Yibu PILIGU
PILIGU
Yibu litaafi wuhirila Izraɛlnim’ kurimbuni ha biɛhigu yɛla. Di kahigi di yɛla maa ni nyɛ shɛm wuhi litaafi ŋɔ puuni saha shɛli Izraɛlnim’ ni daa yi Ijipti tiŋgbɔŋ ni din nyɛ luɣ’ shɛli bɛ ni daa nyɛ daba la.
Litaafi ŋɔ pirigila ʒiibuta: 1) Hiburunim’ dabitim ni yibu mini bɛ ni daa chaŋ ti paai Sinai Zoli gbini shɛm. 2) Naawuni ni daa lo o niriba maa alikauli Sinai Zoli maa gbini shɛm ka di wuhi ba biɛri kasi soli mini biɛhigu soli ni adiini soli zaligu shɛŋa bɛ ni yɛn doli. 3) Izraɛlnim’ Naawuni jɛmbu duu mɛbu mini bɛ ni yɛn zaŋ neen’ shɛŋa niŋ di puuni ni zaligu shɛŋa din wuhiri maligumaaniba tuma ni nyɛ shɛm ni Naawuni jɛmbu yɛla.
Din gari shɛlikam nyɛla, litaafi ŋɔ wuhiri Naawuni ni daa niŋ shɛm yih’ o niriba maa dabitim ni, ka zaŋ ba leei zuliya shɛli niriba bɛn mali tahima zaŋ chaŋ saha din be tooni polo.
Ninvuɣ’ so ŋun yɛla nyɛ yɛlikpani litaafi ŋɔ puuni n-nyɛ Musa ŋun nyɛ Naawuni ni daa pii so ni o zaŋ o niriba maa yi Ijipti tiŋgbɔŋ maa ni la. Litaafi ŋɔ puuni sabbu shɛli niriba ni mi di yɛla pam n-nyɛ zalikpana pia din be suura 20 puuni la.
Din be litaafi ŋɔ puuni
Izraɛlnim’ yi Ijipti dabitim ni 1.1—15.21
a. Bɛ ni daa nyɛ daba Ijipti 1.1-22
b. Bɛ ni daa dɔɣi Musa shɛm ni o biɛhigu ni daa nyɛ shɛm piligu ni 2.1—4.31
c. Musa mini Aduna chaŋ Ijipti naa sani 5.1—11.10
d. Yaɣigari chuɣu puhibu mini Ijipti tiŋgbɔŋ ni yibu 12.1—15.21
Kulikara mɔɣili ni zaŋ chaŋ Sinai Zoli gbini 15.22—18.27
Zaligu mini alikauli 19.1—24.18
Alikauli Suɣili mini jɛmbu soli wuhibunima 25.1—40.38
Currently Selected:
Yibu PILIGU: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.