โลมา 5
5
เมี่ยน ตุ๊ เหธา ทิน-ฮู่ง หอบ เฮญี้ยว
1บัว เสียน เขา ทิน-ฮู่ง ฯฒฯ ตุ๊ เหธา ทิน-ฮู่ง หอบ เฮญี้ยว. ฮนั้ง หน่าย, บัว เญย เฒี้ยว เยซู กีตู่ ปุน บัว ตุ๊ เหธา ทิน-ฮู่ง ม่าย แป้ง ออน. 2เหว่ย หฒุ บัว เสียน เขา กีตู่ นิ่น ฯฒฯ ปุน บัว ฮิ้ว ทิน-ฮู่ง เญย เอน, ต้ง บัว อี้ หฒั่น ตุ๊ เญย เอน. บัว อะเฮน้ย ไห่ เหว่ย หฒุ ฮิ้ว ตี่ง บัว อ๋อย ตุ๊ ป่วน ทิน-ฮู่ง เญย ฌัง-หล่าง. 3ไม้ ตาน น้าย ฮนั้ง, ไม้ กุ๊น บัว ม่าย หน่าน ฒี่ง, บัว ออน-เหลาะ ไห่ เหว่ย หฒุ บัว ฮิ้ว ตุ๊ หน่าน ฒี่ง ปุน บัว ม่าย หน่อย เตี๊ย ตุ๊. 4บัว ม่าย หน่อย เตี๊ย, ทิน-ฮู่ง ฯฒฯ ปวัด หอบ เฮญี้ยว, บัว หธีง ต้าย ม่าย ลั่ม ฮนั้ม. 5ฮนั้ง หน่าย ม่าย ลั่ม ฮนั้ม ไม้ ไฮ่ ปุน บัว พยัด, เหว่ย หฒุ ทิน-ฮู่ง เหธย สีง ลี่ง ปุน บัว หย่า หล่ง สีง ลี่ง ปุน บัว ฮิ้ว ตุ๊ ทิน-ฮู่ง ด่ง หาย ฮนั้ม บัว.
6ต้ง บัว ไม้ ม่าย ชะ เถง ตุ๊ บัว กั้น วั้ว หฒั่น, กีตู่ เอย ทิน-ฮู่ง ตี่ง ต้าย เญย เฒี่ยง โห่ เหว่ย ฒุ์ย-เมี่ยน ไต่. 7เหว่ย กัน เล์ย-หลัด หม่วน เญย เมี่ยน ไต่ เซ อะ เญย. เหว่ย คู้ เมี่ยน ไต่ เหฑีย ไฮ่ ม่าย เต้า ป๊า ก๊าม ไต่ มเปย. 8มป่า ทิน-ฮู่ง ปุน ธีง นิ่น ด่ง หาย ฮนั้ม บัว. ต้ง บัว หธ่อ โหฒว ฒุ์ย-เมี่ยน เญย เฒี่ยง โห่ กีตู่ เหว่ย บัว ไต่.
9อี้ หฒั่น บัว เขา กีตู่ เญย ฑย้าม ฯฒฯ ตุ๊ เหธา ทิน-ฮู่ง หอบ เฮญี้ยว. ฮนั้ง หน่าย, กีตู่ เหยียด เฒย อ๋อย เหฌียว บัว, ไม้ ปุน ทิน-ฮู่ง โน์ว. 10บัว หธ่อ โหฒว ทิน-ฮู่ง เญย วิน- วั้ง วั้ว หฒั่น, ทิน-ฮู่ง เญย ตอน ไต่ มี่ง ปุน บัว เหธา ทิน-ฮู่ง หอบ เฮญี้ยว. อี้ หฒั่น บัว เหธา ทิน-ฮู่ง หอบ เฮญี้ยว, นิ่น เญย ตอน นั่ง ต้าย เฒี่ยง เจี๊ยน ฯฒฯ เหยียด เฒย อ๋อย เหฌียว บัว. 11ไม้ ตาน บัวะ น้าย. บัว อะเฮน้ย เหว่ย หฒุ ทิน-ฮู่ง หล่ง บัว เญย เฒี้ยว เยซู กีตู่ ปุน บัว เหธา นิ่น หอบ เฮญี้ยว.
อาดัม เหธา กีตู่
12หลาย ดุ ล่าน เมี่ยน ป์าม ฒุ์ย, ฒุ์ย เปียะ ป้าม เกน.#ทิน เต่ย โต้ว 3:6 ฒุ์ย หย่า โหฒว ปุน เมี่ยน หฒุ ไต่. เหว่ย น้าย หฒุ ไต่ เญย ชะ ลิ่น เจี๊ยน มี่ง ปุน หม่าน เมี่ยน หฒุ ไต่ เหว่ย หฒุ เต้าๆ เมี่ยน ป์าม ฒุ์ย. 13ทิน-ฮู่ง ไม้ แก้ง ปุน เล์ย-หลัด เมี่ยน วั้ว หฒั่น, ฒุ์ย เยียม ป้าม เกน ด่าง อ๊ะ. มป่า เยียม หาย ไม้ ม่าย เล์ย-หลัด, เยียม วั้ว ไม้ ฝุน ม่าย ฒุ์ย. 14ฮนั้ง หาย หย่า ป่า, เยียม อาดัม เญย ลู่ง เดี๊ย เถา โมเซ เญย ลู่ง เดี๊ย, หฒุ ไต่ เญย ชะ กุ๊น เจี๊ยน หม่าน เมี่ยน. เลี่ยม ไม้ ป์าม ฒุ์ย ฮนั้ง อาดัม ป์าม เญย ฒุ์ย วั้ว เต๋ย หย่า หฒุ ไต่ เญย ชะ กุ๊น เจี๊ยน.
อาดัม โหฒว ฆะฮ้า อ๋อย ต้าย วั้ว ล่าน เญย หญู่ง เฒ้ย มป่า นิ่น บัว อี ล่าน ไม้ ฟี่ ฮนั้ง, 15เหว่ย หฒุ ทิน-ฮู่ง แปะๆ ปุน เญย ฒี่ง เหญ่ย เหธา อาดัม ป์าม เญย ฒุ์ย ไม้ ฟี่ ฮนั้ง. หลาย เหยียด ล่าน เมี่ยน ป์าม ฒุ์ย, เมี่ยน ธั้ม เญย หฒุ ไต่. มป่า ทิน-ฮู่ง เญย เอน เหธา นิ่น แปะๆ ปุน เญย ฒี่ง เหญ่ย เก้า โฮล เจี๋ย, ต้ง นิ่น หล่ง เหยียด ล่าน เมี่ยน, เยซู กีตู่, เญย เอน, ปุน เมี่ยน ธั้ม ตุ๊ เญย ฒี่ง เหญ่ย. 16ทิน-ฮู่ง เหธย ปุน เญย ฒี่ง เหญ่ย เหธา เหยียด ล่าน เมี่ยน ป์าม เญย ฒุ์ย ไม้ ฟี่ ฮนั้ง. เหยียด ล่าน เมี่ยน ป์าม เหยียด หฑุ่น ฒุ์ย ฯฒฯ หฒุ ตี่ง เจี๊ยน ฒุ์ย อ๊ะ. เมี่ยน ธั้ม ป์าม ฒุ์ย มป่า เหว่ย ทิน-ฮู่ง เหธย ปุน เญย ฒี่ง เหญ่ย นิ่น บัว ตุ๊ เหธา ทิน-ฮู่ง หอบ เฮญี้ยว. 17หลาย เหยียด ล่าน เมี่ยน ป์าม เญย ฒุ์ย, หฒุ ไต่ เญย ชะ ฯฒฯ กุ๊น เจี๊ยน หม่าน เมี่ยน. มป่า เยซู กีตู่, ดุ ล่าน เมี่ยน, โหฒว เญย สี่ โฮล ตุ๊ ด่ง หาย ธั้ม! เหว่ย หฒุ เต้าๆ เมี่ยน ตุ๊ ฒิบ ทิน-ฮู่ง เญย ฮู่ง เอน ฯฒฯ ตุ๊ เหธา ทิน-ฮู่ง หอบ เฮญี้ยว หย่า ตุ๊ เขา เหยียด เต้า เมี่ยน, เยซู กีตู่, เยียม เสย หฒั่ง ตุ๊ กุ๊น.
18ฮนั้ง หน่าย, หลาย ดุ ล่าน เมี่ยน ป์าม หฑุ่น ฒุ์ย, หฒวัง เมี่ยน หฒุ ตี่ง ฒุ์ย. ฟี่ ฮนั้ง เญย, ดุ ล่าน เมี่ยน โหฒว หฑุ่น คู้ สี่ ฯฒฯ ปุน เหยียด ฒู้ง เมี่ยน เป๋น ปู๋ง ฆอย เญย เมี่ยน, ตุ๊ เฒี่ยง เจี๊ยน. 19ดุ ล่าน เมี่ยน ไม้ หมวัง ทิน-ฮู่ง เญย หว่า, หฒวัง เมี่ยน ฯฒฯ เป๋น ฒุ์ย-เมี่ยน เหฑ่ง. ฟี่ ฮนั้ง เญย, ดุ ล่าน เมี่ยน หมวัง ทิน-ฮู่ง เญย หว่า, หฒวัง เมี่ยน ฯฒฯ ตุ๊ เหธา ทิน-ฮู่ง หอบ เฮญี้ยว.
20ทิน-ฮู่ง ปุน เล์ย-หลัด เยียม น้าย ลู่ง เดี๊ย โหฒว ปุน ฒุ์ย จา ธั้ม เจี๊ยน ฝาว. มป่า ฒุ์ย เยียม หาย ธ้วด ธั้ม, ทิน-ฮู่ง เญย เอน เหยียด เฒย ธั้ม เจี๊ยน ฝาว. 21ฮนั้ง หน่าย, ฒุ์ย กุ๊น เจี๊ยน ปุน เมี่ยน หฒุ ไต่. ทิน-ฮู่ง เญย เอน หย่า ฟี่ ฮนั้ง เญย กุ๊น เจี๊ยน ปุน เมี่ยน ตุ๊ เหธา ทิน-ฮู่ง หอบ เฮญี้ยว, หย่า ปุน บัว เขา บัว เญย เฒี้ยว เยซู กีตู่ ตุ๊ เหยียด ลิ์ว เญย แหม่ง.
Currently Selected:
โลมา 5: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
