Marko NYA TSƆƆMI
NYA TSƆƆMI
A je Marko womi ɔ sisi ke, “Sane kpakpa a nɛ kɔɔ Yesu Kristo, Mawu Bi ɔ he ji nɛ ɔ nɛ.” Womi ɔ kaleɔ Yesu kaa ní tsulɔ kpanaa nɛ ngɛ blɔ nya nguaa. E he wami nɛ ɔ jeɔ kpo ngɛ e ní tsɔɔmi mi, bɔ nɛ mumi yayamihi po buɔ lɛ tue, kɛ bɔ nɛ e kɛ nihi a he yayamihi paa mɛ. Yesu nitsɛ de ke lɛ ji Nɔmlɔ Bi ɔ, nɛ e ba je ɔ mi konɛ e ba ngɔ e wami kɛ ha nɛ e kpɔ adesahi kɛ je yayami dɛ mi.
Marko womi nɛ ɔ mi ɔ, wa naa Yesu ní nɛ e tsu ɔ wawɛɛ pe munyuhi nɛ e tu. E wo Yohane ta kpiti, nɛ e tu bɔ nɛ Yohane sɔle Yesu, kɛ bɔ nɛ Abosiami ka Yesu he munyu; kɛkɛ nɛ e tsa nɔ nɔuu kɛ Yesu ní tsumi, hiɔtsɛmɛ nɛ e tsa, kɛ ní nɛ e tsɔɔ. Be saii se ɔ, Yesu se nyɛɛli ɔmɛ ba nu lɛ sisi bɔ nɛ sa; se e he nyɛli ɔmɛ lɛɛ a te si kɛ wo lɛ wawɛɛ nitsɛ pe sisije ɔ po. Nɔ́ nɛ Marko kɛ gbe e womi ɔ nya ji sanehi nɛ ba Yesu nɔ nyagbe otsi ɔ nɛ e si je ɔ mi ɔ, titli e sɛumi, kɛ e si temi.
Marko Sane Kpakpa a nyagbe ɔ ya pee slɔɔto enyɔ, nɛ a ngma mɛ kɛ wo kla mi. Nihi babauu ngɔɔ lɛ kaa nɔ kpa lɛ ngma níhi nɛ a kɛ wo kla mi ɔ, se pi Marko.
Bɔ nɛ a dla womi ɔ mi ha
Sane kpakpa a sisije 1.1-13
Yesu ní tsumi ngɛ Galilea 1.14—9.50
Yesu Galilea jemi kɛ Yerusalem yami 10.1-52
Yesu nyagbe otsi ngɛ Yerusalem kɛ lejɛ ɔ ní ɔmɛ a mi 11.1—15.47
Yesu si temi 16.1-8
Nyɔmtsɛ ɔ he si jemi kɛ tsɔɔmi, kɛ e hiɔwe yami 16.9-20
Currently Selected:
Marko NYA TSƆƆMI: Dangme
Highlight
Share
Copy
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.