Mose I, 15
15
Mawu kɛ Abram so
1Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”
2Se Abram he nɔ ke, “Yawɛ Mawu, o gbaami ɔ, mɛni he se ma na, imi nɛ i be bi ɔ? Nɔ pɛ nɛ yeɔ ye ní ji Eliezer nɛ je Damasko ɔ. 3O ha we mi bi; lɔ ɔ he je ɔ, ye nyɔguɛ ɔmɛ a ti nɔ kake ma ba ye ye gbosi ní.”
4Yawɛ de Abram ekohu ke, “Kikɛmɛ a nyɔguɛ Eliezer nɛ ɔ be o ní yee; mo nitsɛ o bi tutuutu ji nɔ nɛ ma ba ye o gbosi ní ɔ.” 5#Rom 4.18; Heb 11.12 Kɛkɛ nɛ Yawɛ ngɔ Abram kɛ je kpo nɛ e de lɛ ke, “Hyɛ hiɔwe nɛ o ka kaa o ma nyɛ maa kane dodoe ɔmɛ lo; bɔ nɛ dodoe ɔmɛ hiɛ babauu ɔ, ja o nina hu maa hiɛ.”
6 #
Rom 4.3; Gal 3.6; Yak 2.23 Abram he Yawɛ ye; enɛ ɔ he je ɔ, Yawɛ bu lɛ nɔ nɛ peeɔ nɔ́ nɛ da.
7Jehanɛ Yawɛ de Abram ke, “Imi ji Yawɛ nɛ e kɛ mo je Ur ngɛ Babilonia kɛ ba hiɛ ɔ, konɛ ma ngɔ zugba nɛ ɔ ngɔ ha mo ɔ nɛ.”
8Abram bi lɛ ke, “Oo Yawɛ Mawu, kɛ ma pee kɛɛ nɛ ma le kaa zugba nɛ ɔ ma ba pee ye nɔ́?”
9Yawɛ he nɔ ke, “Ngɔɔ lohwe nɛ ɔmɛ kɛ ba ha mi: na yo nɛ ye jeha etɛ, apletsi yo nɛ ye jeha etɛ, agbosu nɛ ye jeha etɛ, beleku lahuɛ, kɛ okpo zaa.” 10Abram ngɔ lohwe ɔmɛ kɛ ba ha Mawu. E poo a mi fiee enyɔɔnyɔ; e to fa kake ngɛ zã kake mi ngɛ hiɛ, nɛ e to fa kaketsɛ ɔ hu ngɛ zã kake mi ngɛ a sibi a hanɔ. Se lohwe pɛlitsɛmɛ ɔmɛ lɛɛ e poo we a mi. 11Okpokuhi ba sɔ̃ lohwe gbogboe ɔmɛ a nɔ, se Abram fie mɛ kɛ je lejɛ ɔ.
12 #
Hiob 4.13, 14 Benɛ pu maa ho si nɔmi ya a, mahe vii ko ba nɔ Abram nɔ, nɛ gbeye kɛ sawale nu lɛ. 13#Mose II, 1.1-14; Nits 7.6 Kɛkɛ nɛ Yawɛ de lɛ ke, “I ngɛ mo dee anɔkuale mi kaa o nina ma ya pee nibwɔhi ngɛ zugba kpa nɔ; a maa pee nyɔguɛhi ngɛ lejɛ ɔ, nɛ a maa wa mɛ yi mi jeha lafa eywiɛ. 14#Mose II, 12.40-41; Nits 7.7 Se jamɛ a je ma a nɛ maa wa mɛ yi mi ɔ, ma gbla a tue. Nyagbe ɔ, a maa muɔ jamɛ a zugba a nɔ ní babauu kɛ je. 15Mo nitsɛ lɛɛ o maa hi si kɛ yaa si o maa bwɔ kotokoto, nɛ o ma gbo ngɛ he jɔmi mi, nɛ a maa pu mo. 16Yi nɔ eywiɛ se ɔ, o nina maa kpale kɛ ba hiɛmɛ nɛ ɔ ekohu; ejakaa i be Amor bi ɔmɛ fiee kɛ je zugba a nɔ kɛ yaa si jamɛ a be ɔ mi. Jamɛ a be ɔ mi ɔ, a yi mi wami ɔ nya maa wa, nɛ ma gbla a tue.”
17Benɛ pu nɔ si nɛ du bu ɔ, ngɛyu kɛ e mi la su ku, kɛ la lilɛ ba, nɛ e gu lohwe ɔmɛ nɛ a poo a mi ɔ a kpɛti kɛ be. 18#Nits 7.5 Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya. 19Ken bi, Keniz bi, Kadmon bi, 20Hit bi, Periz bi, Refaim bi, 21Amor bi, Kanaan bi, Girgash bi, kɛ Yebus bi a zugba a i ngɛ tsɔɔe ɔ nɛ.”
Currently Selected:
Mose I, 15: Dangme
Highlight
Share
Copy
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.
