สีง ฑูง 22
22
สีง ฑูง 22
หฒุ โค้ว, เห่ว เจี๊ยน โท้ หย่า ป๋าว ฑูง เธง
จิว ปุน ต้อ ฑูง เญย เมี่ยน. หล่ง “ลู่ง ดอม เฑี้ยว เญย ไฌ่ เญ์ย” โพว. ดาวิด โหฒ่ เญย สีง ฑูง.
1เยีย เญย ทิน-ฮู่ง อ้า! เยีย เญย ทิน-ฮู่ง! เม่ย เหว่ย หาย ติ่ว กวั่ง เยีย?
เม่ย เหว่ย หาย ติ่ว เล่ย โก, ไม้ เหฌียว เยีย, ไม้ ไฮ์ เยีย ฌุ่น เญย หว่า?#มัดทาย 27:46; มาโค 15:34
2โอ เยีย เญย ทิน-ฮู่ง อ้า! ลู่ง ฮนอย หฒั่น เยีย เห่ว, เม่ย หย่า ไม้ เตา เยีย.
ลู่ง ม์วน หฒั่น เยีย ไม้ ตี้ง เลี่ยว เญย เห่ว หย่า ไม้ ตุ๊ ฮิด ขวน.#22:2 ไฟ ไม้ ตี้ง.
3มป่า เม่ย เฒว์ย เหว่ย เป๋น ธีง-เหฑ่ง วั้ว เต้า.
เม่ย เซ อิสะลาเอน เมี่ยน เธง วั้ว เต้า.#22:3 ฮิบลู หว่า ก๊อง “เม่ย หล่ง อิสะลาเอน เมี่ยน เธง เญย หว่า โหฒว เหว่ย.”
4เยีย บัว เญย อง-ถาย เขา เม่ย,
นิ่น บัว ปั่ง เม่ย, เม่ย หย่า เหฌียว นิ่น บัว.
5นิ่น บัว เห่ว เม่ย, ฯฒฯ ตุ๊ เหฌียว อ๊ะ.
นิ่น บัว เขา เม่ย, นิ่น บัว หย่า ไม้ พยัด.#22:5 ไฟ ไญ้.
6มป่า เยีย เซ ฮนั้ง นอม แกง-เมา, ไม้ เฒ์ย เมี่ยน.
เยีย หฒุ เมี่ยน ฮว้วด, หฒุ เมี่ยน หมั่ง เผีย.
7ตะฟ่าน ปวัด เยีย เญย เมี่ยน จั๊ด เยีย,
นิ่น บัว ฒัว ฑุ่ย แป๋ง ปุน เยีย, หย่า หฮวัง มฆ้อง ก๊อง,#มัดทาย 27:39; มาโค 15:29; ลูกา 23:35
8“นิ่น เขา เฒี้ยว,#22:8 ไฟ “เฒาะ กั้น ฝูง ปุน เฒี้ยว”.
ปุน เฒี้ยว เหฌียว นิ่น ม่าะ!
ปุน เฒี้ยว เถง นิ่น,
เหว่ย หฒุ เฒี้ยว อะเฮน้ย ไห่ นิ่น.”#มัดทาย 27:43
9เซ ต้ง เม่ย ปุน เยีย เยียม มา เญย กะเซีย ธ้วด เสย,
เยีย ฮบ มา เญย หญอ เญย เฒี่ยง โห่,
เม่ย หย่า โก๋ว เจี๊ยน เยีย.#22:9 ไฟ “เม่ย ปุน เยีย เขา เม่ย”.
10เยียม เยีย ธ้วด เสย ต้าย เยีย เขา เม่ย.
เยียม เยีย เญย มา ยู์ง เยีย ต้าย, เม่ย โหฒว เยีย เญย ทิน-ฮู่ง.
11โท้ เม่ย ไม้ ตู๋ง เล่ย โก เยีย,
เหว่ย หฒุ เหฒะ หน่าน เถา ฟัด อ๊ะ,
หย่า ไม้ ม่าย หาย เต้า เถง.
12วิน-วั้ง ธั้ม ฮนั้ง ง่ง โก๊ว นอ เว่ย ก๋อม เยีย,
หย่า ฮนั้ง บาซาน เฮ้น ไห่ เญย ง่ง โก๊ว นิ่น บัว เว่ย เจี๊ยน เปยย ปูง.
13นิ่น บัว เซ ฮนั้ง ฌุ่น เจี๊ยน เญย เซี่ยน
หมอง ฑุ่ย แป๋ง อ๋อย เป๊ด เยีย.
14เยีย หฒุ โต๋ ธ้วด ฮนั้ง ววม นอ.
เยีย เญย เหยียด ฒู้ง บู๊ง-ต๋าว พยัด เหฑ่ง.
เยีย เญย บะฑิว เซ ฮนั้ง เมว์ย-ฑีง,
เยียม เยีย เญย หละค้วด หยุ เหฑ่ง.
15เยีย เญย ชะ ฆาย เหฑ่ง ฮนั้ง เหฮลง เนีย-มอ-ฮู้ นอ,#22:15 ม่าย เต๋ย โซว ฟาน ต้าย ก๊อง ฮ่า ป้า บู๊ง.
เยีย เญย เบียด แน้ด เจี๊ยน ฑุ่ย ตู์ง.
เม่ย เฒาะ เยีย กวั่ง เจี๊ยน ฮนั้ง กะน้าย-ไต่.
16ม่าย กวั้น เอ๊าะ เมี่ยน ฮวีง เจี๊ยน เยีย,
ฮนั้ง กวั้น จู๊ เว่ย ก๋อม เยีย นอ.
นิ่น บัว หย่า ฑบ#22:16 ม่าย เต๋ย ฮิบลู หว่า เญย โซว เหธา กีก หว่า ฟาน ต้าย ก๊อง ฮนั้ง เต้า เซี่ยน นอ. ม่าย เต๋ย โล์-ฮนอย โซว ก๊อง นิ่น บัว เป๊ด. ม่าย เต๋ย ก๊อง นิ่น บัว โด้. เยีย เญย ปั์ว-เหฒา.
17เยีย เญย บู๊ง เยีย ฒู้ง ไฮ่ ซ้าว เหฑ่ง,
นิ่น บัว ปู๋ง มฒีง นุๆ เญย หมั่ง หย่า จั๊ด เยีย.
18นิ่น บัว ปุน ฆอย เยีย เญย ลุย-โหว,
หย่า เหว่ย เยีย เญย ลุย โด๊ว หมั่ง ก๋า หาย เต้า ตุ๊.#มัดทาย 27:35; มาโค 15:24; ลูกา 23:34; โยฮัน 19:24
19โอ เฒี้ยว อ้า! โท้ เม่ย ไม้ ตู๋ง เล่ย โก เยีย.
เถง เยีย วั้ว เต้า เฒี้ยว อ้า! เซี้ยบๆ เญย ต้าย เถง เยีย.
20โท้ เหฌียว เยีย เญย แหม่ง เปย๋า ดุ๊ด หฑุ ด๊าว.
โท้ เหฌียว เยีย เญย แหม่ง เล่ย ดุ๊ด น้าย เต๋ย จู๊.
21โท้ เหฌียว เยีย เปย๋า ดุ๊ด เซี่ยน เญย ฑุ่ย แป๋ง,
เหฌียว#22:21 ฮิบลู หว่า ก๊อง เม่ย เตา เยีย หมี่ อ๊ะ. เยีย เล่ย ดุ๊ด เฮยี่ย ง่ง เญย จอง.
22เยีย อ๋อย ฒุ่น เม่ย เญย เม่ง บั๋ว เยีย เญย ก๋อ-โย์ว.
เยีย อ๋อย เยียม กั๊บ ฒุ้น เญย หวุ่ย บุด๋ง เธง เม่ย.#ฮิบลู 2:12
23กั้ม เหฑีย เฒี้ยว เญย เมี่ยน อ้า! อ๋อย หฒุ เธง นิ่น.
ยาโค้บ เญย หฒวัง เฒ้ย-ฟุน อ้า! อ๋อย หฒุ ท่าย นิ่น.
อิสะลาเอน เญย เหยียด ฒู้ง โฮ์ ต่อย เฒ้ย-ฟุน อ้า! อ๋อย หฒุ กั้ม เหฑีย นิ่น.
24เหว่ย หฒุ นิ่น ไม้ หมั่ง เผีย หย่า ไม้ โหยว
เสี่ยว โค้ว เญย เมี่ยน หฒุ เสี่ยว เญย โค้ว หน่าน.
นิ่น ไม้ ปวัง เจี๊ยน เฮมียน ไม้ หมั่ง นิ่น บัว,
เมี่ยน เห่ว เจี๊ยน โท้ เญย เฒี่ยง โห่, นิ่น หย่า หมวัง.
25เยียม เมี่ยน ธั้ม กั๊บ ฒุ้น เญย ต๋อง เยีย เธง เญย หว่า เยียม เม่ย ต้าย.
เยียม ท่าย เม่ย เญย เมี่ยน เญย หฑะเฮมียน เยีย อ๋อย จ๊าว ซูง เยีย แล์ง เญย แหง่ง หว่า.
26เมี่ยน จ่ม เมี่ยน ตุ๊ หญั่น เป๊ว.
หาย เต้า ล์อ เฒี้ยว ฒู้ง อ๋อย เธง นิ่น.
โท้ ปุน เม่ย บัว เหยียด ลิ์ว เฒี่ยง เจี๊ยน.
27จ่ม ลู่ง เดี๊ย นอมๆ ต๋อง เญย เมี่ยน อ๋อย จั๋ง เฒี้ยว
ฯฒฯ ฮวิน หฑวน ต้าย ล์อ นิ่น.
หม่าน กั๊วะ เญย หม่าน ฝีง
อ๋อย เยียม นิ่น เญย หฑะเฮมียน ป๋าย นิ่น.
28 เฒี้ยว ม่าย ฮู่ง หลี่ง,
หย่า กุ๊น หม่าน กั๊วะ.
29เยียม ลู่ง เดี๊ย โหฒว เหมา เญย เมี่ยน อ๋อย เยียม นิ่น เญย หฑะเฮมียน เกว่ย เหฌี่ย ป๋าย.#22:29 ฮิบลู หว่า ก๊อง อ๋อย หญั่น หย่า ป๋าย.
ตะฟ่าน หฑวน เป๋น เนีย-บูง เญย เมี่ยน,
เซ ไม้ ไฮ่ เถง กั้น ม่าย แหม่ง เฒี่ยง เญย เมี่ยน,
อ๋อย เกว่ย เหฌี่ย ป๋าย นิ่น.
30ต่อยๆ เฒ้ย-ฟุน อ๋อย ฟู-สู นิ่น.
เมี่ยน อ๋อย เฒาะ เฒี้ยว เญย สี่ ก๊อง บั๋ว โฮ์ ต่อย เมี่ยน.
31นิ่น บัว อ๋อย ฒุ่น นิ่น โหฒว แป้ง ฟิม เญย เจ๊า
บั๋ว ไม้ แก้ง ธ้วด เสย เญย เมี่ยน,
“นิ่น เหฌียว นิ่น เญย เมี่ยน อ๊ะ.”
Currently Selected:
สีง ฑูง 22: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
