สีง ฑูง 6
6
สีง ฑูง 6
หฒุ โต้ หน่าน, โท้ เฒี้ยว ค้อ-เลี่ยน
จิว ปุน ต้อ ฑูง เญย เมี่ยน. อ๋อย หฒุ หล่ง พัด เญย จา-สี หฒิว เซเมนิด. ดาวิด โหฒ่ เญย สีง ฑูง.
1โอ เฒี้ยว อ้า! โท้ ไม้ ตู๋ง โน์ว เจี๊ยน ก๊อง-เหม เยีย.
ไม้ ตู๋ง เฉีย เจี์ย เจี๊ยน ตี่ง เยีย เญย ฒุ์ย.#สีง ฑูง 38:1
2โอ เฒี้ยว อ่า, โท้ เม่ย ค้อ-เลี่ยน เยีย, เหว่ย หฒุ เยีย หฒะเก้ง เมา ไห่.
โอ เฒี้ยว อ่า, โท้ หฒ่อ เยีย, เหว่ย หฒุ เยีย ไม้ ม่าย เหยียด อ๋า ชะ.#6:2 ฮิบลู หว่า ก๊อง เถา บู๊ง มุน โค้ว มป่า เป๊ย เมี่ยน โค้ว เถา เดี๊ย.
3เยีย เญย เฮญี้ยว หฒะเก้ง โค้ว ไห่.
โอ เฒี้ยว อ่า, เยีย อ๋อย หฒุ ฒั้ว เถา หาย หฒั่น เม่ย หธีง ต้าย เถง?
4โอ เฒี้ยว อ่า, โท้ เม่ย ฮวิน หฑวน ต้าย เหฌียว เยีย เญย แหม่ง,
เหว่ย หฒุ เม่ย เหฒียบ ฒัวะ เญย ฮนั้ม เยีย, โท้ เหฌียว เยีย.
5เมี่ยน ไต่ มี่ง, ไม้ ม่าย หาย เต้า ไฮ่ จั๋ง ตุ๊ เม่ย.
เยียม เยี่ยม เกน ม่าย หาย เต้า ไฮ่ เธง เม่ย?
6เยีย ฌุ่น เจี๊ยน เยียม, ไฮ์ โค้ว ไห่.
เยีย ม์วนๆ เญี้ยม, ววม-เหมว่ย เหยียม โหธว,
เยีย เญย ฑ์ม-เต้า หฒุ ววม-เหมว่ย ตับ ดอน เหฑ่ง.
7เฑ่า เกา, เยีย เญย มฒีง ฒู้ง ไม้ ฌัง.
หลาย วิน-วั้ง เยีย เญี้ยม, มฒีง บั๊ว หมี่ อ๊ะ.
8เม่ย บัว เหยียด ฒู้ง โหฒว เอ๊าะ เญย เมี่ยน อ้า! เปย๋า ฆอย เยีย,
เหว่ย หฒุ เฒี้ยว หมวัง ไฮ์ เยีย เญี้ยม เญย เฉีย.#มัดทาย 7:23; ลูกา 13:27
9 เฒี้ยว หมวัง ไฮ์ เยีย โจ้ว เญย หว่า,
เยีย เต๋า เก๋า เญย หว่า เฒี้ยว หย่า เตา.
10เยีย เญย เหยียด ฒู้ง วิน-วั้ง อ๋อย หฒุ ไญ้, กั้ม เหฑีย ตุ๊ โค้ว ไห่.
นิ่น บัว อ๋อย หฒุ ถุย หฑวน, ด่ง เฑี้ยบ ตั้ง มฒีง หฒุ ไญ้ อ๊ะ.
Currently Selected:
สีง ฑูง 6: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
