ซ้าว เมี่ยน 9
9
เสีย แหม่ง ฒิบ
1อิสะลาเอน เมี่ยน ธ้วด อียิบ เต่ย-ปูง ลิ์ว, ตะเหญ่ย หฮญัง ฒี่ หฮลา, เยียม ซีนาย เต่ย-ปูง-ฮวาง, เฒี้ยว ก๊อง บั๋ว โมเซ, 2“เถา ตี่ง ต้าย เญย เฒี่ยง โห่, อ๋อย หฒุ ปุน อิสะลาเอน เมี่ยน เจี๋ย เสีย แหม่ง ฒิบ.#ธ้วด อียิบ 12:1-13 3น้าย นอม หฮลา, เหฒียบ เฝย วั้ว ฮนอย, บะฮนอย ด๊อด เญย เฒี่ยง โห่, อ๋อย หฒุ หฒิว ตี่ง ต้าย เญย ฮนอย-เหญียะ เอย เจี๊ยน ฒิบ เญย เล์ย-เหญ่ย เหธา ติ้วๆ เล์ย-หลัด เจี๋ย ฒิบ.”
4โมเซ ฯฒฯ บั๋ว อิสะลาเอน เมี่ยน เจี๋ย เสีย แหม่ง ฒิบ. 5ฒี่ หฮลา, เหฒียบ เฝย วั้ว ฮนอย, เหฑียม-ย่าง เญย เฒี่ยง โห่, นิ่น บัว เยียม ซีนาย เต่ย-ปูง-ฮวาง เจี๋ย ฒิบ. หฒิว เฒี้ยว พ้าย โมเซ, อิสะลาเอน เมี่ยน เอย เจี๊ยน โหฒว เหฑ่ง.
6มป่า ม่าย เต๋ย เมี่ยน หลาย มัวะ หฒุ จั๋น-ไต่ ม่าย หวุย. ต๋อย วั้ว นอม ฮนอย ไม้ ไฮ่ เจี๋ย เสีย แหม่ง ฒิบ. ต้ง วั้ว ฮนอย นิ่น บัว ต้าย เถา โมเซ เหธา อาโลน บัว วั้ว, 7ก๊อง บั๋ว โมเซ, “เยีย บัว หลาย มัวะ หฒุ จั๋น-ไต่ ม่าย หวุย, มป่า เหว่ย หาย ติ่ว ไม้ ปุน เยีย บัว เถา ตี่ง ต้าย เญย เฒี่ยง โห่ ตุ๊ เหธา วั้ว เต๋ย อิสะลาเอน เมี่ยน ต้อ กะน้าย ฝ่ง ห่อ เฒี้ยว? ”
8โมเซ เตา, “ฒั้ว หมวัง ก๋า เฒี้ยว อ๋อย ฮนั้ง หาย นอ พ้าย เม่ย บัว เญย สี่.”
9 เฒี้ยว บั๋ว โมเซ, 10“อ๋อย หฒุ บั๋ว อิสะลาเอน เมี่ยน, ‘สี ก๊อง เม่ย บัว หาย เต้า ไฟ เม่ย บัว เญย ฟุน-ฟะ หลาย มัวะ หฒุ จั๋น-ไต่ ม่าย หวุย, ไฟ ม่าย เมี่ยน ธ้วด เจ๊า มี่ง โก เญย ต๋อง, นิ่น บัว หธ่อ ไฮ่ เจี๋ย เฒี้ยว เญย เสีย แหม่ง ฒิบ. 11เถา เหญ่ย หฮลา, เหฒียบ เฝย วั้ว ฮนอย, บะฮนอย ด๊อด เญย เฒี่ยง โห่, นิ่น บัว อ๋อย หฒุ เจี๋ย ฒิบ. อ๋อย หฒุ หญั่น เจี๋ย ฒิบ เญย ปะกี ยู่ง ตอน เหธา ไม้ อัน ปี๊ง เญย ฌั้ว เหธา อิม เญย กะน้าย-ดาง. 12นิ่น บัว ไม้ ตู๋ง เลี่ยว เหยียด เต๋ย เถา ฌัง ฮนอย ดอม. หย่า ไม้ ตู๋ง ปุน ยู่ง เญย บู๊ง เน้า เหยียด ติ้ว.#ธ้วด อียิบ 12:46; โยฮัน 19:36 เจี๋ย เสีย แหม่ง ฒิบ นิ่น บัว อ๋อย หฒุ กัน เหฑ่ง ติ้วๆ เล์ย. 13มป่า สี ก๊อง ม่าย เมี่ยน ธีง-เหฑ่ง เญย, ไม้ ม่าย หวุย, หย่า ไม้ ธ้วด เจ๊า มี่ง โก เญย ต๋อง, โหย่ว ไม้ เจี๋ย เสีย แหม่ง ฒิบ นอ, วั้ว เต้า เยียม นิ่น เญย เมี่ยน กะญั์ว อ๋อย หฒุ ไพ กวั่ง, เหว่ย หฒุ ตี่ง ต้าย เญย เฒี่ยง โห่ นิ่น ไม้ ต้อ กะน้าย ฝ่ง ห่อ เฒี้ยว. นิ่น โหฒว เญย ฒุ์ย นิ่น กั้น อ๋อย หฒุ ดาม-ตอง.
14“‘สี ก๊อง เยียม เม่ย บัว กะญั์ว ม่าย กั้น ฝีง เมี่ยน อ๋อย เจี๋ย เฒี้ยว เญย เสีย แหม่ง ฒิบ, นิ่น อ๋อย หฒุ หฒิว ฒิบ เญย เล์ย-เหญ่ย เหธา ติ้วๆ เล์ย-หลัด โหฒว. ไม้ กุ๊น จั๋น ไฟ ป๊วน-ฝีง เมี่ยน, อ๋อย หฒุ ม่าย ดุ หญู่ง เล์ย ฮนั้ง.’”
บ๋วน เยียม ด๊บ-ลิ่ว กู้ หงว่าย
15เหลียบ เจี์ย หฒั่ง ทิน-ฮู่ง เญย ด๊บ-ลิ่ว วั้ว ฮนอย, เซ แล์ง แหง่ง หว่า เญย ด๊บ-ลิ่ว, ม่าย ต๊อ บ๋วน ต้าย อม เจี๊ยน. ลู่ง ม์าน-หฮมวัง เถา ลู่ง ฌัง ปวัด บ๋วน ฮนั้ง โต์ว นอ. 16หย่า หฒั่นๆ ฮนั้ง น้าย นอ. วั้ว ต๊อ บ๋วน อม เจี๊ยน, ลู่ง ม์วน หฒั่น ปวัด ฮนั้ง โต์ว. 17บ๋วน หาย หฒั่น เยียม ด๊บ-ลิ่ว กู้ หงว่าย ฝาว, อิสะลาเอน เมี่ยน ฯฒฯ ธ้วด เจ๊า. บ๋วน ตี้ง เหฌี่ย หาย, อิสะลาเอน เมี่ยน แอ๋ง ธอง ด๊บ-ลิ่ว เธี้ยง เยียม วั้ว. 18หฒิว เฒี้ยว บั๋ว เญย หว่า, อิสะลาเอน เมี่ยน ธ้วด เจ๊า. หย่า หฒิว เฒี้ยว บั๋ว เญย หว่า, นิ่น บัว ธอง ด๊บ-ลิ่ว เธี้ยง. ตะฟ่าน บ๋วน หธ่อ เยียม หฒั่ง ทิน-ฮู่ง เญย ด๊บ-ลิ่ว กู้ หงว่าย, นิ่น บัว หธ่อ ธอง เจี๊ยน เยียม วั้ว เญย. 19บ๋วน หาย หฒั่น เยียม หฒั่ง ทิน-ฮู่ง เญย ด๊บ-ลิ่ว กู้ หงว่าย เล่า เญย, อิสะลาเอน เมี่ยน หมวัง เฒี้ยว บั๋ว เญย หว่า, ไม้ ธ้วด เจ๊า อ๊ะ. 20ม่าย เฒี่ยง โห่ บ๋วน เยียม วั้ว นอม ด๊บ-ลิ่ว กู้ หงว่าย อี เหฒีย ฮนอย ฮนั้ง. หฒิว เฒี้ยว พ้าย เญย หว่า, นิ่น บัว ธอง ด๊บ-ลิ่ว เธี้ยง. หย่า หฒิว เฒี้ยว พ้าย เญย หว่า, นิ่น บัว ธ้วด เจ๊า. 21ม่าย เต๋ย เฒี่ยง โห่ บ๋วน เยียม ลู่ง หฮมวัง เถา ลู่ง ดอม ฮนั้ง. ลู่ง ดอม บ๋วน ฝาว เญย เฒี่ยง โห่, นิ่น บัว ฯฒฯ ธ้วด เจ๊า อ๊ะ. ไม้ กุ๊น ลู่ง ฮนอย ไฟ ลู่ง ม์วน หฒั่น, ตะฟ่าน บ๋วน ฝาว, นิ่น บัว ธ้วด เจ๊า อ๊ะ. 22ไม้ กุ๊น บ๋วน เยียม หฒั่ง ทิน-ฮู่ง เญย ด๊บ-ลิ่ว กู้ หงว่าย อี ฮนอย, ไฟ เหยียด หฮลา, ไฟ เหยียด หฮญัง, นิ่น บัว หธ่อ ธอง เจี๊ยน ด๊บ-ลิ่ว เธี้ยง เยียม วั้ว เญย, ไม้ ธ้วด เจ๊า. มป่า บ๋วน หาย หฒั่น ฝาว, นิ่น บัว ฯฒฯ ธ้วด เจ๊า อ๊ะ. 23หฒิว เฒี้ยว บั๋ว เญย หว่า, นิ่น บัว ธอง ด๊บ-ลิ่ว เธี้ยง. หย่า หฒิว เฒี้ยว บั๋ว เญย หว่า, นิ่น บัว ธ้วด เจ๊า. นิ่น บัว เอย เหฑ่ง เฒี้ยว เญย หว่า หฒิว เฒี้ยว หล่ง โมเซ บั๋ว นิ่น บัว.
Currently Selected:
ซ้าว เมี่ยน 9: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
