สีง ฑูง 7
7
สีง ฑูง 7
เต๋า เก๋า โท้ เฒี้ยว เหฌียว แหม่ง
หลาย เบนยามิน เมี่ยน, คู้ด, ดาวิด ต๋อย เฒี้ยว ป๋าว น้าย ติ้ว ซิกกาโยน ฑูง.#7 ซิกกาโยน ฑูง เหฑีย เปียะ โพว เญย เอ๋ย เล์ย มเปย. อี้ จ๋า ฮนอย เมี่ยน ไม้ ฮิ้ว ตี่ง น้าย โจ๋ว หว่า เญย เอ๋ย เล์ย.
1โอ เฒี้ยว, เยีย เญย ทิน-ฮู่ง อ่า, เม่ย เซ เยีย ด้าว เขา เญย ต๋อง.
โท้ เหฌียว เยีย เปย๋า ดุ๊ด หฒุ่น เยีย เญย เมี่ยน.
โท้ เหฌียว เยีย ธ้วด ต้าย.
2เหฑีย นิ่น บัว ฮนั้ง เซี่ยน นอ เป๊ด เยีย,
ทอ เยีย มี่ง หย่า ไม้ ม่าย หาย เต้า เหฌียว.
3โอ เฒี้ยว, เยีย เญย ทิน-ฮู่ง อ่า,
สี ก๊อง เยีย ฮนั้ง น้าย โหฒว,
สี ก๊อง เยีย เญย ปั์ว โหฒว ต่อง หาย หญู่ง,
4สี ก๊อง เยีย โหฒว หว่าย ปุน เหธา เยีย หอบ เญย เมี่ยน,
ไฟ ลู้ เยีย เญย วิน-วั้ง หย่า ไม้ ม่าย กอน-แป๋ง,
5โท้ ปุน วิน-วั้ง หฒุ่น หฒ่าย เยีย,
เฒาะ เยีย เญย แหม่ง ธ้าย เหฌี่ย เดา,
ปุน เยีย เญย ซิน-เซย#7:5 ซิน-เซย ฮิบลู หว่า ก๊อง ฌัง-หล่าง. ม่าย เต๋ย โซว ฟาน ต้าย ก๊อง, เฮญี้ยว ไฟ ลี่ง ว่วน ไฟ แหม่ง. เยียม เนีย-บูง.#7:5 ม่าย เต๋ย โซว ก๊อง เป๋น เนีย-บูง. เซลา
6โอ เฒี้ยว อ่า, โท้ เม่ย เฉีย เจี์ย เจี๊ยน เจี์ย ต้าย,
เบ๊าะ เยีย เญย เธี้ยว ไห่ เญย วิน-วั้ง.
โอ เยีย เญย ทิน-ฮู่ง อ้า! โท้ เถง เยีย. เซ เม่ย กั้น ตี่ง เหฒียง เซี้ยม ฒุ์ย.
7โท้ ปุน หม่าน ฝีง กั๊บ ฒุ้น เว่ย ก๋อม เม่ย,
โท้ เม่ย เยียม กู้ หงว่าย กุ๊น นิ่น บัว.
8 เฒี้ยว เซี้ยม หม่าน ฝีง.
โอ เฒี้ยว อ่า, โท้ หฒิว เยีย โหฒว หอบ เญย
เหธา เยีย เฮญี้ยว หฒีง เญย เซี้ยม เยีย.
9เม่ย เซ โหฒว หอบ เญย ทิน-ฮู่ง.
เม่ย ฒ่า เมี่ยน เญย เฮญี้ยว เหธา เอ๋ย.
โท้ ปุน โหฒว เอ๊าะ เญย เมี่ยน เญย เจ๊า ตั๋ง,
หย่า เหลียบ คู้ เมี่ยน ว้วน.#หล่าว ย่าง 2:23
10ทิน-ฮู่ง เซ เยีย เญย ท้อง-ป้าย เปว เจี๊ยน เยีย,
นิ่น เหฌียว เฮญี้ยว หฒะ เญย เมี่ยน.
11ทิน-ฮู่ง เซ แป้ง ฟิม เญย เซี้ยม ฒุ์ย เจียน,
ทิน-ฮู่ง หย่า ฮนอยๆ ตี่ง#7:11 ไฟ เฉีย เจี์ย. เอ๊าะ เมี่ยน เญย ฒุ์ย.
12สี ก๊อง หาย เต้า ไม้ ก๊อย เฮญี้ยว,
ทิน-ฮู่ง อ๋อย เหฑียว ไหล่ นิ่น เญย หฑุ ด๊าว,
หย่า หลิ่ว เล์ย เหฒียง จวัง-หฒิน.
13นิ่น เบ่น เหฒียง ไต๋ เมี่ยน เญย หวัวะ กิ่น,
หลิ่ว เล์ย นิ่น ม่าย โต์ว เญย ฟอง-ธัง.
14เอ๊าะ เมี่ยน ขูง ฮนั้ม ธ้วด เอ๊าะ สี่,
ม่าย เอ๊าะ เญย สี่ เยียม เฮญี้ยว เป๊ย เมี่ยน ม่าย กู้งว์า,
ยู์ง ธ้วด ต้าย เป๋น ก๊อง-แปะ ดั๊ว เมี่ยน เญย สี่ ฮนั้ง.
15นิ่น เว้ด เหฒียง ค้วด, เว้ด โด เญย,
นิ่น กั้น หย่า ด๊อด เหฌี่ย นิ่น กั้น เว้ด เญย ค้วด.
16นิ่น โหฒว เญย หว่าย สี่ ต๋าว หฑวน ต้าย ห่อย นิ่น กั้น.
นิ่น โหฒว โตะ เญย สี่ ขูง ด๊อด หฒุ นิ่น กั้น ฮนั้ง.
17เยีย อ๋อย ตอ-เหฒี่ย เฒี้ยว เหว่ย หฒุ นิ่น แป้ง ฟิม เญย.
เยีย อ๋อย ป๋าว ฑูง เธง เฒี้ยว, เยียม ฮลัง เจี๋ย วั้ว เต้า, เญย เม่ง.
Currently Selected:
สีง ฑูง 7: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
