โลมา 6
6
บัว ตุ๊ เหธา กีตู่ จวั่ง แหม่ง เฒี่ยง
1วั้ว หญู่ง, บัว อ๋อย หฒุ ฮนั้ง หาย นอ ก๊อง? บัว หธ่อ อ๋อย หฒุ ป์าม เจี๊ยน ฒุ์ย มี่ง ทิน-ฮู่ง หธีง ต้าย ไฮ่ เหธย เอน ธั้ม เจี๊ยน ฝาว ไฟ? 2ฒู้ง ไม้ เฒ์ย! เอย โหฒว ฒุ์ย เญย เจ๊า บัว ฒู้ง ไต่ หมี่ อ๊ะ. วั้ว หญู่ง บัว ฮนั้ง หาย นอ ไฮ่ โหฒว เจี๊ยน ฒุ์ย มี่ง? 3เม่ย บัว ฮิ้ว ตุ๊ บัว เจี๋ย ววม เญย เล์ย, บัว ตุ๊ เหธา กีตู่ เยซู จวั่ง แหม่ง. เจี๋ย เล์ย วั้ว หฒั่น ตุ๊ เหธา นิ่น จวั่ง ไต่. 4ฮนั้ง หน่าย, บัว เจี๋ย ววม เญย เล์ย, บัว เหธา กีตู่ ไต่ มี่ง ปย๊บ เจี๊ยน เหว่ย ปุน บัว ตุ๊ เซียง-เฒี่ยง แหม่ง, ฮนั้ง กีตู่ ไต่ มี่ง หฒั่ง เตี๋ย หย่า หล่ง ฌัง-หล่าง เญย ต้ม ชะ ปุน นิ่น แอ๋ง นั่ง ต้าย เฒี่ยง เจี๊ยน วั้ว นอ.#โคโลสี 2:12
5สี ก๊อง บัว ตุ๊ เหธา กีตู่ จวั่ง แหม่ง ไต่, ทิน-ฮู่ง ปุน บัว นั่ง ต้าย ฮนั้ง นิ่น ปุน กีตู่ นั่ง ต้าย, บัว หย่า ตุ๊ เหธา กีตู่ จวั่ง แหม่ง เฒี่ยง. 6บัว หย่า ฮิ้ว ตุ๊ บัว เญย โล์-เฮญี้ยว หฒุ เหธา กีตู่ ตีง วั้ว เหฒียบ หฑั่ง จ๋า เหว่ย ปุน ป์าม ฒุ์ย เญย เฮญี้ยว หฒุ เหมียด. บัว หย่า ไม้ หฒุ แอ๋ง โหฒว ฒุ์ย เญย โน่ว. 7เหว่ย หฒุ หาย เต้า ไต่ มี่ง ฯฒฯ เล่ย ดุ๊ด ฒุ์ย เญย ชะ หมี่ อ๊ะ.
8สี ก๊อง บัว เหธา กีตู่ ไต่ หมี่ อ๊ะ, บัว หย่า เสียน บัว อ๋อย ตุ๊ เหธา นิ่น จวั่ง แหม่ง เฒี่ยง. 9บัว ฮิ้ว ตุ๊ กีตู่ ไต่ มี่ง ทิน-ฮู่ง แอ๋ง ปุน นิ่น นั่ง ต้าย. ฆะฮ้า นิ่น เหยียด ลิ์ว ไม้ ไต่ อ๊ะ. ไฮ่ ไต่ เญย ชะ ไม้ ไฮ่ กุ๊น นิ่น. 10กีตู่ ไต่ เหว่ย ปุน ฒุ์ย ไม้ ไฮ่ กุ๊น นิ่น. ไต่ หฑุ่น, ต๋อง ตุ๊ เหยียด ลิ์ว. อี้ หฒั่น นิ่น เฒี่ยง เจี๊ยน เซ เหว่ย ทิน-ฮู่ง เฒี่ยง.
11เม่ย บัว ฟี่ ฮนั้ง เญย, อ๋อย หฒุ ฝุน กั้น ฮนั้ง ไต่ หมี่ อ๊ะ นอ, ฒุ์ย กุ๊น ไม้ เจี๊ยน. มป่า เม่ย บัว เหธา กีตู่ เยซู จวั่ง แหม่ง เฒี่ยง ฯฒฯ เหว่ย ทิน-ฮู่ง เฒี่ยง เจี๊ยน.
12เหว่ย น้าย ไม้ ตู๋ง ปุน ฒุ์ย กุ๊น เม่ย บัว ไฮ่ ไต่ เญย ซิน, ดั๊ว เม่ย บัว เอย กั้น เญย เฮญี้ยว หั่น อ๋อย โหฒว. 13ไม้ ตู๋ง ปุน ซิน หฒั่ง เญย หาย หญู่ง โหฒว ฒุ์ย, หล่ง โหฒว หว่าย ไห่ เญย สี่. ต๋าว หฑวน อ๋อย หฒุ ฝูง กั้น ปุน ทิน-ฮู่ง, ฮนั้ง ไต่ มี่ง มป่า ทิน-ฮู่ง ปุน แอ๋ง นั่ง ต้าย เญย เมี่ยน นอ. หย่า เฒาะ ซิน เญย หญู่งๆ ปุน ทิน-ฮู่ง หล่ง โหฒว หอบ เญย เจ๊า. 14ฒุ์ย ไม้ ตุ๊ แอ๋ง โหฒว เม่ย บัว เญย เฒี้ยว, เหว่ย หฒุ เม่ย บัว ไม้ เยียม เล์ย-หลัด กะเดี๊ย. เม่ย บัว เยียม ทิน-ฮู่ง เญย เอน กะเดี๊ย.
โหฒว ตุ๊ หอบ เญย โน่ว
15วั้ว หญู่ง, ฮนั้ง หาย นอ โหฒว? บัว ไม้ เฒ์ย เยียม เล์ย-หลัด กะเดี๊ย, เซ เยียม ทิน-ฮู่ง เญย เอน กะเดี๊ย. ฮนั้ง หน่าย, เซว่ย บัว ป์าม ฒุ์ย ไฟ? ฒู้ง ไม้ เฒ์ย! 16เม่ย บัว ไม้ ฮิ้ว ตุ๊ ไฟ? สี ก๊อง ฝูง กั้น โหฒว หาย เต้า เญย โน่ว, หมวัง วั้ว เต้า เญย หว่า, เม่ย บัว ฯฒฯ โหฒว ต้ง เม่ย บัว หมวัง วั้ว เต้า เญย โน่ว. ฮนั้ง หน่าย, เม่ย บัว โหฒว ฒุ์ย เญย โน่ว ฯฒฯ อ๋อย หฒุ ไต่. มป่า เม่ย บัว หมวัง ทิน-ฮู่ง ฯฒฯ ตุ๊ เหธา นิ่น หอบ เฮญี้ยว. 17แล์ง ฒี่ง ทิน-ฮู่ง! ไม้ กุ๊น ฒิ่น ด่าง เม่ย บัว โหฒว ฒุ์ย เญย โน่ว, อี้ หฒั่น เม่ย บัว หล่ง เหฑ่ง เฮญี้ยว หมวัง หฌาว ปุน เม่ย บัว เญย เล์ย. 18ทิน-ฮู่ง ปู๋ง เม่ย บัว เล่ย ดุ๊ด ฒุ์ย เญย ชะ, โหฒว หอบ เญย เจ๊า ฯฒฯ กุ๊น เม่ย บัว.
19เหว่ย หฒุ เม่ย บัว โหฒว ป้าม เมี่ยน, เม่ย บัว อะ ตุ๊ เม่ง แปะ. เยีย ฯฒฯ หล่ง โพว-ทง เญย เจ๊า เหธา เม่ย บัว ก๊อง. ฒิ่น ด่าง เม่ย บัว หล่ง ซิน เญย หญู่งๆ โหฒว ฒุ์ย เญย โน่ว, โหฒว ไล่ ฮลบ, ไม้ ธีง-เหฑ่ง เญย สี่, กุ๊น โหฒว กุ๊น หว่าย. อี้ หฒั่น เม่ย บัว อ๋อย หฒุ ฟี่ ฮนั้ง เญย ฝูง ซิน เญย หญู่งๆ ปุน โหฒว หอบ เญย เจ๊า กุ๊น เหฑ่ง เม่ย บัว, หย่า เป๋น ธีง-เหฑ่ง เญย เมี่ยน.
20เม่ย บัว โหฒว ฒุ์ย เญย โน่ว วั้ว หฒั่น, โหฒว หอบ เญย เจ๊า ไม้ ตุ๊ กุ๊น เม่ย บัว. 21ฒิ่น ด่าง เม่ย บัว โหฒว เญย สี่, อี้ หฒั่น เม่ย บัว ไญ้ อ๊ะ. โหฒว วั้ว เต๋ย สี่ ปุน เม่ย บัว ตุ๊ หาย หญู่ง? โหฒว วั้ว หญู่ง สี่ เซ ปุน เมี่ยน หฒุ ไต่ ฮนั้ง. 22มป่า อี้ หฒั่น ทิน-ฮู่ง ปู๋ง เม่ย บัว เปย๋า ดุ๊ด ฒุ์ย, ต้าย โหฒว ทิน-ฮู่ง เญย โน่ว ฯฒฯ เป๋น ธีง-เหฑ่ง เญย เมี่ยน. ฮนั้ง หน่าย เม่ย บัว ตุ๊ เหยียด ลิ์ว เญย แหม่ง. 23เหว่ย หฒุ ฒุ์ย เญย กง-ฒิ่น เซ ปุน เมี่ยน หฒุ ไต่, มป่า ทิน-ฮู่ง แปะๆ ปุน เญย ฒี่ง เหญ่ย เซ บัว เหธา บัว เญย เฒี้ยว กีตู่ เยซู จวั่ง แหม่ง เฒี่ยง ฯฒฯ ตุ๊ เหยียด ลิ์ว เญย แหม่ง.
Currently Selected:
โลมา 6: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
