Kuyamba 15

Chibvano cha Abhuramu na Mulungu

1Pambuyo payibzi, fala la Chawuta lidabwela kwa Abhuramu m'masomphenya, lichiti, “Leka kugopa, pakuti ine ndine nchinjilizo yako, mpagalo wako un'zakhala ukulu kwene-kwene.”

2Koma Abhuramu adati, “Chawuta Mulungu, ko bzamunimpasa bzinin'thandizanyi, pakuti ine ndilibe mwana? Eliyazari mulanda wangu waku Dhamasiko ndiye an'zadya nthaka yangu.” 3Abhuramu adati, “Wonani, ine mulibe kundipasa mwana, nakutenepo mulanda wangu adabaliwa munyumba mwangu ndiye an'zadya nthaka yangu.”

4Chawuta adati pomwe kwayiye, “Munthu umweyo an'zapita lini nthaka yako, koma mwana wako ndiye an'zapita nthaka yako.” 5#Alo 4:18; Ahe 11:12Mulungu adamuchosa panja, nkuti kwayiye, “Nyangana kudzulu, welenga nyenyezi, peno ungakwanise kuziwelenga.” Pamwepo iye adati kwayiye, “Uku ndiko kuwanda kun'zachita wam'badwe wako.”

6 # Alo 4:3; Aga 3:6; Jem 2:23 Abhuramu adakhulupilila Chawuta. Chawuta adawelengela ibzi kuti nikulungama kwake.

7Chawuta adati kwayiye, “Ndine Chawuta ndidakuchosa ku Uri kudziko laa Khalidhiya kuti ndikupase dziko lino kuti likhale lako.”

8Koma Abhuramu adati, “Mfumu Mulungu, ningadziwe tani kuti dziko lino lin'zakhala langu?”

9Chawuta adati kwayiye, “Bwelesa ng'ombe ikazi yamagole matatu nambuzi ikazi yamagole matatu nankono wabila wamagole matatu nanjiwa nachizunyana chankhangayiwa.” 10Nakutenepo Abhuramu adatola bzentse bzikhadalewedwa nkuyenda nabzo kwa Mulungu. Adabzigwata-gwata mubzipindi bziwili, nkubziyikha bzidagumana chinango nachinango, koma mbalami ndizo zilibe kugwatiwa. 11Koma magola payakhafika yachifuna kudya nyama zile zikhadagwatiwa-gwatiwa, Abhuramu akhayathamangisa.

12 # Job 4:13,14 Dzuwa palikhanyula, Abhuramu adaphatiwa natulo twakufa nato, n'dima un'gopsa udamugwanila. 13#Kub 1:1–14; Mab 7:6Pamwepo Chawuta adati kwa Abhuramu, “Udziwiletu kuti wam'badwe wako an'zakhala alendo mudziko lili lini lawo, an'zakhala alanda kumweko kwaankapondelelewa kwamagole mazana manayi (400). 14#Kub 12:40,41; Mab 7:7Koma ine nin'zalanga dziko limwelo laan'zatumikila, pakumalizila an'zabwelela nachuma chizinji kwene-kwene. 15Koma iwe un'zayenda kuna azipayi wako mwan'delekho; uchikayikhiwa watokalamba. 16M'badwe wawo wachinayi ndiwo un'zabwelela kudziko lino, pakuti bzakuyipa bzaa Amori bzinati bzamala.”

17Dzuwa palidanyula kwatochita n'dima, mbawula yamoto ikhachosa utsi, nantsakamwenje yamoto bzidapita napakati pabzipindi bzanyama zile. 18#Mab 7:5Ntsiku imweyo Chawuta adachita chibvano na Abhuramu adati, “Ndapeleka dziko ili kum'badwe wako, kuyambila pakamadzi ka Ijipiti kufika pakamadzi kakulu, kamadzi ka Ufuletesi, 19dziko laa Kenayiti laa Kenayiziti laa Kedhimoni 20laa Hiti laa Pelezi laa Refayimu 21laa Amori laa Kenani laa Girigashi nalaa Jebhusi.”

Currently Selected:

Kuyamba 15: KUNDA

Highlight

Copy