ซ้าว เมี่ยน 11
11
เฒี้ยว ปุน เหฌี่ย เญย โต์ว
1หฒวัง แปะ ฝีง งบ นิ่น บัว หฒุ เตี๊ย เญย โค้ว หน่าน. เฒี้ยว หย่า ไฮ์ หมี่ อ๊ะ, ฯฒฯ เฉีย เจี์ย ไห่, ปู๋ง โต์ว เหฌี่ย ต้าย เยียม นิ่น บัว บุด๋ง เหฒียะ เจี๊ยน. ด๊บ-ลิ่ว เธี้ยง กะเฮลน ม่าย เต๋ย ต๋อง ฒู้ง ปั๊ว ชุย เหฑ่ง. 2แปะ ฝีง ชะ เห่ว โมเซ เถง. โมเซ เต๋า เก๋า โท้ เฒี้ยว, โต์ว ฯฒฯ ไต่ หมี่ อ๊ะ. 3วั้ว นอม ต๋อง ฯฒฯ ธ้วด บั๋ว เห่ว ทาเบลา,#11:3 ทาเบลา เญย เอ๋ย เล์ย เซ เหฒียะ เจี๊ยน. เหว่ย หฒุ เยียม วั้ว เฒี้ยว เญย โต์ว เหฒียะ เจี๊ยน นิ่น บัว บุด๋ง.
เมี่ยน เธ้ว อ๊อ หญั่น
4ม่าย เต๋ย จั๋น หฒอบ เจี๊ยน อิสะลาเอน เมี่ยน มี่ง หย่า เจี์ย กอน เธย อ๋อย หญั่น กั้น หญู่ง กะน้าย. เลี่ยม อิสะลาเอน เมี่ยน แอ๋ง เญี้ยม เจี๊ยน ก๊อง, “เฝย ตุ๊ เยีย บัว ม่าย อ๊อ หญั่น. 5จั๋ง หฒุ เยียม อียิบ เต่ย-ปูง วั้ว หฒั่น ตุ๊ หญั่น เญย เบย์า หย่า ไม้ หฒุ ด๊อด ญ่าน. หย่า จั๋ง หฒุ กวา-ววม, กวา-ต๋ม, จั๋น-แคะ ฝุน, ธง เหธา ฝุน. 6อี้ หฒั่น ไฮ์ ซิน หฒั่ง เมา เหฑ่ง, ไม้ ม่าย ชะ อ๊ะ. ธ้วด ลิ์ว น้าย มานา,#ธ้วด อียิบ 16:31 ไม้ ม่าย กั้น หญู่ง หมั่ง.”
7มานา เซ ฮนั้ง เยี่ยน ซี ญิม, เซ้ด เฒ้ย ฮนั้ง เดี๋ยง-ฒูง. 8แปะ ฝีง ธ้วด มี่ง เจี๋ย น้าย เจี๋ย วั้ว เซียว ต้าย หม่อ ไฟ ฒง, แอ๋ง ตั๊บ แธง โฒ้ว ไฟ โหฒว เป๋น ฌั้ว เหยียด นอม, เหยียด นอม เญย. เหมวย เซ ฮนั้ง เหยียด หญู่ง กะน้าย หฒอบ เจี๊ยน กะลั้น โย่ว นอ. 9ลู่ง ม์วน หฒั่น บยู่ง-ซุ้ย เหฌี่ย ด๊บ-ลิ่ว เธี้ยง เญย เฒี่ยง โห่, มานา หย่า เหฌี่ย อ๊ะ.#ธ้วด อียิบ 16:13-15
10โมเซ ไฮ์ ป่วนๆ เมี่ยน, เก๊าะ-เมี่ยน เยียม เก๊าะ-เมี่ยน เญย ด๊บ-ลิ่ว แก้ง ด่าง เญี้ยม. เฒี้ยว ฯฒฯ เฉีย เจี์ย! ไห่ อ๊ะ. โมเซ หย่า ไม้ อะเฮน้ย นิ่น บัว. 11โมเซ ก๊อง บั๋ว เฒี้ยว, “เฒี้ยว เหว่ย หาย ติ่ว ปุน เยีย, เม่ย เญย โปว, หฒุ ด่ง น้าย โค้ว? เยีย โหฒว หาย หญู่ง ไม้ หอบ เม่ย เญย เฮญี้ยว เม่ย หธีง ต้าย เฒาะ น้าย เต๋ย เมี่ยน ปุน เยีย ดาม ด่ง น้าย เฮนี้ย? 12น้าย เต๋ย หฒวัง เมี่ยน เยีย กั้น ม่าย ต้าย ไฟ? เซ เยีย กั้น ยู์ง ต้าย ไฟ? เฒี้ยว เหว่ย หาย ติ่ว เห่ว เยีย ฮล้อบ เจี๊ยน นิ่น บัว ฮนั้ง มา ฮล้อบ เจี๊ยน ฮบ หญอ เญย กู้งว์า นอ, ต้อ มี่ง เถา เม่ย แล์ง เจี์ย แหง่ง หว่า อ๋อย ปุน นิ่น บัว เญย อง-ถาย วั้ว นอม เต่ย-ปูง? 13เยีย อ๋อย หฒุ มี่ง หาย ตุ๊ อ๊อ เก๋า ปุน น้าย เต๋ย หฒวัง เมี่ยน หญั่น? นิ่น บัว ตอง เจี๊ยน เยีย เญี้ยม เจี๊ยน ก๊อง, ‘ปุน อ๊อ เยีย บัว หญั่น ม่าะ!’ 14เยีย กั้น ดุ ล่าน เมี่ยน ฮนั้ง, ดาม ไม้ ต์ง น้าย เต๋ย เมี่ยน ธั้ม. เยีย ไฮ์ ปะหละ เฮนี้ย ไห่. 15สี ก๊อง เฒี้ยว อ๋อย ฮนั้ง น้าย นอ โหฒว ปุน เยีย, หย่า สี ก๊อง เฒี้ยว ปวั๊ง เอ๋ย เยีย, โท้ ปุน เยีย อี้ หฒั่น หฒุ ไต่, เยีย ฯฒฯ ไม้ หฒุ ปวัด เยีย กั้น เญย โค้ว-ฒี่ง.”
โมเซ กิ๊น เธี้ยด เหฒียบ เต้า เมี่ยน โก๋
16 เฒี้ยว บั๋ว โมเซ, “อ๋อย หฒุ เห่ว เธี้ยด เหฒียบ เต้า อิสะลาเอน เมี่ยน เญย เมี่ยน โก๋, ต้ง เม่ย ฮิ้ว ตุ๊ เยียม แปะ ฝีง บุด๋ง โหฒว เมี่ยน โก๋ หย่า โหฒว เจียน วั้ว เต๋ย. ต้อ นิ่น บัว ต้าย เถา หวุ่ย ปวั้ง เญย ด๊บ-ลิ่ว ปุน นิ่น บัว เหธา เม่ย โซ้ว เจี๊ยน หน่าย. 17เยีย ฯฒฯ เหฌี่ย ต้าย เหธา เม่ย เยียม หน่าย ก๊อง หว่า. เยีย อ๋อย เฒาะ เต๋ย เยียม เม่ย วั้ว เต้า สีง ลี่ง ปุน เยียม นิ่น บัว. นิ่น บัว ฯฒฯ เถง เม่ย ดาม น้าย เต๋ย เมี่ยน เหว่ย ปุน เม่ย กั้น ดุ เต้า ฮนั้ง ไม้ หฒุ ดาม เฮนี้ย.
18“อ๋อย หฒุ บั๋ว แปะ ฝีง, ‘เม่ย บัว อ๋อย หฒุ สา เหฑ่ง หวุย, หลิ่ว เล์ย เหฒียง เหว่ย ฌัง ฮนอย, เม่ย บัว ฯฒฯ ตุ๊ อ๊อ หญั่น อ๊ะ. เหว่ย หฒุ เม่ย บัว เญี้ยม, เฒี้ยว หย่า ไฮ์ หมี่ อ๊ะ. เม่ย บัว ก๊อง, “เฝย ตุ๊ เยีย บัว ม่าย อ๊อ หญั่น. เยียม อียิบ เต่ย-ปูง เยีย บัว ฒู้ง ตุ๊ เก้า หลง.” เหว่ย น้าย เฒี้ยว อ๋อย ปุน อ๊อ เม่ย บัว หญั่น, เม่ย บัว ฯฒฯ ตุ๊ หญั่น อ๊ะ. 19ไม้ ตาน หญั่น เหยียด ฮนอย ฮนั้ง, ไฟ อี ฮนอย, ไฟ ปยา ฮนอย, ไฟ เหฒียบ ฮนอย, ไฟ หญี่ เหฒียบ ฮนอย. 20หญั่น เถา ปวั๊ง เหยียด หฮลา เหญียะ, เถา อ๊อ ฒู้ง ยั่ง เม่ย บัว เญย บะฒอง-ค้วด แป๊ด ธ้วด, เม่ย บัว หย่า โหยว เหฑ่ง อ๊ะ. เหว่ย หฒุ เม่ย บัว เฆ่ม เฒี้ยว, ต้ง เยียม เม่ย บัว บุด๋ง วั้ว เต้า, หย่า ตอง เจี๊ยน เฒี้ยว เญี้ยม เจี๊ยน ก๊อง, “เยีย บัว เหว่ย หาย ติ่ว ธ้วด อียิบ เต่ย-ปูง?”’”
21โมเซ ก๊อง, “เหธา เยีย ยั่ง เจ๊า เญย มจั่ง ตอน ม่าย จุ๊ สิน เต้า. เฒี้ยว หย่า ก๊อง เยีย อ๋อย ปุน อ๊อ นิ่น บัว หญั่น เก๋า เหยียด หฮลา เหญียะ. 22เฒาะ ยู่ง กวั้น, ง่ง กวั้น, ไต๋ ปุน นิ่น บัว ม่าย เก๋า เญย ไฟ? เฒาะ เหฑ่ง เหยียด ฒู้ง ค้อย เญย เบย์า ม่าย เก๋า นิ่น บัว หญั่น ไฟ?”
23 เฒี้ยว เตา โมเซ, “เฒี้ยว เญย ปั์ว นั้ง ไห่ ไฟ? อี้ หฒั่น เม่ย อ๋อย ตุ๊ ปวัด เยีย เหธา เม่ย ก๊อง เญย หว่า เหว่ย เม่ย ธ้วด ต้าย เฒียน ไฟ ไม้ เฒียน.”
เมี่ยน โก๋ โต่ว เฒี้ยว เญย หว่า
24โมเซ ฯฒฯ ธ้วด มี่ง เฒียง เฒี้ยว เญย หว่า บั๋ว แปะ ฝีง. นิ่น ต้อ เธี้ยด เหฒียบ เต้า นิ่น บัว เญย เมี่ยน โก๋ ต้าย กั๊บ ฒุ้น ปุน นิ่น บัว โซ้ว เจี๊ยน ฮวีง ก๋อม หวุ่ย ปวั้ง เญย ด๊บ-ลิ่ว. 25เฒี้ยว ฯฒฯ เยียม วั้ว ต๊อ บ๋วน เหฌี่ย ต้าย เหธา โมเซ ก๊อง หว่า หย่า เฒาะ เต๋ย เยียม โมเซ วั้ว เต้า สีง ลี่ง, ปุน สีง ลี่ง เยียม วั้ว เต๋ย เธี้ยด เหฒียบ เต้า เมี่ยน โก๋. สีง ลี่ง ต้าย เฒ้บ นิ่น บัว เญย ซิน เญย เฒี่ยง โห่, นิ่น บัว โต่ว เฒี้ยว เญย หว่า. ฆะฮ้า ไม้ โต่ว อ๊ะ.
26มป่า ม่าย อี เต้า เมี่ยน, บั๋ว เห่ว เอนดาด เหธา เมดาด, หธ่อ เยียม วั้ว ด๊บ-ลิ่ว เธี้ยง. นิ่น บัว มต้าย เหธา วั้ว เต๋ย เมี่ยน โก๋ ฝาว บั๋ว, มป่า ไม้ ธ้วด มี่ง เยียม หวุ่ย ปวั้ง เญย ด๊บ-ลิ่ว. สีง ลี่ง หธ่อ ต้าย เฒ้บ เจี๊ยน นิ่น บัว, นิ่น บัว หย่า เยียม วั้ว เธี้ยง กะญั์ว โต่ว เฒี้ยว เญย หว่า. 27ม่าย เต้า เมี่ยน หลุน เมี่ยน ถิว เจี๊ยน มี่ง บั๋ว โมเซ, “เอนดาด เหธา เมดาด เยียม วั้ว เธี้ยง โต่ว เฒี้ยว เญย หว่า แอ๋!”
28นุน เญย ตอน, โยซูวา, เยียม นิ่น หลุน เญย เฒี่ยง โห่ โหฒว โมเซ เญย ปอง-ปั์ว เมี่ยน. โยซูวา ก๊อง, “เยีย เญย เฒี้ยว, โมเซ อ้า! ตั๊ง เจี๊ยน นิ่น บัว ม่าะ!”
29มป่า โมเซ เตา, “เม่ย เหว่ย เยีย เหมว่ย เจี๊ยะ ไฟ? เฝย ตุ๊ เฒี้ยว เญย เมี่ยน เหยียด ฒู้ง ไฮ่ โหฒว โต่ว หว่า เมี่ยน. หย่า เฝย ตุ๊ เฒี้ยว ปุน นิ่น เญย สีง ลี่ง เยียม นิ่น บัว เหยียด ฒู้ง.” 30โมเซ เหธา อิสะลาเอน เมี่ยน เญย เมี่ยน โก๋ ฯฒฯ หฑวน ด๊บ-ลิ่ว เธี้ยง หมี่ อ๊ะ.
เฒี้ยว ปุน เหนาะ บุ้น
31 เฒี้ยว ปุน หฑยาว ป่วน เหนาะ บุ้น เยียม ค้อย วั้ว ปูง ต้าย เหฌี่ย ฮวีง ก๋อม ด๊บ-ลิ่ว เธี้ยง, ฒู้ง เถา ปูงๆ ธ้วด มี่ง เหยียด ฮนอย เญย เจ๊า. เหนาะ ได๋ เจี๊ยน เดา-เป้ย กู้ หงว่าย อี เดาะ ฮลัง. 32วั้ว ฮนอย เมี่ยน ธ้วด มี่ง เฒี่ยง ฮนอย เฒี่ยง ม์วน เฒาะ เหนาะ บุ้น, แอ๋ง เฒาะ เถา ตะเหญ่ย ฮนอย หฮมวัง. หฒอย โหฒะ เหยียด เต้า เมี่ยน ตุ๊ เหยียด แป๊ะ ท้ง.#11:32 ฮิบลู หว่า ก๊อง 10 โฮเม. เซ เล่ย ไม้ โก 2,200 ลิด. เซียว ต้าย นิ่น บัว หย่า พุย ปวั๊ง ด๊บ-ลิ่ว เธี้ยง. 33เหนาะ อ๊อ หธ่อ เยียม นิ่น บัว เญย ญ่า บุด๋ง, ไม้ แก้ง ตุ๊ หฑิ่ว, เฒี้ยว หฒะเก้ง! เฉีย เจี์ย ไห่ หฒวัง เมี่ยน, ฯฒฯ ปุน ปุ๊ด ต้ม ววน-แป่ง ไต๋ นิ่น บัว. 34วั้ว นอม ต๋อง ฯฒฯ ธ้วด บั๋ว เห่ว ขิบโล้ดหัดตาอาวา,#11:34 ขิบโล้ดหัดตาอาวา เญย เอ๋ย เล์ย เซ “เธย กะน้าย เญย เมี่ยน เญย โฒ้ว”. เหว่ย หฒุ วั้ว นอม ต๋อง นิ่น บัว ปย๊บ เธย กั้น หญู่ง กะน้าย วั้ว เต๋ย เหยียด ฒู้ง เมี่ยน.
35แปะ ฝีง เยียม ขิบโล้ดหัดตาอาวา ธ้วด เจ๊า มี่ง เถา ฮาเซโล้ด ฯฒฯ เยียม หน่าย อ๊ะ.
Currently Selected:
ซ้าว เมี่ยน 11: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
