Malaki 4
4
Yawɛ ligbi ɔ su ta
1Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe. 2Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi. 3Ligbi ɔ nɛ ma tsu ní nɛ ɔ, yiwutsotsɛmɛ maa pee kaa la zu ngɛ nyɛ nane sisi, nɛ nyɛ maa naa a nɔ.” Yawɛ Tabohiatsɛ ɔ lɛ de.
4“Mlaa slɔɔtoslɔɔtohi nɛ i ngɔ kɛ ha nyɛ ngɛ Sinai yo ɔ nɔ kɛ gu ye tsɔlɔ Mose nɔ ɔ, nyɛ kai nɛ nyɛɛ ye a nɔ.
5 #
Mat 11.14; 17.10-13; Mar 9.11-13; Luk 1.17; Yoh 1.21 “Se loko Yawɛ ligbi nguaa a nɛ he ngɛ gbeye ɔ maa su ɔ, ma tsɔ gbalɔ Eliya kɛ ba nyɛ ngɔ. 6Lɛ nɛ e maa dɔ tsɛmɛ a tsui kɛ ba a bimɛ a he, nɛ bimɛ hu a tsui maa ba a tsɛmɛ a he; nɛ e maa pee mɛ kake ekohu. Ke pi ja a, ma ba, nɛ ma ba kpata nyɛ zugba a hɛ mi.” Yawɛ Tabohiatsɛ ɔ lɛ de.
Currently Selected:
Malaki 4: Dangme
Highlight
Share
Copy
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.
