Nziyo 15
15
Rwiyo rwaDhavhidhi.
Ndiani angave muenzi waMwari
1TENZI ndiani angagare mutendhe renyu?
Ndiani angagare mugomo renyu rinoera?
2Munogarwa nomunhu ano upenyu huri pachokwadi,
anoita zvakarurama
uye anotaura chokwadi chake chaicho
chinobva mumwoyo;
3munhu asingatauri makuhwa
norurimi rwake;
asingaitiri mumwe wake zvakaipa;
asingatauri zvakaipa zvavamwe.
4Munhu anozvidza munhu akashata;
asi anoremekedza vanoremekedza TENZI,
anochengeta zvaanenge apika kuita
kunyange zvichirwadza.
5Anokweretesa asingati akwereta
ngaaise imwe mari pamusoro payo
kana kutambira chioko muhomwe
chokurwisa munhu asina mhosva.
Munhu anoita zvakadai haatsukunyiki.
Currently Selected:
Nziyo 15: SCLB
Highlight
Share
Copy
Want to have your highlights saved across all your devices? Sign up or sign in
Shona Common Language Bible © Bible Society of Zimbabwe, 2008.
