Mateo 21

Yesu ƒe Yerusalem yiyi.

1Eye esi wogogo Yerusalem, eye wova Betfage le Amito la ŋuti la, tete Yesu dɔ nusrɔ̃la eve 2gblɔ na wo bena: Miyi kɔƒe, si le mia ŋgɔ la me, eye enumake míakpɔ tedzi kple via le ka me; mitu wo, ne miakplɔ wo vɛ nam. 3Eye ne amea ɖe agblɔ nane na mi la, migblɔ bena: Aƒetɔ la le wo hiãm, eye enumake adɔ wo ɖa. 4Ke nusia va me, bena woawu nya, si wogblɔ ɖi to nyagblɔɖila dzi la nu bena: 5„Migblɔ na Zion vinyɔnuvi la bena: Kpɔ ɖa, wò fia gbɔna gbɔwò; eƒe dɔm…, eye wòdo tedzi kple dɔwɔlã, si nye tedzivi. 6Ke esi nusrɔ̃lawo yi la, wowɔ abe alesi Yesu ɖo na wo la ene; 7eye wokplɔ tedzinɔ kple via ve, eye watsɔ woƒe avɔwo ɖo wo dzi, eye wòbɔbɔ nɔ wo dzi. 8Eye ameha la dome ame geɖe ŋutɔ tsɔ woƒe avɔwo keke ɖe maƒo; ke bubuwo lã ati ƒe alɔwo kaka ɖe mɔƒo. 9Eye ameha, siwo le eŋgɔ kple esiwo le eyome la, do ɣli gblɔ bena: Wosana na Dawid vi la; Woayra amesi gbɔna le Aƒetɔ ƒe ŋkɔ la me; Hosana le dziƒo ʋĩ! 10Eye esi wòva Yerusalem la, du blibo la katã ƒo zi gblɔ bena: Ameka nye esia? 11Eye amehawo gblɔ bena: Amesia enye nyagblɔɖila Yesu, si tso Nazaret le Galilea.

Nudzralawo nyanyã le gbedoxɔ me.

12Eye Yesu yi ɖe mawuƒe la me, eye wònyã amesiwo katã le nu dzram kple nu ƒlem le mawuƒea me la ɖo go, eye wòmũ ga ɖuɖɔlawo ƒe kplɔ̃wo kple amesiwo le akpakpa dzram la ƒe zikpui wo ƒu anyi; 13eye wògblɔ na wo bena: Woŋlɔ ɖi bena: „Nye aƒe la, woayɔe be gbedoxɔ; ke miawo mietsɔe wo adzodalawo ƒe ɖoe. 14Eye ŋkuagbãtɔwo kple tekunɔwo va egbɔ le mawuƒe la me, eye wòda gbe le wo ŋu. 15Eye esi nunɔlagãwo kple agbalẽfialawo kpɔ nukudɔ, siwo wòwɔ, kple ɖevi, siwo le ɣli dom le mawuƒe la me bena: Hosana na Dawid vi la! la, eve dome na wo. 16Eye wogblɔ nɛ bena: Ese nusi ame siawo le gbɔgblɔm mahã? Eye Yesu gblɔ na wo bena: Ẽ! Alo miexlẽe kpɔ bena: „Ɖeviwo kple vi nonowo ƒe nu me nèdzra kafukafu ɖo o mahã? 17Eye wògblẽ wo ɖi do go tso dua me yi ɖe Betania, eye wòtsi afima dɔ.

Gboti matseku la.

18Ke esi wògayina ɖe ɖua me le ŋdi me la, do wui. 19Eye esi wòkpɔ gbotia ɖe le ma to la, ete ɖe eŋuti, ke mekpɔ naneke le edzi o, negbe aŋgbawo ko, eye wògblɔ nɛ bena: Tso esia dzi yina la megale tsetse ge halase tegbetegbe o. Eye enumake gboti la yrɔ sũ. 20Eye esi nusrɔ̃lawo kpɔe la, woƒe mo wɔ yaa, eye wogblɔ bena: Aleke wɔ gboti la yrɔ su enumake mahã? 21Yesu ɖo eŋu gblɔ na wo bena: Vavã mele egblɔm na mi bena: Ne xɔse le mia si, eye mieke ɖi o la, ekema menye nusi wɔ gboti la ɖeɖeko miawɔ o; ke boŋ ne miagblɔ na to sia hã bena: Ho, ne nayi aɖadze ƒu me la, ava ve me. 22Eye nusianu, si ke míabia le gbedodoɖa me kple xɔse la, miaxɔe.

Yesu ƒe nyagbɔgblɔ le gbedoxɔ me.

23Ke esi wòva mawuƒe me, eye wòle nu fiãm amewo la, nunɔlagãwo kple dumegãwo va egbɔ gblɔ bena: Ŋusẽ ka nètsɔ wɔ esiawoe, eye amekae tsɔ nenem ŋusẽ sia na wò mahã? 24Eye Yesu ɖo eŋu gblɔ na wo bena: Nye hã mabia nya ɖeka mi, eye ne miegblɔe nam la, ekema nye hã magblɔ ŋusẽ, si metsɔ wɔ esiawo la, na mi: 25Yohanes ƒe mawutsidedetaname la ɖe, afika wòtso? Tso dziƒo loo, alo tso amewo gbɔ mahã? Ke woawo ke ɖi le wo nɔewo dome bena: 26Ne miegblɔ bena, dziƒo wòtso la, agblɔ na mí bena: Ekema nukaŋuti miexɔ edzi se o? Ke ne miegblɔ bena, amewo gbɔ wòtso la, ekema mievɔ̃ ameha la; elabena wo katã wobu Yohanes abe nyagblɔɖila ene. 27Eye woɖo eŋu na Yesu bena: Míenye o. Eya hã gblɔ na wo bena: Ekema nye hã nyemagblɔ ŋusẽ, si metso wo esiawòe la, na mi o. 28Ke nuka miesusuna? Vi eve le amea ɖe si, eye wòva gbãtɔ gbɔ gblɔ bena: Vinye, heyi nawɔ da le weinbɔ la me egbe. 29Ke eɖo eŋu gblɔ bena: Megbe! Ke emegbe la evee, eye wòyi. 30Eye esi wòva evelia gbɔ la, egagblɔe nɛ nenema ke. Eya ɖo eŋu gblɔ bena: Aƒetɔ, mayi! Ke meyi o. 31Ame eve siawo dometɔ kae wo fofoa ƒe lɔlɔ̃nu mahã? Wogblɔ bena: Gbãtɔ lae. Yesu gblɔ na wo bena: Vavã mele egblɔm na mi bena: Nudzɔlawo kple ahasiwɔlawo tre mawufiaɖuƒe la me yiyi na mi. 32Elabena Yohanes va mia gbɔ le dzɔdzɔenyenye ƒe mɔ dzi, eye miexɔ eyama dzi se o; ke nudzɔlawo kple ahasiwɔlawo xɔ edzi se; gake miawo la, esi miekpɔe la, mietrɔ miaƒe tame emegbe bena, miaxɔ edzi ase o.

Lododo le weinbɔ gbledelawo ŋuti.

33Mise lo bubu: Aƒetɔa ɖe de weingble, eye wòtɔ kpɔ ɖe eŋu godoo, eye wòwɔ weinfiãnu ɖe eme, eye wòtu mɔ̃ ɖe eme, eye wòtsɔe ɖe asi na weingbledelawo, eye wòyi nugbe. 34Eye esi kutseɣi ɖo la, edo eƒe dɔlawo ɖo ɖe agbledelawo gbã, bena woaxɔ eƒe kutsetsewo vɛ. 35Ke agbledelawo lé eƒe dolawo, woƒo ame ɖeka, wowu ame ɖeka, eye woƒu kpe ame ɖeka. 36Egadɔ dɔla bubu geɖewo sɔ gbɔ wu gbãtɔwo, eye wowɔ woawo hã nenema ke. 37Ke emegbe la edɔ via ɖo ɖe wo gbɔ gblɔ bena: Woasi vinye ƒe ŋku me mahi. 38Ke esi agbledelawo kpɔ via la, wogblɔ le wo nɔewo dome bena: Domenyila enye esi; miva, ne miawui, ne míaxɔ eƒe domenyinyi. 39Tete wòlée hetu asi ʋume nɛ do go tso weingble la me, eye wowui. 40Azɔ ne weingbleatɔ ava la, nuka wòawɔ agbledela mawo mahã? 41Wogblɔ ne bena: Atsrɔ̃ ame vlo siawo ŋɔdzitɔe, eye wòatsɔ weingble la ade asi na agbledela bubu, siwo atsɔ kutsetsewo nɛ ɖe woƒe ɣeyiɣi nyuiwo dzi. 42Yesu gblɔ na wo bena: Alo miexlẽ le ŋɔŋlɔawo me kpɔ bena: „Kpe, si xɔtulawo gbe la, eya ke trɔ zu dzogoekpe; Aƒetɔ la gbɔ esia tso, eye wònye nukunu le míaƒe ŋkuwo me“ o mahã? 43Eyakeŋuti mele egblɔm na mi bena: Woaxɔ mawufiaɖuƒe la le mia si, eye woatsɔe ana dukɔ, si atse ku la. 44Eye amesi ke ladze kpe sia dzi la, aŋe gudugudu; eye amesi ke dzi wòadze la, atui memie.

45Ke esi nunɔlagãwo kple farisitɔwo se eƒe lododoawo la, wodze sii bena, yewo ŋuti wòdo wo ɖo. 46Eye wole didim be, yewoalée, ke woyɔ̃ ameha la, elabena wobunɛ abe nyagblɔɖila ene.

Currently Selected:

Mateo 21: EWERV

Highlight

Copy