สีง ฑูง 10
10
สีง ฑูง 10#10 เป๊ย หมั่ง สีง ฑูง 9:1 เญย โห่-ต้าว.
โท้ เฒี้ยว ตี่ง เอ๊าะ เมี่ยน เญย ฒุ์ย
1 เฒี้ยว อ้า! เม่ย เหว่ย หาย ติ่ว เล่ย เยีย บัว ด่ง น้าย โก?
เยีย บัว หฒุ โค้ว หน่าน เม่ย เหว่ย หาย ติ่ว ปี๋ง?
2เอ๊าะ เมี่ยน โหฒว เหมา เหฒย เมี่ยน จ่ม เมี่ยน.
โท้ ปุน นิ่น บัว ต๊า ธ้วด เญย หฒะเอ๋ย
ห่อย หฒุ นิ่น บัว กั้น.
3เอ๊าะ เมี่ยน เธง กั้น เฮญี้ยว หั่น โหฒว เญย สี่,
เม้า กะน้าย เญย เมี่ยน เหฒียว หย่า หมั่ง เผีย เฒี้ยว.
4เมี่ยน หว่าย เมี่ยน เฮญี้ยว เหมา ฯฒฯ ไม้ ล์อ นิ่น.
เอ๊าะ เมี่ยน ขูง ฮนั้ม ไม้ ม่าย ทิน-ฮู่ง.
5เอ๊าะ เมี่ยน โหฒว เญย เจ๊า หฒั่นๆ ตุ๊ หลง,
เม่ย เซี้ยม ฒุ์ย เญย เจ๊า ฮลัง ไห่, เอ๊าะ เมี่ยน ไม้ เปียะ เฮญี้ยว.
นิ่น ฮว้วด นิ่น เญย เหยียด ฒู้ง วิน-วั้ง.
6นิ่น เยียม เฮญี้ยว ฮนั้ม, “เยีย เหยียด ลิ์ว ไม้ หฒุ โค้ว,
ต่อย เจี๋ย ต่อย เยีย ไม้ ปวั้ง เหฒะ หน่าน.”
7เหฒียว เมี่ยน, ดั๊ว เมี่ยน, ห่อย เมี่ยน เญย หว่า ปวั๊ง เหฑ่ง นิ่น เญย ฑุ่ย.
เยียม นิ่น เญย เบียด กะเดี๊ย ม่าย โตะ เญย, เอ๊าะ เญย หว่า.#โลมา 3:14
8นิ่น เยียม ล์าง กะญั์ว เบว์ย เญย ต๋อง,
เยียม ปี๋ง เญย ต๋อง ไต๋ ไม้ โหฒว ต่อง เญย เมี่ยน.
นิ่น เญย มฒีง เธี่ยน หมั่ง ไม้ ม่าย ต๋อง เขา เญย เมี่ยน.
9นิ่น ปี๋ง เจี๊ยน เยียม เบว์ย เญย ต๋อง, ฮนั้ง เซี่ยน เยียม นิ่น เญย ค้วด.
นิ่น ปี๋ง เจี๊ยน อ๋อย ธ้าง โต้ หน่าน เมี่ยน,
นิ่น แปง นิ่น เญย มู์ง กว๊าด เมี่ยน จ่ม เมี่ยน มี่ง.
10ไม้ ม่าย ต๋อง เขา เญย เมี่ยน หฒุ ฒัด เหฌี่ย,
นิ่น บัว หฒุ เอ๊าะ เมี่ยน เญย ชะ ห่อย นิ่น บัว ด๊อด เจี๊ยน เหฌี่ย.
11เอ๊าะ เมี่ยน เยียม เฮญี้ยว ฮนั้ม, “ทิน-ฮู่ง หละคุ หมี่ อ๊ะ.
นิ่น ปี๋ง เจี๊ยน นิ่น เญย เฮมียน, เหยียด ลิ์ว ไม้ หมั่ง อ๊ะ.”
12โอ เฒี้ยว อ้า! ต้าย ม่าะ! โท้ เม่ย ซูง ปั์ว เถง,
ไม้ ตู๋ง หละคุ โค้ว หน่าน เญย เมี่ยน.
13เอ๊าะ เมี่ยน เหว่ย หาย ติ่ว เฆ่ม ทิน-ฮู่ง?
เอ๊าะ เมี่ยน เยียม เฮญี้ยว ฮนั้ม, “นิ่น ไม้ หล่ง เยีย เญย สี่.”
14มป่า เม่ย ปวัด เญย,
เม่ย ฒู้ง ฮิ้ว ตุ๊ เมี่ยน หฒุ โค้ว หน่าน, เฮญี้ยว เฑ่า เญย สี่,
ฯฒฯ เหฌี่ย ปั์ว เถง.
ไม้ ลั่ม เขา ต๋อง เญย เมี่ยน เฒาะ กั้น จิว ปุน เม่ย,
เหว่ย หฒุ เม่ย มต้าย เถง กู้ ฮั่น ฝุเจว๊ย.
15โท้ เม่ย ว้วด เมี่ยน หว่าย เมี่ยน เหธา เอ๊าะ เมี่ยน เญย ปั์ว เน้า.
โท้ เว้ด ธ้วด นิ่น เญย หว่าย สี่ เถา ไม้ ม่าย เหยียด เต๋ย.#10:15 ฟาน หฒะ ก๊อง “เถา เม่ย ล์อ ไม้ ปวัด เหยียด เต๋ย”.
16 เฒี้ยว เหยียด ลิ์ว โหฒว ฮู่ง เถา หม่าน โก๊ว หม่าน ต่อย.
หม่าน ฝีง เมี่ยน เยียม นิ่น เญย เดา-เป้ย หฒุ เหมียด เหฑ่ง.
17โอ เฒี้ยว อ่า, เม่ย หมวัง ไฮ์ เหญี่ยม กั้น โหฒว ไฝ เญย เมี่ยน#10:17 ไฟ เมา เญย เมี่ยน. อ๋อย โจ้ว เญย หว่า.
เม่ย อ๋อย เหลียบ ว้วน นิ่น บัว เญย เฮญี้ยว หย่า แปง มน่อม หมวัง นิ่น บัว โท้ เญย หว่า,
18เหว่ย ปุน กู้ ฮั่น ฝุเจว๊ย เหธา หฒุ เหฒย วั้ว เต๋ย ตุ๊ แป้ง ฟิม,
เหว่ย ปุน ป้าม เมี่ยน ไม้ ไฮ่ หฒอย แอ๋ง แฮะ นิ่น บัว กั้ม เหฑีย.
Currently Selected:
สีง ฑูง 10: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
