JOB 14
14
1«Emakumeagandik sortutako gizakiak
egunak gutxi eta kezkak ugari;#Emakumeagandik sortutako gizakia 25,4; Sal 51,7. egunak gutxi 7,7+. kezkak ugari Si 40,1-5.
2lorea bezala zabaltzen da eta zimeltzen,
itzalak bezala egiten ihes, iraun gabe.#zimeltzen den lorea 8,12+. itzalak bezala ihes 8,9+.
3Eta zuk, Jainko, horrelakoagan jartzen dituzu begiak
eta zeurekin auzitara eramaten!
4Nork atera lezake garbia lohitik? Inork ez!#garbia 4,17+.
5Bere egunak mugatuak dituenez
eta hilabeteen kopurua zuk finkatua,
gaindiezineko muga jarria diozunez,
6begira ezazu beste norabait eta utz ezazu lasai,
bere egunez goza dadin, langilea bezala.#utzi lasai 7,19+.
Hildakoak itzulerarik ez
7«Zuhaitzak ere badu itxaropenik;
moztu arren, suspertu egiten da
eta kimu berriak ematen;#Zuhaitzak itxaropena Is 6,13. Ik. 19,10.
8sustraiak zahartu eta motzondoa lurpean ihartu arren,
9ura sumatu orduko hezetu egiten da
eta landare gazteak bezalako hostaila botatzen.
10Baina gizakia hil eta horretan amaitzen da;
hil eta gero, zer geratzen da hartaz?#gizakia amaitu 7,8; Koh 3,21.
11Urik gabeko aintzira bezala,
agortu eta lehortutako ibaia bezala,#agortutako ibaia bezala Is 19,5.
12gizakia etzan eta ez da berriro jaikiko,
ortzia desagertu eta gero ere, ez da itzartuko,
ez da bere loalditik esnatuko.#ez berriro jaikiko 7,9+. ortzia desagertu eta gero Is 51,6; Sal 102,26-27.
13«Ene Jainko, lurpean ezkutatuko baninduzu behintzat,
gordeta edukiko baninduzu zeure sumina igaro arte,
eta epe bat ezarriko bazenu nitaz oroitzeko… #zeure sumina igaro arte Is 2,10; 26,20.
14Baina hildako gizakia berpiztuko ote da?
Munduko borroka-egun guztietan egongo nintzateke,
neure askatasun-aldia noiz iritsiko zain.
15Zuk dei egin eta nik erantzun egingo nizuke,
irrikan egongo zinateke zeuk egina nauzun honengatik.
16Orain nire urratsei jarraitzen badiezu ere,
orduan ez zinateke nire bekatuaz arduratuko.#nire urratsei jarraitzen 7,19+.
17Zorroan lakrez itxia utziko zenuke ene errebeldia
eta nire erruak zurituko.
18Baina mendia behera etortzen
eta harkaitza lekuz aldatzen den bezala,
19urak harria jaten
eta bere erasoan lurra eramaten duen bezala,
horrelaxe hondatzen duzu gizakiaren itxaropena.#gizakiaren itxaropena 13,15+.
20Zuk erabat zanpatu eta hor doa betiko,
heriotzaz desitxuraturik bidaltzen duzu.
21Seme-alabak aberasten badira ere, hark ez du jakingo;
behea jotzen badute, ez da ohartuko.
22Bere haragiaren samina baizik ez du sentitzen,
bere buruaren atsekabea besterik ez».
Currently Selected:
JOB 14: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso
