SAKARIA, 10
10
O LE MATAUPU X.
E toe faaolaina lona nuu e le Atua.
1Ole atu ia outou ia Ieova, ina ia ua i ona po o le uaga mulimuli; e faia e Ieova uila, ma foaiina atu timuga tetele ia te i latou, o mutia o le fanua ia te i latou uma. 2Auā ua tautala tupua i mea le aoga, ma e fai togafiti faataulāitu ua latou vaaia le pepelo, ma latou tala mai miti pepelo, ma latou faamafanafana fua; o le mea lea ua o ese ai i latou pei o mamoe sa tigaina ina ua leai se leoleo. 3Na tupu lo‘u ita i le au leoleo mamoe; ou te taui atu foi i ‘oti poa; auā ua asiasi mai Ieova o ‘au i lona lafu o le aiga o Iuta; e faia foi i latou e ia pei o lana solofanua matagofie i le taua. 4Mai ia te ia le tulimanu, mai ia te ia le fao, mai ia te ia le aufana o le taua, mai ia te ia foi e o atu ai faipule uma faatasi. 5Latou te pei o toa, o loo soli i le palapala i fafo i le taua; latou te tau foi, auā e ia te i latou Ieova; a e faamāina ē tietie i solofanua. 6Ou te faamalosia le aiga o Iuta, ma le aiga o Iosefa ou te faaolaina lea; ou te faanofomauina foi i latou, auā ua ou alofa mutimutivale i ai; e avea i latou, e peiseai na ou le lafoaiina i latou; auā o a‘u o Ieova lo latou Atua, ou te talia i latou. 7E pei o le fitafita sa Efaraimā, e fiafia foi o latou loto, e pei o e inu uaina; e vaai i ai a latou fanau ma latou fiafia, e olioli lava o latou loto ia Ieova. 8Ou te mapumapu atu ia te i latou, ma ou faapotopotoina i latou; auā ua ou faatauina i latou; e faatoateleina foi i latou, e pei ona faatoateleina i latou anamua; 9ma ou totōina i latou i nuu; a e manatua a‘u e i latou i mea mamao; latou te ola foi faatasi ma a latou fanau, ma latou toe foi mai. 10Ou te faafoisia mai i latou nai le nuu o Aikupito, ma ou faapotopotoina i latou mai Asuria; ou te aumaia i latou i le nuu o Kiliata ma Lepanona, e le maua foi se mea latou te nonofo ai. 11Na te ui ane i le sami ma le puapuaga; na te taia foi peau o le sami; e faapa‘umatuina mea loloto uma i le vaitafe; e faamaulaloina foi le faamaualuga o Asuria; o le tootoo foi o Aikupito e mavae atu lea. 12Ou te faamalosia i latou ia Ieova; latou te savavali foi i lona suafa, ua fetalai mai ai Ieova.
Currently Selected:
SAKARIA, 10: SOV
Highlight
Share
Copy
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
