Nziyo 4
4
Munamato wamanheru
Kumuimbisi ane zvokuimbisa zvine tambo dzewaya. Rwiyo rwaDhavhidhi.
1Pandinodanidzira, ndipindureiwo,
imi Mwari anorwira zvandinokodzera.
Pandakanga ndapinda nhamo, makandifaranutsa.
Ndiitireiwo mwoyochena munzwe munamato wangu.
2Nhaimi vanhu, kusvikira riniko
muchirerutsa chiremera changu?
Kuchasvikira rini muchifarira
mashoko asina maturo
nokufarira kuva vanazinyepera?
Dzepfunde
3Asi zivai kuti TENZI
akazvitsaurira vakarurama.
TENZI anondinzwa pandinodana kwaari.
4Shushikanai zvenyu asi musatadze.
Rangarirai mumwoyo menyu pauvato hwenyu
munyarare.
Dzepfunde
5Pirai zvibayiro kwazvo
muvimbe naTENZI.
6Kuna vazhinji, vanoti,
dai waro zvinhu zvatinakira,
mativhenekerawo nokupenya
kwouso hwenyu, imi TENZI.
7Makaisa rufaro mumwoyo mangu
kupinda vanhu kana vawana
matutu matutu embeswanwa
nebvachapfacha rewaini.
8Zvose kurara nokukotsira
ndinozviwana murugare
nokuti imi moga, ndimi TENZI munoita kuti
ndigare ndakagarikana.
Currently Selected:
Nziyo 4: SCLB
Highlight
Share
Copy
Want to have your highlights saved across all your devices? Sign up or sign in
Shona Common Language Bible © Bible Society of Zimbabwe, 2008.
