Matiu 3
3
Jɔn Baptaizira waazu molo molibu
(Maak 1.1-8; Luk 3.1-18; Jɔn 1.19-28)
1Jɔn Baptaizira ni daa ti be mɔɣu ni Judia tiŋgbɔŋ ni saha shɛl’ la ka o daa yihiri waazu yɛra, 2“Niŋmiya tuuba, dama alizanda nam mirina.” 3#Aiz 40.3 O yɛla ka Anabi Aizaia daa sabi yɛl’ la. O daa yɛlimi:
“Ninvuɣ’ so ni ti be mɔɣu ni mooni molo yɛra,
‘Malimiya ti Duuma kandina soli gu o,
ka mal’ o soya ka di tuhi.’ ”
4 #
2 Nan 1.8
Jɔn daa yɛrila laakum kɔbiri binyɛrigu, ka mali gbaŋ lɔr’ o shee ni, ka o bindirigu daa nyɛla toli mini shiri. 5Di saha ka Jɛrusalɛmnim’ mini Judianim’ zaŋ tabili Jɔɔdɛn mɔɣili dulinim’ zaa daa kab’ chaŋ o sani 6nti kaŋka bɛ daalahichi ka o naanyi baptaizi ba Jɔɔdɛn mɔɣili maa ni.
7 #
Mat 12.34; 23.33 O ni daa nya ka Farisiinim’ mini Sadusiinim’ pam gba kanna ni o ti baptaizi ba ka o bɔhi ba, “Yinim’ garinsi zuliya ŋɔ, ŋuni n-lee saɣisi yi mi ni yi zo n-yi mbusim shɛli din ti yɛn kana ŋɔ ni? 8Amaa benya kaman tihi la m-mali wala yi biɛhigu ni din ni wuhi ni yi shiri niŋ tuuba ni yɛlimaŋli. 9#Jɔn 8.33 Ka miriya ka yi nyuri bara yi suhuri ni yi yab’ ni nyɛ Ibrahimma la zuɣu; dama n yɛri ya mi ni ti Duuma Naawuni ni tooi zaŋ kuɣa ŋɔ nam ninsalinima, ka bɛ leei Ibrahimma zuliya. 10#Mat 7.19 Hal pumpɔŋɔ lɛhu domi gu tihi; dinzuɣu tia kam din bi wandi wal’ suma, bɛ ni ŋmaa’ li luhi n-zaŋ nyo buɣim. 11Kom ni ka man’ baptaiziri ya yi ni niŋ tuuba zuɣu, amaa ŋun na be n nyaaŋa kanna mali yiko gari ma hal ka man’ pɔri gba ni n kpuɣ’ o namda gbibi. Ŋun’ ni ti zaŋla Naawuni Shia Kasi mini buɣim baptaizi ya. 12O ni ti gbib’ o kayeeni ŋmani o nuu ni na ni o ti yɛl’ o chi kabɔɣili ni n-zaŋ kabiɛlim su o kunchuna ni, ka zaŋ buɣim din bi kpira n-nyo wurigu mi.”
Yisa baptaizibu deebu
(Maak 1.9-11; Luk 3.21-22)
13Di saha ka Yisa gba daa yi Galili n-chaŋ Jɔɔdɛn mɔɣili ni ni Jɔn ti baptaiz’ o. 14Ka Jɔn daa bi bɔri ni o saɣi ka yɛl’ o, “Mani n-naan ka a sanna ka a ti baptaizi ma, amaa ka nyini nti lee kani n sanna?”
15Ka Yisa garigi yɛl’ o, “Chɛ ka di niŋ lala pumpɔŋɔ, dama di simdi ni ti tum din ni chɛ ka Naawuni ni zali shɛm zaa niŋ pali.”
Di saha ka Jɔn daa saɣi ka baptaiz’ o. 16Yisa ni daa deei baptaizibu naai ka puhiri yiri kom maa ni na, di saha ka zuɣusaa daa bɔɣi, ka o nya ka Naawuni Shia Kasi yi zuɣusaa na kaman ŋmani la nti tam o zuɣu. 17#Pil 22.2; Yila 2.7; Aiz 42.1; Mat 12.18; 17.5; Maak 1.11; Luk 9.35 Ka kukol’ shɛli daa yi zuɣusaa na yɛra, “M Biyurigu m-bɔŋɔ, n nini ni tiɣ’ so pam m-bala.”
Currently Selected:
Matiu 3: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
