Malaki 4
4
Yawɛ dabisili kanna
1“Nyamiya, dabisili kanna n-diri buɣim kaman bɔrɔbɔro shɛbu duu puuni buɣim la, ka karimbaannim’ mini tuumbiɛtumdiba ti leei kaɣigbina, ka dabisi’ shɛli din kanna maa ti di bɛ zaa, ka bɛ jilli bee bɛ wulli ku kpalim. Yawɛ ŋun nyɛ Tɔbbihi Naa ŋɔ n-yɛli lala maa. 2Amaa yinim’ bɛn luri n yuli sizuura ŋɔ, n tiliginsim yiko din be kaman wuntaŋ’ neesim la ni nyee kpɛn ya, ka tahi tibbu na ti tin ya. Yi ni ti yiɣiri jamdi kaman naɣibihi pola n-yi naɣiluu ni na la. 3Ka yi ni ti no ninvuɣ’ biɛri maa sɔŋ tiŋa, dama bɛ ni ti ŋmanila tampiligim n-do yi naba ni dahin’ shɛli n yi ti tum n tuma maa.” Yawɛ ŋun nyɛ Tɔbbihi Naa ŋɔ n-yɛli lala maa.
4“Teemiya n dabili Musa wuhibu la yɛla; n ni daa zal’ o zali’ kpan’ shɛŋa mini zaligu shɛŋa din pahi Sinai Zoli gbini ni o zaŋ ti Izraɛlnim’ zaa la.
5 #
Mat 11.14; 17.10-13; Maak 9.11-13; Luk 1.17; Jɔn 1.21 “Nyamya, n ni tim anabi Ilaija yi sanna pɔi ka Yawɛ dabisi’ titali din mali dabiɛm maa dali’ naanyi paai. 6O ni ti taɣi bihi laamba suhuri ti bɛ bihi, ka taɣi bihi suhuri ti bɛ laamba din ni chɛ ka n ku kana ti yɛli noli niŋ tiŋgbɔŋ maa ni.”
Currently Selected:
Malaki 4: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011