɛlle te waa yeldeebo sori a ko andonɛɛ zaa. A Luka meŋ da boɔrɔ la ka o vɛŋ ka a banaŋ zaa naŋ na kanne a gane baŋ ka a Kiristabiiri da ba zɔɔrɔ ka ba sãã a Uroma deme Naaloŋ, kyɛ ka a Kiristabiiri yeldeebo waɛ la ka o e ka a noɔre na Naaŋmen naŋ da eŋ ko a Gyuumine puoruu laŋne tu a tuubu.
Ba poŋ la a Apostoliimine Toma Gane eŋ ganzuri ata, a wullo lɛ ba naŋ moɔle a Yeezu Yelnoore ka a yaara ziiri yaga ane a Puoruu Laŋne pare naŋ biŋ: (1) A Kiristabiiri laŋne piiluu a Gyɛruzɛlɛm poɔ, a Yeezu Kirista tenvelaa duobu puoriŋ; (2) Lɛ a yelbiri naŋ yɛlle te ta Palestan ziiri mine; (3) Ane lɛ a yelbiri naŋ yɛlle te ta a Mɛditereneya tenne a te tɔ a Urom.
A Apostoliimine Toma Gane yelnimizeɛ kaŋ la, lɛ a Vooroŋ Soŋ naŋ toŋ toma ane lɛ O naŋ wa yelderebɛ zie ane kpeɛ̃õ a Gyɛruzɛlɛm poɔ a Pɛnteko daare ane lɛ O naŋ kyɛnɛ guuro kyɛ ko a Puoruu Laŋne ane a o wederebɛ faŋ a ba yeltuuri zaa poɔ. A ama zaa la ka ba manne a gane ŋa poɔ. Ba poŋ la a dɛndɛŋ Kiristabiiri duoro a eŋ kanne zuri yaga. A yɛlɛ ba naŋ sɛge eŋ a Apostoliimine Toma Gane poɔ wuli la a kpeɛ̃õ a kannoo ŋa naŋ taa a yelderebɛ nyɔvore poɔ ane a Puoruu Laŋne poɔ.
A Gane Poɔ Yɛlɛ Poŋ Tutaa
1. A Danseɛ Diibu Naroo Yɛlɛ 1:1-26
a. A Yeezu Naŋ Ko A Potuuribo O Nɔbaaraa A Kyɛ Eŋ Noɔre Ko Ba 1:1-14
b. Neɛ Naŋ Leɛre A Gyudase Zu Yɛlɛ 1:15-26
2. A Danseɛ Diibu A Gyɛruzɛlɛm Poɔ 2:1—8:3
3. A Danseɛ Diibu A Gyudiya Ane Samareya Poɔ 8:4—12:25
4. A Pɔɔl Tonnɔɛ 13:1—28:31
a. A Tonnoɔre Dɛndɛŋ Sobie Tuubu 13:1—14:28
b. A Kpaaroŋ Yɛlɛ A Gyɛruzɛlɛm Poɔ 15:1-35
d. A Tonnoɔre Ayi Soba Sobie Tuubu 15:36—18:22
e. A Tonnoɔre Ata Soba Sobie Tuubu 18:23—21:16
f. A Pɔɔl Ba Naŋ Pɔge Gyɛruzɛlɛm Poɔ, Sezaareya Poɔ Ane Urom Poɔ 21:17—28:31
Currently Selected:
Tom A GANE KYƐYUOBU: DNTTP
Highlight
Share
Copy
Want to have your highlights saved across all your devices? Sign up or sign in
First New Testament in Dagaare Language © The Bible Society of Ghana, 2013.