Mateo NYA TSƆƆMI
NYA TSƆƆMI
Mateo Sane Kpakpa a tsɔɔ wɔ kaa Yesu ji Kpɔlɔ ɔ nɛ Mawu wo e ma a he si ngɛ somi momo ɔ mi ɔ nɛ. Yesu nɔ Mawu gu kɛ ye jamɛ a siwo ɔ nɔ. Yesu ɔ, Yuda fɔfɔɛ ji lɛ, nɛ Yuda bi a kpɛti e hi. Se sane kpakpa nɛ ɔ, pi Yuda bi kɛkɛ a nɔ́; je ɔ tsuo nɔ́.
A to Mateo womi ɔ ngmami he blɔ nya saminya. A je sisi kɛ Yesu fɔmi, bɔ nɛ a sɔle lɛ, kɛ bɔ nɛ Abosiami ka lɛ. A tsa nɔ kɛ e ní tsumi ngɛ Galilea, e fiɛmi, e ní tsɔɔmi, kɛ bɔ nɛ e tsa hiɔtsɛmɛ. Jehanɛ hu a ngma bɔ nɛ Yesu hia blɔ kɛ je Galilea kɛ ya Yerusalem, níhi nɛ ya nɔ ngɛ nyagbe otsi ɔ mi hluu kɛ ya si Yesu sɛumi, kɛ bɔ nɛ e te si kɛ je gbeje.
Sane kpakpa nɛ ɔ tsɔɔ wɔ kaa Yesu ɔ, tsɔɔlɔ nguaa ji lɛ. E ngɛ Mawu mlaa a ɔ sisi tsɔɔmi ɔ nɔ he wami saminya, nɛ e tsɔɔ Mawu matsɛ yemi ɔ he ní. Níhi nɛ e tsɔɔ ɔ, a ma nyɛ bua nya kɛ wo kuu enuɔ mi: (1) Yoku nɔ fiɛmi (Yi 5-7). Fiɛmi nɛ ɔ kɔɔ hiɔwe ma a mi bi a je mi bami, a ní tsumi, a blɔ nya, kɛ ba a nɔ ngɛ je mi he. (2) Sɛ gbi kɛ ha kaseli nyɔngma kɛ enyɔ ɔmɛ (Yi 10). (3) Abɛhi nɛ kɔɔ hiɔwe matsɛ yemi ɔ he (Yi 13). (4) Kaselɔ peemi (Yi 18). (5) Je nɛ ɔ nyagbe, kɛ hiɔwe matsɛ yemi ɔ (Yi 24-25).
Bɔ nɛ a dla womi ɔ mi ha
Yesu Kristo fɔmi kɛ e weku kpa 1.1—2.23
Yohane, nɔ sɔlelɔ ɔ fiɛmi 3.1-12
A sɔle Yesu, nɛ Abosiami ka lɛ 3.13—4.11
Yesu je e ní tsumi sisi ngɛ Galilea 4.12—18.35
Yesu je Galilea kɛ ya Yerusalem 19.1—20.34
Nyagbe otsi ɔ ngɛ Yerusalem kɛ e he kɔpe ɔmɛ 21.1—27.66
Nyɔmtsɛ ɔ te si, nɛ e je e he si kɛ tsɔɔ 28.1-20
Currently Selected:
Mateo NYA TSƆƆMI: Dangme
Highlight
Share
Copy
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.